Meistaraflokkur mætir Gróttu á mánudagskvöldið


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Grótta vann 1. deild sannfærandi í fyrra		8. október 2015 - Akureyri handboltafélag skrifar Meistaraflokkur mætir Gróttu á mánudagskvöldið Akureyri lék sinn leik í 7. umferð Olís-deildarinnar síðastliðinn laugardag þegar liðið mætti Víkingum en aðrir leikir þeirrar umferðar fara fram í dag eða á morgun. Áttunda umferðin verður svo leikin næstkomandi mánudag, 12. október og þá fær Akureyri nýliða Gróttu í heimsókn. Eftir góða sigra í síðustu tveim leikjum hefur heldur betur lifnað yfir stemmingunni í kringum liðið. Stuðningsmenn lögðu svo sannarlega sitt að mörkum með frábærri stemmingu í leiknum gegn Fram í síðustu viku og strákarnir skiluðu hreint mögnuðum leik gegn Víkingum á laugardaginn. Nú þurfa allir að leggjast á eitt með að halda áfram á sömu braut og næsta verkefni er því að taka á móti Gróttu á mánudaginn. Grótta vann 1. deildina síðasta vor og endurheimti þar með sæti sitt í deildinni eftir þriggja ára veru í 1. deild. Þjálfari Gróttu er líkt og síðasta ár, reynsluboltinn Gunnar Andrésson. Grótta byggir að miklu leiti á sama mannskap og í fyrra en hefur þó styrkt hópinn nokkuð. Þar má t.d. nefna Finn Inga Stefánsson sem undanfarið hefur verið einn af lykilmönnum Vals og markvörðinn Lárus Helga Ólafsson sem hefur leikið með HK og Val síðustu árin. Þá fengu Gróttumenn línumanninn Guðna Ingvarsson frá ÍBV. Að loknum sex umferðum eru áðurnefndur Finnur Ingi einmitt markahæstur Gróttumanna með 33 mörk, Aron Dagur Pálsson með 26 og Daði Gautason með 20. Gróttumenn eru til alls líklegir í vetur, unnu t.d. góðan sjö marka sigur á FH, 33-26 þannig að enginn skyldi vanmeta þá í deildinni. Þess má geta að okkar frábæri hornamaður Kristján Orri Jóhannsson kom til Akureyrar frá Gróttu og lék einmitt með Gróttu þegar liðin mættust síðast hér á Akureyri í deildarleik, 10. nóvember 2011. Kristján Orri skoraði eitt mark fyrir Gróttu í leiknum 2011 Leikurinn hefst klukkan 19:00 á mánudaginn í KA heimilinu og við hvetjum alla til að fjölmenna á leikinn og styðja okkar lið til sigurs, áfram Akureyri!
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson