Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Meistarafl. karla
Næstu leikir
Nýjustu úrslit
Stjarnan-Akureyri 28-23
Þri. 4. apr. 2017
Olís deild karla
ÍBV-Akureyri 22-22
Mið. 29. mar. 2017
Olís deild karla
deildin staðan

Ungmennalið karla
Næstu leikir
Nýjustu úrslit
Stjarnan U-Akureyri U 35-30
Fös. 7. apr. 2017
1. deild karla
Akureyri U-KR 34-30
Fös. 31. mar. 2017
1. deild karla
deildin staðan
    Fréttir                       Þú flettir milli frétta með örvalyklunum eða smellir á bláu örvarnar! 

Heiðar Þór kann vel við sig í Síðuskólahúsinu

17. mars 2009 - Akureyri handboltafélag skrifar

2. flokkur: Leikur dagsins við Selfoss í Síðuskólahúsinu

Það er ekki langt frí hjá strákunum í 2. flokki eftir þriggja leikja törn helgarinnar. Í dag klukkan 17:30 taka þeir á móti Selfyssingum en það er næstsíðasti heimaleikur strákanna í deildarkeppninni.

Liðin hafa mæst tvisvar í vetur, fyrst á Selfossi í byrjun desember og þar fór Akureyri með nauman sigur 33-34 eftir erfiðan leik. Liðin mættust síðan í Síðuskólahúsinu í undanúrslitum bikarkeppninnar þann 17. febrúar og þar fór Akureyri með sigur 37-30 en það var þó ekki fyrr en á lokamínútum leiksins sem Akureyri náði að knýja fram sigurinn.

Það er því ekkert gefið í þessum leik, Selfyssingar eru með mjög sterkt lið og sitja sem stendur í 3. sæti deildarinnar eftir stórsigur á liði HK. Selfyssingar eru í harðri keppni við Hauka og Víkinga um sæti í úrslitakeppninni þannig að þeir koma örugglega dýrvitlausir til leiksins. Þjálfarar Selfyssinga eru hinir litríku Sebastian Alexander og góðvinur okkur Akureyringa, Arnar Gunnarsson og hafa þeir verið að gera góða hluti í uppbyggingunni á Selfossi.

Akureyri situr sem kunnugt er á toppi deildarinnar en mega ekkert misstíga sig í þeim fjórum leikjum sem eftir eru en þessi leikur er klárlega sá erfiðasti af þeim. Við hvetjum alla stuðningsmenn til að fjölmenna í Síðuskólahúsið í dag og hvetja strákana til dáða en væntanlega getur Akureyri stillt upp sínu sterkasta liði.
Fletta milli frétta Til baka    Senda á Facebook
Umsjón og hönnun: Stefán Jóhannsson og Ágúst Stefánsson