Erfið staða eftir eins marks tap gegn Fram


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Meistarafl. karla

Næstu leikir

Nýjustu úrslit

Stjarnan-Akureyri 28-23
Þri. 4. apr. 2017
Olís deild karla

ÍBV-Akureyri 22-22
Mið. 29. mar. 2017
Olís deild karla

Stjarnan U-Akureyri U 35-30
Fös. 7. apr. 2017
1. deild karla

Akureyri U-KR 34-30
Fös. 31. mar. 2017
1. deild karla

deildin staðan

Fréttir

Þú flettir milli frétta með örvalyklunum eða smellir á bláu örvarnar!


Mindaugas og Andri Snær fóru fyrir liðinu í dag		26. mars 2017 - Akureyri handboltafélag skrifar Erfið staða eftir eins marks tap gegn Fram Akureyri og Fram mættust í svakalegum botnbaráttuleik í gærkvöldi þar sem afar dýrmæt stig voru í boði fyrir sigurvegarann. Allt var í járnum lengi vel í fyrri hálfleik Akureyringar voru þó með frumkvæðið í leiknum, komust 6-4 yfir eftir rúmar þrettán mínútur en Fram náði að jafna. Akureyri komst þremur mörkum yfir 12-9 þegar tæpar sex mínútur voru eftir af hálfleiknum og fín stemming í húsinu. En Framarar náðu að loka á sóknarleik liðsins í framhaldinu og eftir fjögur mörk þeirra í röð voru þeir komnir yfir en Mindaugas braut ísinn og jafnaði með þrumuskoti rétt fyrir lok hálfleiksins. Gangur fyrri hálfleiksins Arnar Birkir Hálfdánsson var allt í öllu í leik Framara, skoraði sex mörk í fyrri hálfleiknum og eiginlega ótrúlegt að hann væri ekki hreinlega tekinn úr umferð. Hjá Akureyri var Mindaugas kominn með fjögur mörk og Andri Snær Stefánsson með fimm, þar af fjögur af vítalínunni. Seinni hálfleikurinn þróaðist á svipaðan hátt, Akureyringar leiddu með tveim mörkum og raunar þremur mörkum 19-16 eftir átta mínútna leik og staðan vænleg. Brynjar Hólm átti öfluga innkomu í upphafi seinni hálfleiks, þrjú mörk og fiskaði vítakast En aftur náðu Framarar vopnum sínum og jöfnuðu í 19-19 og spennan gríðarleg. Þegar tíu mínútur voru eftir af leiknum var jafnt, 22-22 en þá kom þriggja marka kafli Framara sem komu sér þar með í vænlega stöðu. Akureyri barðist áfram en tókst aldrei að vinna þennan mun fyllilega upp og að lokum fóru Framarar með eins marks sigur, 26-27 og fögnuðu að vonum gríðarlega í leikslok. Gangur seinni hálfleiksins Líkt og í fyrri hálfleik var það Arnar Birkir sem dró vagninn og endaði með 9 mörk auk þess að mata félaga sína vel þegar hann hafði dregið varnarmenn Akureyrar í sig. Þá reyndist markvörður þeirra, Viktor Gísli Hallgrímsson Akureyringum erfiður en þeir tveir voru öflugastir Framara í leiknum. Hjá Akureyri voru það sérstaklega Mindaugas Dumcius og Andri Snær Stefánsson sem héldu liðinu uppi og börðust af alefli. Mindaugas skoraði sjö mörk og fiskaði fjögur vítaköst. Andri Snær skoraði tíu mörk í leiknum og skilaði öllum sjö vítaköstum liðsins í netið. Þá átti Tomas fínan leik í markinu en fyrir leikinn voru jafnvel efasemdir um hvort hann yrði með. Mörk Akureyrar: Andri Snær Stefánsson 10 (7 úr vítum), Mindaugas Dumcius 7, Brynjar Hólm Grétarsson 3, Bergvin Þór Gíslason 2, Friðrik Svavarsson 2, Kristján Orri Jóhannsson 1 og Sigþór Árni Heimisson 1 mark. Tomas Olason stóð í markinu allan tímann og varði 15 skot, þar af tvö vítaköst. Mörk Fram: Arnar Birkir Hálfdánsson 9, Þorgeir Bjarki Davíðsson 6, Andri Þór Helgason 4 (1 úr víti), Bjartur Guðmundsson 3, Þorsteinn Gauti Hjálmarsson 3, Davíð Stefán Reynisson 1 og Matthías Daðason 1 mark úr víti. Viktor Gísli Hallgrímsson stóð vaktina í Fram markinu og varði 15 skot, Daníel Þór Guðmundsson reyndi við tvö vítaköst án árangurs. Mindaugas og Arnar Birkir voru útnefndi leikmenn liðann í leikslok og fengu að launum hefðbundna matarkörfu frá Norðlenska. Eftir þennan leik er útlitið orðið ansi dökkt hjá Akureyri, tveir leikir eftir, afar erfiður útileikur í Vestmannaeyjum og í lokaumferðinni útileikur gegn Stjörnunni sem gæti mögulega orðið úrslitaleikur um að forðast botnsætið eftir því hvernig næsta umferð spilast.
Fletta milli frétta	Til baka Senda á Facebook

Umsjón og hönnun: Stefán Jóhannsson og Ágúst Stefánsson