Warning: Undefined array key "frettanr" in /web/akhandadmin/public_html/index.php on line 15
Akureyri leikur til úrslita í deildarbikarnum - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2010-11

Leikmenn meistarafl. karla
Úrslit leikja
Deild karla
Ljósmyndir frá leiknum     Tölfræði leiksins 
    Haukar - Akureyri  16-29 (10-16)
Deildarbikar karla
Strandgötu
Mán 27. desember 2010 klukkan: 21:15
Dómarar: Arnar Sigurjónsson og Svavar Pétursson
Umfjöllun

Bjarni kunni vel við sig í Strandgötunni í kvöld

27. desember 2010 - Akureyri handboltafélag skrifar

Akureyri leikur til úrslita í deildarbikarnum

Lið Akureyrar er komið í úrslit deildarbikarkeppni karla eftir yfirburðasigur á Haukum, 29-16, og mætir þar FH sem vann Fram fyrr í kvöld.

Akureyri hafði örugga forystu að loknum fyrri hálfleiknum, 16-10. Sveinbjörn hafði frekar hægt um sig í markinu, varði einungis tvö skot í fyrri hálfleik enda komu Haukar ekki mörgum skotum í gegnum vörnina sem hittu á markið.

Sveinbjörn skellti síðan gjörsamlega í lás í seinni hálfleik, varði allt sem á markið kom þannig að Atli Hilmarsson ákvað að skipta honum útaf eftir fjórtán mínútna leik til að gefa Haukum smáséns. Það virtist þó ekki ætla að hafa tilætluð áhrif því það liðu heilar nítján mínútur þar til Haukar skoruðu sitt fyrsta mark í seinni hálfleik.


Oddur Gretarsson skorar úr hraðaupphlaupi

Á sama tíma röðuðu leikmenn Akureyrar inn mörkum, skoruðu fyrstu átta mörk hálfleiksins og staðan 24-10. Yfirburðir Akureyrar voru algjörir á öllum sviðum leiksins og skipti engu þó að byrjunarliðið væri allt komið útaf, ungu unglingarnir héldu bara áfram og þegar upp var staðið skildu þrettán mörk liðin að, stórsigur staðreynd 29-16.

Úrslitaleikur mótsins er á morgun, þriðjudag klukkan 18:15 en þá eigast við Akureyri og FH en FH-ingar unnu auðveldan sigur á Fram fyrr í kvöld, 40-31.

Leikurinn verður að sjálfsögðu í beinni útsendingu á SportTV.is.

Á sport.is er hægt að lesa nánar um leiki kvöldsins svo og skoða myndir frá leikjunum.

Tengdar fréttir

Oddur mætir ákveðinn til leiks í dag

27. desember 2010 - Akureyri handboltafélag skrifar

Oddur: Ætlum að sjálfsögðu að vinna deildarbikarinn

Oddur Gretarsson segir í viðtali við Morgunblaðið að stefnan sé að sjálfsögðu að vinna deildabikarinn en toppliðið í N1-deildinni mætir Íslands- og bikarmeisturum Hauka í undanúrslitunum í kvöld. Haukarnir lögðu Akureyringa í spennandi úrslitaleik í fyrra.

„Við erum vel stemmdir fyrir þessari keppni. Það er smá þreyta í sumum okkar en það er fínt að fá þessa leiki. Ég á von að einhverjir þeirra sem hafa fengið minna að spila í vetur fái að spreyta sig en við verðum með okkar sterkasta lið og hlökkum bara til að taka þátt í þessu enda um skemmtilegt mót að ræða,“ sagði Oddur við Morgunblaðið í gær.

„Við töpuðum úrslitaleiknum á eftirminnilegan hátt fyrir Haukum í fyrra en við fáum tækifæri til að hefna okkar á þeim og markmiðið er að vinna mótið enda ekki á hverjum degi sem við eigum möguleika á að vinna bikar,“ sagði Oddur.

Oddur hefur stimplað sig vel inn með íslenska A-landsliðinu en hann var í landsliðshópnum sem lék á heimsbikarmótinu í Svíþjóð á dögunum. Þá hefur hann verið í stóru hlutverki með Akureyrarliðinu í N1-deildinni en þar hefur liðið þriggja stiga forskot nú þegar hlé hefur verið gert á deildinni.

„Það er búið að ganga virkilega vel hjá okkur. Það kom smá bakslag undir lokin en við vissum áður en lagt var af stað í haust að við færum ekki í gegnum mótið án þess að tapa leik. Við förum sáttir í fríið enda með þriggja stiga forskot á toppnum. Við gerum okkur líka grein fyrir því að við höfum ekki unnið neitt ennþá og við þurfum, ef eitthvað er, að bæta leik okkar eftir áramótin,“ sagði Oddur í viðtali við Guðmund Hilmarsson blaðamann Mbl.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson