Warning: Undefined array key "frettanr" in /web/akhandadmin/public_html/index.php on line 15
Sjallamót karla: Fylkir Sjallamótsmeistarar - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2006-07

Leikmenn meistarafl. karla
Úrslit leikja
Deild karla
Deild kvenna
Leikmenn meistarafl. kvenna
Tölfræði leiksins 
    Akureyri - Fylkir  17-20 (9-10)
Sjallamót karla 2006
KA-Heimilið
9. september 2006 klukkan: 15:00
Dómarar:
Umfjöllun

Kuzmins átti flotta helgi á meðan Afanasjev var misjafn
Myndir: Þórir Tryggvason



9. september 2006 - SÁ og ÁS skrifar

Sjallamót karla: Fylkir Sjallamótsmeistarar

Seinasta leik Sjallamóts karla var að ljúka en hann léku Akureyri og Fylkir. Ljóst var að liðið sem myndi sigra leikinn myndi sigra mótið. Eftir að hafa leitt 9-10 í hálfleik þá unnu Fylkismenn sanngjarnan sigur í leiknum 17-20 en þeir voru hreint út bara mun betri í leiknum.

Byrjunarlið: Sveinbjörn í marki. Útileikmenn; Andri Snær, Magnús, Alex, Þorvaldur (lína), Dmitrij Afanasjev, Goran.

Fylkismenn skoruðu fyrsta markið og voru á undan nær allan hálfleikinn. Akureyri náði að jafna í 2-2 og komast yfir 3-2 og svo 4-3, þá hafði Dmitrij Afanasjev verið drjúgur og sett þrjú af þeim mörkum en eftir það slökknaði eftirminnilega á honum. Þetta voru einu skiptin í hálfleiknum sem þeir voru yfir. Fylkir kemur með sprett og fer í 7-4 þegar um fimm mínútur lifðu hálfleikinn. Munurinn er svo 2-3 mörk næstu mínútur en Goran Gusic skoraði svo mark á seinustu sekúndunni í hálfleiknum og minnkaði í 9-10.

Akureyri jafnaði 10-10 og svo aftur í 11-11. Þá gáfu Fylkismenn í og fóru að taka karlmannlega á Akureyrarliðinu sem hreinlega höndlaði það ekki, þeir bökkuðu bara. Fylkir kemst 11-14 yfir og svo 13-17. Þá var leiknum í raun lokið og á seinustu 8-9 mínúturnar var Akureyri aldrei líklegt til að jafna. Lokatölur urðu 17-20 sigur Fylkismanna og er Fylkir því Sjallamóts-meistari 2006.

Leikur Akureyrar var eins og allt mótið kaflaskiptur, sem er kannski skiljanlegt undir þessar kringumstæður. Spilið var ágætt í leiknum en liðið var að klikka allt of mikið af dauðafærum og varð það kannski liðinu hvað mest að falli. Einnig var vörnin döpur í leiknum, sem og um helgina, en vörnin "á" að verða sterkasta vopn liðsins í vetur. Til þess að það gerist þarf mikið að breytast.
Fylkismenn hins vegar byggðu leik sinn upp á sterkri vörn sem gaf þeim sigurinn í leiknum. Sókn þeirra gekk svo mjög vel þrátt fyrir að vanta Ásbjörn, hægri hornamann sinn, en hann meiddist illa í gær og er í gifsi í dag. Leikur Fylkis reis mikið eftir því sem á leið á mótinu og eru þeir vel af titlinum komnir.
Alexey Kuzmins var lang öflugasti leikmaður Akureyrar í leiknum og stjórnaði spilinu frábærlega en segja má að Kuzmins komist afar vel frá þessari helgi.. Liðið var að skapa sér fín færi sem það bara nýtti ekki. Heiðar Aðalsteinsson í horninu stóð sig vel og nýtti öll þrjú færi sín en hann byrjaði á bekknum. Heiðar spilaði í heildina ansi vel um helgina og búinn að stimpla sig rækilega inn í vinstri hornastöðuna. Dmitrij byrjaði frábærlega í sókninni og setti þrjú af fyrstu fjórum mörkum liðsins í þremur skotum. Eftir það hrundi leikur hans og skoraði hann einungis eitt mark úr sjö skotum eftir það. Í vörninni var hann svo ekki góður.
Sveinbjörn varði frábærlega framan af eða 6 af fyrstu 10 skotum Fylkis en Elmar kom inn eftir rúmar 16 mín þegar Svenbjörn var með 7 af 15 vörðum. Elmar náði ekki að stimpla sig nógu vel inn þann tíma sem hann spilaði og tók 3 af 11 boltum Fylkis. Sveinbjörn spilaði svo aftur seinustu 10 en var kaldur á þeim tíma með 1 varið af 5.

Að lokum óskar heimasíðan Fylkismönnum innilega til hamingju með að vera Sjallamótsmeistarar en ÍR lenti svo í öðru sæti, Akureyri í þriðja og Akureyri 2 í fjórða sæti.
Meira um mótið mun svo birtast fljótlega hér á KA-sport.

Maður leiksins: Alexey Kuzmins

Til baka    Senda á Facebook

Umsjón og hönnun: Stefán Jóhannsson og Ágúst Stefánsson