Dómarar: Gísli Hlynur Jóhannsson og Hafsteinn Ingibergsson
Umfjöllun
Tengdar fréttir
Þórir Tryggvason beindi linsunni af öryggi
27. mars 2010 - Akureyri handboltafélag skrifar
Myndasyrpa frá leik Akureyrar og Fram
Okkar maður, Þórir Tryggvason var að sjálfsögðu mættur í Höllina á fimmtudaginn þegar Akureyri og Fram áttust við í N1 deildinni. Úrslitin að vísu ekki samkvæmt væntingum en það er hinsvegar öruggt að Þórir klikkar ekki á myndatökunni frekar en fyrri daginn.
Við fengum sendar meðfylgjandi myndir og margar fleiri frá Þóri.
Rúnar var ekki sáttur við frammistöðu sinna manna í kvöld
25. mars 2010 - Akureyri handboltafélag skrifar
Hvað sögðu menn eftir Fram leikinn?
Leikmenn og þjálfarar voru teknir tali eftir leikinn af blaðamönnum dagblaðanna, athugum hér hvað þeir höfðu að segja. Hjalti Þór Hreinsson á Fréttablaðinu (visir.is) ræddi við Odd Gretarsson sem var markahæstur Akureyringa í kvöld. Hann viðurkennir að liðið hafi verið alveg jafn lélegt og gegn Gróttu um síðustu helgi í leik sem liðið tapaði einnig.
„Þetta var slakur leikur af okkar hálfu. Það var engin leikgleði, hana vantaði alveg. Við náðum aldrei taktinum í þessum hröðu sóknum okkar og þetta var bara alveg dautt. Þeir voru að ná fleiri fráköstum og þetta datt oft vel fyrir þá. Það skiptir máli að berjast fyrir öllum boltum og þeir gerðu það vel núna.
Þetta var álíka slappt og gegn Gróttu. Við þurfum bara að vinna í okkar málum núna. Við þurfum að spila vel á móti Val í næsta leik og halda haus. Við þurfum lífsnauðsynlega að vinna þann leik ef við ætlum ekki að missa af sæti í úrslitakeppninni.
„Deildin er mjög jöfn og við erum að sjá ótrúlegustu úrslit. Það eru allir að vinna alla. Við skoðum okkar mál núna og tökum okkur saman í andlitinu,“ sagði Oddur.
Andri Yrkil Valsson, blaðamaður Morgunblaðsins (mbl.is) ræddi við Rúnar Sigtryggsson þjálfara Akureyrar semvar mjög svekktur eftir leikinn. „Þetta var mjög sárt og Fram var einfaldlega betra liðið á öllum vígstöðum. Þótt dómararnir hafi verið umdeildir á tímabili höfðu þeir ekki úrslitaáhrif þegar upp var staðið svo það þýðir ekki að kenna þeim um. Þetta setur pressu á okkur að tryggja okkur áfram í úrslitakeppnina og við virðumst ekki geta höndlað slíka pressu. Það er greinilega margt sem er að og nú þurfum við heldur betur að stilla okkur saman fyrir lokaátökin,“ sagði Rúnar við mbl.is og sagði Frammara hafa höndlað pressuna betur.
„Við vorum lélegir varnarlega þar sem við náðum ekki að stilla okkur saman auk þess sem við virðumst hafa gleymt hvernig á að spila almennilegan sóknarleik. Við vorum einfaldlega yfirspilaðir af andstæðingunum og það segir sitt að liðin sem berjast fyrir sæti sínu í deildinni höndla pressuna betur en við sem berjumst í efri hlutanum.“
Einar Jónsson, þjálfari Fram var hins vegar mun kátari eftir leikinn þegar Andri Yrkill ræddi við hann. Einar sagði það vera styrkleikamerki að fara norður og vinna eins og Fram gerði gegn Akureyri í kvöld í N1 deild karla í handknattleik.
„Við erum að berjast fyrir sæti okkar í deildinni á meðan Akureyri er í baráttu um annað sætið, það er munurinn á liðunum. Það er ekki auðvelt að sækja stig norður og það er ekki langt síðan við töpuðum hérna í hörkuleik. Þá vorum við með fullskipað lið en við vinnum núna með hálf vængbrotið lið, svo það sýnir hversu góður andi er í liðinu,“ sagði Einar í samtali við mbl.is að leiknum loknum.
„Við erum að halda uppteknum hætti úr síðustu leikjum sem er mjög gott. Okkur vantaði nokkra lykilmenn en það er frábært að hafa leikmenn til þess að stíga upp þegar vantar eins og raunin var í þessum leik. Heilt yfir spiluðum við vel og mikið betur en gegn Haukum í síðasta leik. Varnarleikurinn var mikið betri en hann hefur verið og sóknarleikurinn hefur haldist stöðugur og það er mjög gott,” sagði Einar ennfremur.
Heimir kemur örugglega ákveðinn til leiks í dag!
25. mars 2010 - Akureyri handboltafélag skrifar
Leikur dagsins: Akureyri – Fram í textalýsingu
Í dag er leikin heil umferð í N1 deild karla og mikið undir á hjá öllum liðum. Baráttan er hörð sérstaklega um annað sætið þar sem Akureyri stendur óneitanlega best að vígi en þar má þó ekkert út af bregða. Fram er sömuleiðis í hörkubaráttu um að halda sæti sínu í deildinni. Við getum því lofað háspennu og dramatík í Höllinni í kvöld.
Við höfum oft bent á að í liði Fram eru þrír Akureyringar en samkvæmt nýjustu fréttum verður trúlega enginn þeirra með Fram í kvöld. Óheppnin heldur áfram að elta Magnús Stefánsson frá Fagraskógi en hann fór úr axlarlið í síðasta leik og verður trúlega ekki meira með liðinu á þessari leiktíð. Halldór Jóhann Sigfússon mun vera meiddur og Hákon Stefánsson, bróðir Magnúsar, mun ekki eiga heimangengt vegna anna.
En Framliðið hefur á að skipa hörkumannskap sem mun örugglega berjast fyrir sínu. Akureyrarliðið þarf fyrst og fremst að mæta til leiksins með höfuðið í lagi og spila sinn leik strax frá upphafi.
Það er spilað ört í N1 deild karla þessa dagana en næsti leikur Akureyrar er á fimmtudaginn gegn Fram. Staðan í deildinni er þannig að hver leikur skiptir gríðarlega miklu máli enda er baráttan mikil og ekkert gefið fyrirfram um úrslit. Þrátt fyrir að Akureyri misstígi sig í síðasta leik gegn Gróttu þá urðu úrslit annarra leikja til að minnka skaðann. Þannig tapaði FH fyrir Stjörnunni og síðan varð jafntefli hjá HK og Val.
Við vitum að Akureyrarstrákar ætla að sýna stuðningsmönnum hvað þeir geta og mæta einbeittir til leiks líkt og gegn FH í síðustu viku og með dyggum stuðningi bestu áhorfenda á Íslandi er óhætt að lofa góðri skemmtun í Höllinni.
Fram liðið hefur tekið mikla rispu upp á síðkastið og sýnt að liðið verðskuldar alls ekki þá stöðu sem liðið er í N1 deildinni. Þeir töpuðu í gærkvöldi með einu marki fyrir Haukum og vantaði aðeins herslumuninn upp á að knýja fram eins marks sigur eins og þeir höfðu gert í næstu þrem leikjum þar á undan en þá lögðu þeir, HK, Val og FH.
Akureyri og Fram mættust hér í Höllinni þann 22. febrúar og þar vann Akureyri 25-25 í býsna kaflaskiptum leik. Það er mikið í húfi í þessum leik Akureyri verður að vinna til að halda góðri stöðu við toppinn því ekki er vænlegt að treysta á ófarir annarra. Fram aftur á móti er að berjast fyrir veru sinni í deildinni en liðið er í fallsæti eins og er og klárt mál að þeir ætla ekki að vera þar til lengdar.
Eins og við höfum margoft getið eru þrír Akureyringar í Fram liðinu, Halldór Jóhann Sigfússon og bræðurnir Magnús og Hákon Stefánssynir kenndir við Fagraskóg. Magnús varð reyndar fyrir meiðslum í leiknum gegn Hauka í gær og spurning hve alvarleg þau eru. Þá er Halldór að glíma við meiðsli og ekki útséð með þátttöku hans.
Andri Berg Haraldsson átti stórleik með Fram í gær og ljóst að það þarf að hafa góðar gætur á honum á fimmtudaginn. Eins standa menn eins og Haraldur Þorvarðarson og Guðjón Drengsson alltaf fyrir sínu.
Úrvalsdeild karla
Senda skilaboð
Vefur KA
Vefur Þór
Fréttaleit
Ljósmyndir frá leiknum
Textalýsing frá leiknum
Tölfræði leiksins 
Senda á Facebook