Warning: Undefined array key "frettanr" in /web/akhandadmin/public_html/index.php on line 15
Enn naumt tap í deildinni - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2007-08

Leikmenn meistarafl. karla
Úrslit leikja
Deild karla
Deild kvenna
Leikmenn meistarafl. kvenna
Myndband frá leiknum      Tölfræði leiksins 
    Akureyri - Fram  29-30 (15-17)
N1 deild karla
KA heimilið
9. febrúar 2008 klukkan: 16:00
Dómarar: Hlynur Leifsson og Hörður Aðalsteinsson
Umfjöllun

Ási átti stórleik gegn Fram og var tvímælalaust maður leiksins





11. febrúar 2008 - Akureyri handboltafélag skrifar

Enn naumt tap í deildinni

Enn tapaði Akureyri naumlega á Íslandsmóti karla á laugardaginn þegar Fram sótti okkur heim. Munurinn í lokin eitt mark, 30:29. Það er satt að segja dálítið einkennilegt – og gremjulegt, auðvitað – að sjá stöðuna í deildinni; lið sem strákarnir hafa átt í fullu tré við í vetur, og tapað fyrir með litlum mun, langt fyrir ofan okkur í töflunni. En Akureyrarliðið hefur oft sýnt og sannað að mikið býr í því. Og nú er bara að snúa sér strax að næsta leik enda er hann á morgun: undanúrslitaleikur gegn Fram í bikarkeppninni fyrir sunnan. Erfitt en skemmtilegt verkefni.

Viðureignin á laugardag var hörkuleikur og æsispennandi.

Halldór Jóhann Sigfússon lék á ný í KA-heimilinu og stóð sig vel, var langbestur Framara. Ási bróðursonur hans, Ásbjörn Friðriksson, var þó enn betri; fór hreinlega á kostum í Akureyrarliðinu. Ási hefur lítið spilað í vetur en tók stöðu Jónatans sem leikstjórnandi og nýtti tækifærið geysilega vel. Gerði 11 mörk í leiknum og lék eins og sá sem valdið hefur. Sjálfstraustið geislaði af Ása.

Leiksins verður minnst fyrir mikla baráttu og spennu. Fram var tveimur mörkum yfir í hálfleik, 17:15 og komst mest fjórum mörkum yfir í seinni hálfleiknum, en með miklu harðfylgi tókst Akureyringum að vinna upp fjögurra marka forskot og jafnt var 27:27 þegar sex mínútur voru eftir. Þá skoruðu Framarar en misstu svo mann út af. Akureyringar hefðu átt að nýta sér það en klúðruðu tveimur sóknum hræðilega klaufalega og Framarar náðu hins vegar að skora. Einn okkar manna var svo rekinn út af og þá virtist vonin úti. Þjálfararnir ákváðu þá að vera með sex menn í sókn og engan í markinu – Heiðar Þór fór í vesti yfir keppnistreyjuna og var því "sókndjarfur" markvörður. Þannig skoraði Akureyri eitt mark en þegar Fram náði boltanum í næstu sókn skaut einn þeirra yfir endilangan völlinn en boltinn fór í þverslá. Heppnir þar, okkar menn, en leiðinlegur klaufaskapur varð til þess að strax og tveggja mínútna refsingu Akureyringa lauk var öðrum leikmanni vísað af. Arnar markvörður fór inná þegar refsitímanum var lokið en þar sem Heiðar Þór "markvörður" var inná var það ólöglegt – tveir markverðir sama liðs mega ekki vera innan vallar í einu.

Þar með var dæmið í raun búið. Framarar komust tveimur mörkum yfir en Akureyri minnkaði muninn á síðustu sekúndunum.

Tengdar fréttir

Jonni og Andri Snær voru í borgaralegum klæðum á Fram leiknum



11. febrúar 2008 - Akureyri handboltafélag skrifar

Tveir sterkir illa fjarri góðu gamni

Bæði Jónatan Þór Magnússon og Andri Snær Stefánsson voru á áhorfendabekkjunum í leiknum gegn Fram á laugardaginn. Andri rifbeinsbrotnaði á æfingu seinni hluta síðustu viku og verður frá í nokkrar vikur, en meiðsli Jónatans eru sem betur fer smávægileg. Hann verður aftur í leikmannahópnum fyrir undanúrslitaleikinn í bikarkeppninni annað kvöld þegar við mætum Frömurum á ný – þá í Fram-húsinu við Safamýri í Reykjavík.


Nú þarf Akureyri að hefna ófaranna gegn Fram frá fyrri leikjum

7. febrúar 2008 - Akureyri handboltafélag skrifar

Fyrsti heimaleikur karlaliðsins á árinu


Þá skal á það bent að leikur Akureyrar og Hauka sem vera átti laugardaginn 23. febrúar hefur verið færður fram og verður hann fimmtudagskvöldið 21. febrúar kl. 19:00 í KA Heimilinu.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson