Hitað upp fyrir úrslitarimmuna, upprifjun frá 2002


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Þeir þekkja úrslitabaráttuna þessir leikmenn		22. apríl 2011 - Akureyri handboltafélag skrifar Hitað upp fyrir úrslitarimmuna, upprifjun frá 2002 Nú þegar nokkrir dagar eru í að úrslitarimma Akureyrar og FH hefst þá er ekki úr vegi að rifja upp stemminguna sem fylgir slíkum viðureignum. Vorið 2002 var athyglisvert fyrir handboltann á Akureyri, bæði liðin KA og Þór komust í úrslitakeppnina sem í þá daga var átta liða keppni. KA hafði verið í þeim sporum í mörg ár en Þór tók þátt í úrslitakeppninni í fyrsta sinn. KA hafnaði í 5. sæti deildarinnar en Þór í því 7 þannig að hvorugt liðið hafði heimaleikjarétt í einvígjunum. Þrátt fyrir að spámenn og sérfræðingar þess tíma teldu að Haukar myndu slá KA út í 4. liða úrslitunum fóru KA menn líkt og Akureyri nú í ár, í lokarimmuna um Íslandsmeistaratitilinn þar sem þeir léku gegn Val sem einmitt voru andstæðingar Þór í átta liða úrslitunum. Síðastliðið vor rifjuðum við upp úrslitakeppnina árið 2002 og það á ekki síður við nú í ár og bendum áhugasömum á umfjöllun um leikina hér að neðan. Ýmsir þeirra sem standa í eldlínunni nú voru einnig lykilmenn í viðureigninni 2002. Atli Hilmarsson var einmitt þjálfari KA liðsins þá og Sævar Árnason, núverandi aðstoðarþjálfari Akureyrar var leikmaður. Heimir Örn Árnason var líkt og nú lykilmaður bæði í sókn og vörn. Síðast en ekki síst var Hreinn Þór Hauksson í leikmannahópi KA, eitilharður nagli líkt og við þekkjum hann í dag. Einn leikmaður er þó enn ónefndur úr KA liðinu en sá er reyndar í dag í leikmannahópi FH. Baldvin Þorsteinsson, þá 18 ára gamall setti heldur betur mark sitt á fjórða leik lokarimmunnar þegar hann undir lok leiks var sendur á vítapunktinn í fyrsta sinn á ævinni og skoraði úr tveim vítum auk tveggja marka úr horninu. Í liði Þórs þetta árið voru meðal annarra línumennirnir Hörður Fannar Sigþórsson og Þorvaldur Þorvaldsson. Eins og áður segir þá grófum við upp umfjallanir Morgunblaðsins og DV frá þessum leikjum auk þess sem Þórir Tryggvason sendi okkur ljósmyndir. Við eigum sem sé í vændum frábæra leiki Akureyrar og FH um Íslandsmeistaratitilinn 2011 og nú þurfa allir að leggjast á eitt með að gera Íþróttahöllina að óvinnandi vígi. Úrslitakeppnin 2002: fyrsti hluti, 8 liða úrslitin Úrslitakeppnin 2002: 8 liða úrslitin viðbót Úrslitakeppnin 2002: Haukar - KA í 4 liða úrslitunum Úrslitakeppnin 2002: KA - Haukar í 4 liða úrslitunum Úrslitakeppnin 2002: Valur - KA (leikur 1) Úrslitakeppnin 2002: KA - Valur (leikur 2) Úrslitakeppnin 2002: Valur - KA (leikur 3) Úrslitakeppnin 2002: KA - Valur (leikur 4) Úrslitakeppnin 2002: Valur - KA (leikur 5) Atli Hilmarsson fékk að sjálfsögðu flugferð eftir lokaleikinn
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson