Ekkert bikarævintýri þetta árið - myndir frá leiknum - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Ekkert bikarævintýri þetta árið - myndir frá leiknum - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2009-10

Leikmenn meistarafl. karla

Ljósmyndir frá leiknum

Textalýsing frá leiknum

Tölfræði leiksins

		Akureyri - FH 22-23 (10-16)
		Eimskipsbikar karla
		Íþróttahöllin
		Sun 15. nóv. 2009 klukkan: 16:00
		Dómarar: Gísli Hlynur Jóhannsson og Hafsteinn Ingibergsson

Umfjöllun


Heiðar Þór lék vel í vinstra horninu í dag		15. nóvember 2009 - Akureyri handboltafélag skrifar Ekkert bikarævintýri þetta árið - myndir frá leiknum Ekkert bikarævintýri bíður okkar Akureyringa þetta árið eftir að FH gerði enn einu sinni góða ferð norður og vann sigur á okkar mönnum 23-22 í vægast sagt undarlegum og kaflaskiptum bikarleik. FH-ingar hafa nú sótt þrjá sigra til Akureyrar röð. Um fyrri hálfleik þarf ekki að hafa mörg orð, leikur Akureyrar var skelfilegur, ekkert gekk sama hvort það var í vörn, sókn eða markvörslu. FH-ingar aftur á móti léku sér hreinlega að okkar mönnum og höfðu sex marka forystu í hálfleik 16-10. Heimir sækir að FH vörninni Ekki byrjaði síðari hálfleikur gæfulega. FH skoraði tvö fyrstu mörkin og staðan orðin 18-10 þeim í vil og ljóst að brekkan var orðin ansi hreint brött fyrir Akureyri. En þá loksins fóru hlutirnir að gerast hjá okkar mönnum. Vörnin small saman og Flóki tók að verja eins og berserkur fyrir aftan. Við þetta fór liðið að skora fjölda marka úr hraðaupphlaupum sem var kannski eins gott því einhverra hluta vegna náði liðið sér aldrei á strik í sóknarleiknum þegar þurfti að stilla upp. Hægt en örugglega minnkaði forskot FH-inga og þegar um 1 og hálf mínúta var til leiksloka fékk leikmaður FH-brottvísun og einungis tveggja marka munur á liðunum. Einum fleiri náðu Akureyringar að skora í sókninni og svo varði Flóki vel skot FH-inga þegar um 40 sekúndur voru til leiksloka. Akureyringar spiluðu upp á eitt lokaskot í síðustu sókninni en því miður varði Pálmar Pétursson, frábær markvörður FH ágætis skot frá Jónatan Magnússyni þegar um 5 sekúndur voru til leiksloka og þar sem boltinn endaði uppi í stúku gafst Akureyringum ekki færi á að ná öðru skoti það sem eftir lifði leiks. Lokatölur því eins og áður sagði 23-22 fyrir FH, gríðarlega svekkjandi úrslit staðreynd. Geir Guðmundsson var rifinn gróflega niður og fékk FH-ingurinn Jón Heiðar brottvísun Okkar menn spiluðu nokkuð vel í 20 mínútur og er ótrúlegt til þess að hugsa að liðið hafi verið svo nálægt því að jafna nánast tapaðan leik á svo skömmum tíma. Menn verða hins vegar að spyrja sig hvers vegna þeir spila ekki á fullum krafti allan tímann í leik sem þessum þar sem allt er undir. Tap á heimavelli hér á Akureyri á alltaf að teljast óásættanlegt og treystir undirritaður því að þau verði í það minnsta ekki mikið fleiri í vetur. Mörk Akureyrar: Jónatan 6 (2 víti), Heiðar Þór Aðalsteinsson 4, Árni Sigtryggsson 3, Hörður Fannar Sigþórsson 3, Heimir Örn Árnason 2, Oddur Gretarsson 2 (1 víti), Andir Snær Stefánsson 1 og Geir Guðmundsson 1 mark. Áður en skilið er við leikinn verður að minnast á frábæra stemmningu meðal hinna um 600-700 áhorfenda í Höllinni og þá sérstaklega í síðari hálfleik þar sem menn hvöttu liðið hreinlega í gang. Þetta sínir enn og sannar að þáttur áhorfenda vegur þungt og getur á góðum degi skilað liðinu sigri. Sjá myndasyrpu Þóris Tryggvasonar frá leiknum Jón Stefán Jónsson


Tengdar fréttir
Jónatan ekki sáttur með afrakstur dagsins		15. nóvember 2009 - Akureyri handboltafélag skrifar Jonni: Þetta er hundfúlt og gríðarlega svekkjandi Jónatan Þór Magnússon (Jonni), leikmaður Akureyrar var að vonum ósáttur eftir tapleikinn gegn FH. „Nei, ég kann enga skýringu á að við spilum svona herfilega í fyrri hálfleiks. Við fundum augljóslega ekki taktinn og á tímabili var bara eins og liðið væri farið að bíða eftir að það kæmi hálfleikur svo við gætum farið yfir hlutina“, sagði Jónatan er fréttamaður spurði hann hvernig á því stæði að liðið hefði spilað svo illa í fyrri hálfleik. Jónatan hélt áfram; „Við ætluðum okkur að minnka muninn jafnt og þétt í síðari hálfleik og það tókst þrátt fyrir að við höfum spilað mjög slakan sóknarleik allan tímann. En vörnin var ágæt og það setti okkur inn í leikinn en dugði því miður ekki til. Sóknarleikurinn hjá okkur hefur ekki enn smollið á þessu tímabili og er kominn tími á að við spilum hann eins og menn.“ Jónatan vildi ekki heyra á það minnst að nú myndi liðið bara einbeita sér að deildinni, enda er það frekar þreytt gömul lumma. En hann var sammála blaðamanni að nú gæti verið ákveðinn vendipunktur fyrir liðið: „Það er gríðarlega svekkjandi að vera úr leik í bikarnum en ég er sammála þér að nú verðum við hreinlega að fara að taka góðar 60 mínútur leik, við getum ekki beðið með það lengur.“


Það er ekki á dagskrá að tapa bikarleik		15. nóvember 2009 - Akureyri handboltafélag skrifar Leikur dagsins: Akureyri - FH kl. 16:00 (textalýsing) Í dag verður barátta upp á líf og dauða fyrir Akureyri og FH þar sem tapliðið verður úr leik í Eimskipsbikarnum. Leikir liðanna hafa verið fjörugir og ekkert gefið eftir. Akureyri hefur unnið tvo síðustu deildarleiki og ætlar klárlega að halda áfram á sigurbrautinni á meðan FH hefur tapað síðustu tveim leikjum sínum. Lið FH er samt sem áður afar sterkt og er þess skemmst að minnast að þeir sigruðu hér í höllinni í síðasta mánuði og það var einmitt FH sem sló Akureyri út úr bikarnum í fyrra en þá var leikið í Hafnarfirði. Leikurinn hefst klukkan 16:00, við ætlum að vera með beina textalýsingu frá leiknum fyrir þá sem ekki komast í Íþróttahöllina en við vitum að heimamenn ætla að fjölmenna og styðja strákana dyggilega. Þú smellir hér til að fylgjast með beinu lýsingunni sem opnast í sérstökum glugga og uppfærist síðan sjálfkrafa á 20 sekúndna fresti.


Nú ríður á að áhorfendur standi sig		13. nóvember 2009 - Akureyri handboltafélag skrifar Risaslagur á sunnudaginn: Akureyri - FH Það er nóg að gera í handboltanum þessa dagana. Sigurleikur gegn Stjörnunni í gær eftir rafmagnaðar lokasekúndur. Á sunnudaginn verður sannkallaður risaslagur í Eimskipsbikarnum þegar Akureyri tekur á móti FH í Íþróttahöllinni klukkan 16:00. Akureyringar fá nú kærkomið tækifæri til að hefna fyrir deildarleikinn á dögunum þegar FH-ingar flugu suður með 2 stig úr Höllinni. Bæði liðin spiluðu í gær í N1-deildinni og var hlutskipti þeirra misjafnt. Eins og áður segir bar Akureyri sigurorð af Stjörnunni á meðan FH tapaði á heimavelli sínum gegn Gróttu með sex marka mun. Það má því reikna með hörkuleik, Akureyri þarf að hefna fyrir tapið og FH-ingar munu freista þess að komast á sigurbraut eftir tvo tapleiki í röð í N1-deildinni. Fréttir herma að væntanlegar séu tvær rútur með Hafnfirska stuðningsmenn FH liðsins og nú þurfa Akureyrskir áhorfendur að sýna þeim hvernig bestu áhorfendur landsins styðja sína menn. Athugið að ársmiðar og stuðningsmannakort gilda ekki sem aðgöngumiði á bikarleikinn en hins vegar verða veitingar í stuðningsmannaherberginu eins og vanalega. Sjáumst í Höllinni á sunnudaginn! Það má búast við að eitthvað gangi á þegar þessir mætast á ný!

Til baka Senda á Facebook

Umsjón og hönnun: Stefán Jóhannsson og Ágúst Stefánsson

web statistics