
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!

Hvað gera Hákon og félagar gegn ÍR á laugardaginn?

12. desember 2008 - Akureyri handboltafélag skrifar

Stórleikur hjá 2. flokki á laugardaginn

Loksins fáum við tækifæri til að sjá hvað strákarnir í 2. flokki geta en þeir hafa farið á kostum á Íslandsmótinu til þessa og sitja á toppi deildarinnar með fullt hús stiga eftir fyrstu sjö leikina. Að þessu sinni leika þeir við ÍR sem er í öðru sæti og ljóst að strákarnir þurfa að sýna allar sínar bestu hliðar til að landa sigri í þessum leik. Þess er skemmst að minnast að ÍR-ingar gerðu þeim illan grikk í fyrrahaust þegar liðin léku hér tvo leiki á tveim dögum, Akureyri gjörsigraði fyrri leikinn en komu síðan værukærir í seinni leikinn og töpuðu honum.

Slíkt má alls ekki henda núna heldur verða strákarnir að nýta þetta tækifæri því að FH sem trúlega er með sterkasta liðið í deildinni tapaði einmitt leik gegn Víkingum um síðustu helgi og er ekki laust við að þar hafi eitthvert vanmat verið í gangi.

En Akureyri er með hörku lið eins og við vitum, þar eru t.d. Oddur, Heiðar Þór, Anton og Atli Ævar sem allir eru að spila með meistaraflokknum. Þá eru hörkunaglar eins og Elmar Kristjánsson, Hákon Stefánsson og Halldór Árnason svo einhverjir séu nefndir.

Við vitum svo sem ekki mikil deili á ÍR liðinu en nokkrir þeirra eru að spila með meistaraflokknum sem er í toppbaráttunni í 1. deild. Nægir þar að nefna skyttuna Jónatan Vignisson sem var einmitt útnefndur besti sóknarmaður Greifamótsins hér í haust.

Jónatan Vignisson kunni vel við sig í Síðuskóla á Greifamótinu

Leikurinn verður í Íþróttahöllinni og hefst klukkan 13:30 á laugardaginn og hvetjum við alla áhugamenn um handbolta til að fjölmenna og styðja strákana sem eru í toppbaráttunni og ætla sér örugglega að vera þar áfram.

Staðan í deildinni hjá 2. flokki núna er sem hér segir:

Nr.	Félag	Leik	U	J	T	Mörk	Nett	Stig
1.	Akureyri	7	7	0	0	247:180	67	14
2.	ÍR	8	6	0	2	236:204	32	12
3.	FH	6	5	0	1	202:149	53	10
4.	Valur	6	4	1	1	189:164	25	9
5.	Víkingur	7	3	1	3	203:182	21	7
6.	Selfoss	6	3	0	3	190:166	24	6
7.	Afturelding	8	3	0	5	222:251	-29	6
8.	HK	7	2	1	4	213:210	3	5
9.	Stjarnan	6	2	1	3	175:176	-1	5
10.	Haukar	6	1	2	3	161:178	-17	4
11.	Fram	7	2	0	5	199:222	-23	4
12.	Fjölnir	8	0	0	8	159:314	-155	0

Fletta milli frétta

Til baka

Senda á Facebook

Umsjón og hönnun: Stefán Jóhannsson og Ágúst Stefánsson