Baráttan dugði ekki gegn Fram - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Baráttan dugði ekki gegn Fram - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2006-07

Leikmenn meistarafl. karla

Leikmenn meistarafl. kvenna

Textalýsing frá leiknum

Tölfræði leiksins

		Fram - Akureyri 29-27 (15-14)
		DHL deild karla
		Safamýri
		1. apríl 2007 klukkan: 16:00
		Dómarar: Arnar Sigurjónsson og Svavar Ólafur Pétursson

Umfjöllun


Akureyringar voru full mistækir gegn Íslandsmeisturum Fram		2. apríl 2007 - SÁ skrifar Baráttan dugði ekki gegn Fram Akureyri mætti Fram í gær í Safamýrinni. Með sigri á Haukum var liðið búið að slíta sig nokkuð frá botnbaráttunni og komið í séns að ná Deildarbikarssæti. Spilamennska Akureyrar í leiknum var einfaldlega of mistæk til að ná sigri og vann Fram 29-27 sigur. Akureyri byrjaði í 3-2-1 vörn og byrjaði leikurinn þó nokkuð vel fyrir okkar menn. Akureyri komst í 4-5 og var vörnin að virka vel. Vörnin hélt áfram að virka ágætlega út hálfleikinn þó mismunandi varnarafbrigði væru notuð en það vantaði markvörsluna með. Einum fleiri komast Fram í 7-5 og svo 8-5 stuttu síðar. Jafnmargir komast Akureyringar þó aftur inn í leikinn og jafna 9-9. Í hálfleik var svo staðan 15-14 eftir að Framarar höfðu haft frumkvæðið út hálfleikinn. Fram skorar fyrsta markið í seinni hálfleik, Akureyri jafnar svo og fær Rúnar svo tvær mínútur. Aftur gerist það eins og í fyrri hálfleik að Framarar valta einum fleiri yfir Akureyri og staðan allt í einu orðin 18-15. Jafn margir skora Framarar svo aftur og fara í 19-15. Fram hélt svo góðri forystu lengi vel og staðan 25-19 þegar um tíu mínútur voru eftir. Þá kemur Akureyri með lokakafla sem kom bara allt of seint. Þeir minnka muninn jafn og þétt og þegar tæpar tvær mínútur voru eftir minnkaði Magnús í 27-26. Það var bara því miður of seint því Fram vann að lokum 29-27 sigur. Það munaði bara tveimur mörkum á liðunum í þessum leik en þessi tvö mörk er hægt að finna nær alls staðar í leik Akureyrar. Liðið leikur slakan sóknarleik lengi vel og t.d. allan seinni hálfleikinn en liðið skorar nær einungis úr hraðaupphlaupum og seinni bylgju í seinni hálfleik. Akureyri klikkar tveimur vítum og fjölmörgum dauðafærum. Markmenn liðsins vörðu aðeins örfá skot í fyrri hálfleik þó markvarsla Hreiðars hafi verið flott í seinni hálfleik. Þá var Fram að leysa stöðuna einum leikmanni fleiri miklu betur en Akureyri sem voru langt frá því að vera nógu sannfærandi í þeirri stöðu. Akureyri hreinlega bara klikkaði á of mörgum hlutum til að vinna í Safamýrinni í dag og gerði bara of mörg mistök en til að vinna jafn sterkt lið og Fram á þeirra heimavelli þarftu einfaldlega mjög öflugan leik. Þrátt fyrir fjölmörg mistök var margt jákvætt í liði Akureyarar. Liðið náði barðist og var lengi vel inni í leiknum. Þessir kaflar manni færri gera liðinu bara afar erfitt fyrir en þar er liðið að tapa með 2-3 mörkum í hvort skipti. Akureyri þurfti því alltaf að elta og var oft við það að komast inn í leikinn en það má bara ekki klikka þetta mörgum dauðafærum. Þrátt fyrir að ná ekki að sigra er Akureyri enn í góðum möguleika á að ná fjórða sætinu í dag þar sem Stjarnan náði ekki að vinna ÍR. Það eru svo fjögur stig í bæði Hauka og Fylki en þrjár umferðir eru eftir. Allt getur gerst en Akureyri hreinlega verður nú bara að stefna upp á við og á þetta fjórða sæti því liðið er nánast búið að tryggja sér sæti í deildinni að ári. Til þess að ná 4. sætinu þarf ekki mikið. Liðið sýndi flotta hluti í sókn, vörn, markvörslu, seinni bylgju og baráttu í dag. Vandamálið var bara að liðið náði ekki að sýna þessa hluti í einu nema kannski í restina og verður liðið að sýna betri heildarleik og ná fleiri hlutum inn í einu ætli þeir sér að vinna lið eins og Fylki sem eru næstu andstæðingar Akureyrar.


Tengdar fréttir
Fylgist spennt með stórleik Fram og Akureyrar hér á síðunni klukkan 16:00		1. apríl 2007 - ÁS skrifar Bein Lýsing: Fram - Akureyri Akureyri Handboltafélag leikur í dag mikilvægan leik og er leikurinn gegn Íslandsmeisturum Fram og byrjar klukkan 16:00. Það verður gaman að sjá hvernig liðið kemur tilbúið til leiks en liðið getur með sigri komist allverulega inn í baráttuna um sæti í Deildarbikarnum. Leikur dagsins er gegn Fram en Fram er í þriðja sæti og er 4 stigum á undan Akureyri. Heimasíðan býður upp á beina textalýsingu af leiknum sem hún hvetur fólk til að fylgjast með ef það kemst ekki á leikinn, en leikurinn er leikinn í Safamýri. Það er virkilega auðvelt að fylgjast með leiknum í gegnum Beinu Lýsinguna. Smellið hér til að opna Beina Lýsingu Beina Lýsingin opnast í nýjum glugga sem uppfærist af sjálfu sér á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 16:00 en við hvetjum alla til að fylgjast vel með.


Það var svo sannarlega gaman þegar liðin mættust seinast, verður svo aftur?		30. mars 2007 - SÁ skrifar Akureyri mætir Fram á sunnudaginn Eftir ansi stóran sigur á Haukum um seinustu helgi þá annar gríðarlega mikilvægur leikur um komandi helgi en þá fara Akureyringar í Safamýrina og taka á móti Frömurum. Leikurinn sker úr um það hvort Akureyri ætlar að fara í baráttuna um efstu fjögur sætin og þar af leiðandi deildarbikarinn eða hvort þeir ætla í fallbaráttuna aftur. Með sigrinum á Haukum er Akureyri komið með 16 stig í 5. sætinu, Haukar koma næstir með 12 og í fallsæti eru svo Fylkismenn með 10 stig. Þannig að staðan er orðin mun betri en fyrir tveimur vikum síðar hvað varðar að halda sér í deildinni en hænurnar skulu þó aldrei taldar of snemma og er ekkert öruggt á þessari stundu. Fjögur efstu sætin í deildinni gefa sæti í Deildarbikarnum. Í 4. sætinu eru svo Stjörnumenn með 18 stig, eða einungis tveimur stigum meira en Akureyri svo það er ekki langt þangað. Í 3. sætinu eru svo Framarar með 20 stig eða fjórum stigum ofar en Akureyri en Fram eru einmitt andstæðingar Akureyrar um helgina. Með sigri um helgina gæti Akureyri því hrist all svaðalega upp í málunum um baráttunni um fjórða og jafnvel þriðja sætið því sigur kæmi Akureyri einungis tveimur stigum á eftir Fram þegar þrjár umferðir eru enn eftir. Þetta er því gríðarlega mikilvægur leikur fyrir bæði lið og þá sérstaklega fyrir Akureyri sem getur farið aftur í baráttuna á botninum. Okkar menn eru komnir í gang og væri fáránlegt að fylgja því ekki eftir. Haukarnir lágu síðast fyrir karaktersmiklum Akureyringum. Hafi menn í hyggju að nota þennan sama karakter um helgina og leggja sig jafn mikið fram er liðið að fara að blanda sér í baráttuna í efri hlutanum en menn verða þá að berjast jafn mikið of seinast og hugsanlega meira. Fram er með geysisterkt lið. Björginn Gústavsson stendur í markinu og eru þeir með frábæra leikmenn eins og Sigfús Pál og Jóhann Gunnar Einarsson svo dæmi eru tekinn. Þeir eru með góðan hóp og mjög öflugt lið en Akureyri getur svo sannarlega unnið þá, þeir hafa meira að segja gert það áður í vetur og það sannfærandi 33-26 á Akureyri í eftirminnilegum leik eftir tvær misheppnaðar tilraunir. Finni menn sama gír og um seinustu helgi verður gaman að sjá leikinn um helgina. Stóru spurningunni verður svarað á sunnudaginn. Ætlar Akureyri að blanda sér í baráttuna í efri hlutanum eða ætla þeir að halda áfram í baráttunni í neðri hlutanum? Henni verður svarað í Safamýrinni 16:00 á sunnudag.

Til baka Senda á Facebook

Umsjón og hönnun: Stefán Jóhannsson og Ágúst Stefánsson

web statistics