Warning: Undefined array key "frettanr" in /web/akhandadmin/public_html/index.php on line 15
Akureyri komið í 16-liða úrslit Eimskipsbikarsins - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2008-09

Leikmenn meistarafl. karla
Úrslit leikja
Deild karla
Textalýsing frá leiknum     Tölfræði leiksins 
    HKR - Akureyri  15-51 (7-24)
Eimskipsbikar karla
KA - heimilið
4. október 2008 klukkan: 16:00
Dómarar: Sigurjón Þórðarson og Júlíus Sigurjónsson
Umfjöllun

Halldór var drjúgur í hraðaupphlaupunum

5. október 2008 - Akureyri handboltafélag skrifar

Akureyri komið í 16-liða úrslit Eimskipsbikarsins

Akureyri vann stórsigur á Handknattleiksfélagi Reykjanesbæjar í gær og varð þar með fyrst liða til að tryggja sig áfram í Eimskipsbikar karla. Leikurinn átti upphaflega að fara fram í Reykjanesbæ en þar sem illa gekk að fá sal til að leika í varð að samkomulagi síðastliðinn fimmtudag að leikið yrði hér fyrir norðan. Þar sem Íþróttahöllin var upptekin fór leikurinn fram í KA-Heimilinu.

HKR menn eru að vinna frábært starf við að rífa upp handknattleikinn á Suðurnesjum og hafa einbeitt sér að yngri flokkunum og eru komnir í gang með alla flokka stráka og a.m.k. þrjá flokka kvenna. Meistaraflokkur þeirra tekur þátt í utandeildinni og í spjalli við forsvarsmenn liðsins kom fram að þeir líta á tímabilið í vetur sem undirbúning fyrir þátttöku í deildarkeppni næsta vetur.

Það kom fljótt í ljós að getumunur liðanna var gríðarlegur og einungis spurning um hversu stór sigur Akureyrar yrði. Reyndar má segja að leikurinn hafi þróast upp í hraðaupphlaupsæfingu þar sem eldfljótir horna- og línumenn fengu úr nógu að moða.

Akureyri byrjaði með sitt sterkasta lið en síðan fengu allir úr hópnum að spreyta sig nema hvað Rúnar Sigtryggsson, þjálfari tók því rólega og hélt sig utan vallar allan tímann. Allir útileikmenn sem komu inná skoruðu í leiknum, Halldór Logi Árnason nýtti t.d. tækifærið vel og raðaði inn átta mörkum í síðari hálfleik. Heiðar skoraði einnig 8, Hreinn 7. Andri Snær og Elfar 5 mörk hvor, Árni Þór og Gústaf 4, Hörður og Oddur 3 hvor og Atli Ævar og Jónatan báðir með 2 mörk.

Markvarslan var fín en þess ber að geta að varnarveggurinn tók býsna mörg skot eða hirti boltann af Reyknesingum án þess að þeir kæmu skotum á markið. Hafþór byrjaði en um miðjan fyrri hálfleikinn kom Jesper inná og stóð í markinu allt til loka. Jesper átti prýðilegan leik, varði m.a. tvö vítaköst og tók nokkur opin færi af línunni.

Annars er erfitt að dæma liðið eða einstaklinga út frá þessum leik, til þess var mótstaðan of lítil en gott að liðið keyrði á fullum dampi út allan leikinn og því má segja að liðið hafi fengið ágætis æfingu út úr leiknum. Áhorfendur voru um 120 sem verður að teljast ágætt miðað við allar aðstæður að þessu sinni. Nú er bara að bíða og sjá hverjir verða andstæðingar liðsins í 16-liða úrslitunum.

Tengdar fréttir

Bjóðum Reyknesinga velkomna í KA Heimilið

4. október 2008 - Akureyri handboltafélag skrifar

Leikur dagsins: HKR - Akureyri í beinni lýsingu

Í dag kemur Handknattleiksfélag Reykjanesbæjar í heimsókn og leika gegn Akureyri Handboltafélagi í 32. liða úrslitum Eimskipsbikarsins. Leikurinn fer fram í KA Heimilinu og er frítt á leikinn. Þeir sem ekki komast á leikinn geta fylgst með lýsingu hér á síðunni.

Það er einfalt mál, bara smella á linkinn hér fyrir neðan og þar með opnast nýr gluggi þar sem upplýsingar um gang leiksins birtast jafnt og þétt en síðan uppfærist á u.þ.b. 15 sekúndna fresti.

Smellið hér til að fylgjast með lýsingunni.


Bikarkeppnin byrjar á laugardag

3. október 2008 - Akureyri handboltafélag skrifar

Akureyri leikur við HKR á laugardaginn - frítt á leikinn!

Á morgun, laugardag hefur Akureyri þátttöku sína í bikarkeppni HSÍ sem kennd er við Eimskip. Sú breyting hefur orðið frá því sem við auglýstum í gær að einungis verður einn leikur þar sem leik Akureyrar 2 og FH 2 hefur verið frestað um viku og er hann nú settur á laugardaginn 11. október klukkan 16:00 í KA-Heimilinu.

En að leiknum á morgun þá má segja að það sé nóg að gera hjá Akureyrarliðinu en það stóð í ströngu í gær og menn eru klárir á að gera engin mistök í bikarkeppninni enda ætla menn að fara alla leið þar.

Við vitum ekki mikið um mótherjana, HKR (Handknattleiksfélag Reykjanesbæjar) en liðið er nýlega stofnað og hyggst vinna handboltanum sess á Reykjanesinu. Á heimasíðu félagsins er þess getið að liðið lék sinn fyrsta leik þann 25. september gegn Heimsliðinu sem er utandeildarlið, byggt upp af strákum úr Stjörnunni í Garðabæ. Leikið var 2 x 25 mínútur og endaði leikurinn með 5 marka sigri HKR 24-19.
Markahæstur í liði HKR var Einar Eiríkur Einarsson með 10 mörk en Arnar Ingi Sigurðsson varði 19 skot þar af 2 víti í leiknum. Þeir félagar eru jafnframt þjálfarar liðsins.

Við bjóðum HKR velkomna norður og hvetjum alla til að bregða sér í KA-Heimilið á laugardaginn til að taka þátt í upphafi bikarævintýrsins, athugið að það er frítt á leikinn!


Andstæðingar Akureyrarliðanna koma úr Reykjanesbæ og Hafnarfirði



2. október 2008 - Akureyri handboltafélag skrifar

Bikarveisla í KA-Heimilinu á laugardaginn - breyting

Eins og við greindum frá á þriðjudagskvöldið dróst aðallið Akureyrar á móti HKR-Handknattleiksfélagi Reykjanesbæjar í 32-liða úrslitum Eimskipsbikarsins og áttu Reyknesingar heimaleikjaréttinn. Það hefur nú orðið að samkomulagi að leikurinn verður leikinn á Akureyri næstkomandi laugardag klukkan 16:00 og verður leikið í KA-Heimilinu. Vegna kostnaðar við að leika í Reykjanesbæ sömdu liðin um að færa leikinn norður og bjóðum við liðsmenn HKR velkomna til Akureyrar.

Akureyri sendir annað lið, Akureyri 2 í bikarkeppnina og dróst það lið gegn FH 2 og átti sá leikur að fara fram í Hafnarfirði en hefur sömuleiðis verið færður til Akureyrar og fer sá leikur hefur nú verið færður til laugardagsins 11. október og hefst klukkan 18:00 í KA-Heimilinu.

Það er því kærkomið að sjá Akureyrarlið leika bikarleik á heimavelli en það hefur ekki gerst síðan í desember 2006. Í fyrra lék liðið fjóra bikarleiki, alla á útivelli en féll út í 4-liða úrslitum.

Við fjöllum nánar um liðin síðar.




Til baka    Senda á Facebook

Umsjón og hönnun: Stefán Jóhannsson og Ágúst Stefánsson