Akureyri lagði Val í mögnuðum leik í kvöld - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Akureyri lagði Val í mögnuðum leik í kvöld - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2011-12

Leikmenn meistarafl. karla

Ljósmyndir frá leiknum

Tölfræði leiksins

		Akureyri - Valur 27-25 (16-17)
		N1 deild karla
		Íþróttahöllin
		Fös 30. mars 2012 klukkan: 19:30
		Dómarar: Jón Karl Björnsson og Þorleifur Á. Björnsson

Umfjöllun


Bjarni Fritzson sýndi flottan leik í dag		31. mars 2012 - Akureyri handboltafélag skrifar Akureyri lagði Val í mögnuðum leik í kvöld Akureyri vann Val 27-25 í lokaumferð N1-deildar karla í kvöld. Leikurinn var æsispennandi þar til undir lokin þegar Akureyri reyndist sterkara. Áður en leikur hófst klöppuðu stuðningsmenn Akureyrar vel og lengi fyrir Óskari Bjarna Óskarssyni, þjálfara Vals, en hann er á leiðinni út til Danmerkur. Þá fékk Andri Snær Stefánsson blómvönd fyrir sinn hundraðasta leik sem hann leik í síðustu umferð gegn FH. Svarta Áttan, stuðningsmannafélag Akureyrar, gaf einnig Guðmundi Hólmari Helgasyni gjöf í tilefni þess að hann er nýbakaður faðir. Það er Hjalti Jón Hreinsson, blaðamaður Vísir.is og Fréttablaðsins sem ritar þessa umfjöllun: Það var ekki nein gjafmildi í boði í upphafi leiks en bæði lið mættu tilbúin til leiks klár í að berjast um tvö stigin sem í boði voru. Það var ekki fyrr en fyrri hálfleikur var um það bil hálfnaður sem Valsmenn náðu þriggja marka forustu í fyrsta sinn í leiknum. Sú forusta dugði skammt þar sem Akureyringar voru búnir að jafna strax um fimm mínútum seinna eftir að Atli Hilmarsson tók leikhlé. Valsmenn sóttu vel út á móti Guðmundi Hólmari og riðlaði það sóknarleik Akureyrar nokkuð. Liðin voru hikandi oft á tíðum og töpuðu boltanum nokkrum sinnum klaufalega. Valsmenn voru fljótir að refsa og skoruðu nokkur mörk úr hraðaupphlaupum. Gestirnir sóttu stíft á skyttur Akureyrar sem fundu í staðinn Hörð Fannar ítrekað inni á línunni. Hann fékk ein sjö dauðafæri, skoraði fimm mörk og fiskaði víti. Sókn Valsmanna var fín lengst af og Akureyringar náðu ekki að finna taktinn almennilega í vörninni. Báðir markmennirnir, Sveinbjörn hjá Akureyri og Hlynur hjá Val, vörðu sjö skot í hálfleiknum. Jafnt var svo á flestum tölum út hálfleikinn þangað til að Valsmenn náðu að fara inn í leikhléið með eins marka forustu, 16-17. Akureyringar mættu mjög svo grimmir til leiks í seinni hálfleik og voru fljótir að koma sér í tveggja marka forystu og var það þéttur varnarleikur þeirra sem skilaði þeirri forustu. Valsmenn áttu í bullandi vandræðum með að finna leið í gegn enda skoruðu þeir aðeins tvö mörk á fyrstu 10 mínútum seinni hálfleiks og Sturla Ásgeirsson átti þau bæði. Varnarleikur Valsmanna var aftur á móti nokkuð góður og Hlynur Morthens á varðbergi þar fyrir aftan. Sturla Ásgeirsson hélt áfram að leiða sóknarleik Vals en Bjarni Fritzsson var öflugastur sóknarlega í liði Akureyrar í bráðfjörugum seinni hálfleik þar sem liðin skiptust á að leiða. Stefán Guðnason kom þá inn á í mark Akureyrar lokaði markinu og lagði grunn að tveggja marka sigri Akureyringa. Stefán var frábær undir lokin og varði vel. Akureyrar sigu fram úr og unnu flottan sigur í skemmtilegum leik. Valsmenn hefðu getað komist yfir þegar Stefán varði meistaralega úr hraðaupphlaupi og þeir gátu svo jafnað þegar Stefán varði úr dauðafæri. Stefán tók svo enn eitt skotið að utan og lagði með því grunn að sigrinum. Hörður Fannar var virkilega öflugur í liði Akureyrar og Guðlaugur stóð vörnina vel. Sturla var bestur í liði Vals í kaflaskiptum leik. Mörk Akureyrar: Bjarni Fritzson 9 (4 úr vítum), Hörður Fannar Sigþórsson 5, Guðmundur Hólmar Helgason 3, Oddur Gretarsson 3, Geir Guðmundsson 2, Guðlaugur Arnarsson 2, Heimir Örn Árnason 2 og Daníel Örn Einarsson með eitt mark. Markvarsla: Sveinbjörn varði níu skot í leiknum, þar af eitt vítakast. Stefán Guðnason átti magnaða innkomu á lokasekúndunum og varði þrjú skot. Mörk Vals: Sturla Ásgeirsson 9, Sveinn Aron Sveinsson 5, Anton Rúnarsson, Valdimar Fannar Þórsson 2 mörk hvor og loks Atli Már Báruson 1.


Tengdar fréttir
Stefán Guðnason var hetja Akureyrarliðsins undir lok leiksins		5. apríl 2012 - Akureyri handboltafélag skrifar Síðbúin viðtöl eftir sigurleikinn á Val Þó að nokkuð sé liðið frá leik Akureyrar og Vals þá birtum við hér samantekt á umsögnum leikmanna og þjálfara liðanna í leikslok. Fyrstur á dagskrá er Hjalti Þór Hreinsson blaðamaður Vísir.is og Fréttablaðsins en hann ræddi við leikmennina Stefán Guðnason og Sturlu Ásgeirsson svo og Atla Hilmarsson. Stefán Guðnason: Lokaði markinu til að losna við skammir frá Bjarna Fritz Stefán Guðnason var að vonum kátur eftir leik enda mætti hann í markið undir lokin og lokaði því hreinlega, varði þrjú síðustu skot leiksins og átti mikið í því að heimamenn lönduðu sigri. „Það komu þægileg skot, vörnin small í gang og lokaði vel þannig að skotmenn gátu varla sett hann annarstaðar en þar sem ég náði til. Bjarni er alltaf á bakinu á mér með staðsetningar fyrir hvert mark sem ég fæ á mig í leik þá er hann kominn er það bara hálftími aukalega með honum. Það er því best að hafa mörkin sem fæst, því þá kemst ég fyrr heim.“ Núna er það ljóst að Akureyringar mæta FH í úrslitum, er Stefán sáttur með þá niðurstöðu? „Það er skemmtilegra að fá FHinga og þá eru það helst sárindi frá síðasta tímabili sem sitja í manni og ég er mjög ánægður að fá tækifæri til að kvitta fyrir það.“ Sturla Ásgeirsson: Ætlaði aldrei aftur í frí fyrir páska Sturla Ásgeirsson var ekkert sérstaklega sáttur eftir leikinn í kvöld enda voru Valsmenn inni í leiknum þangað til að Stefán Guðnason lokaði markinu. „Já, þetta var bara fínn leikur af okkar hálfu þangað til að það voru bara 2-3 mínútur eftir. Stefán kom í markið, Fúsi er eini sem er svona stór fyrir sunnan og hann er með okkur í liði þannig að mönnum brá og skutu bara í hann. Það voru rosalega dýrar vörslur fyrir okkur, þeir náðu að skora í bakið og komast yfir.“ Var hann annars sáttur með leik Valsmanna í kvöld þrátt fyrir tap? „Þetta var einn af okkar betri leikjum í vetur, skemmtilegt að spila enda fullt af fólki í húsinu enda mikilvægur leikur fyrir Akureyri. Bara helst súrt að fá ekkert út úr þessu. Það er líf í húsinu, maður heyrir í þeim og það er bara gaman enda eflir það mann bara og peppir.“ Þetta er annað árið í röð sem Sturla er að fara í frí áður en úrslitakeppnin hefst. Þetta er væntanlega ekki í takt við væntingar og plön? „Sama gerðist í fyrra, ég sagði þá við mig að þetta ætti aldrei að gerast aftur að vera kominn í frí fyrir páska. Ég, strákarnir og allt félagið erum mjög óánægð með að komast ekki í úrslitin. Einhverjir dýrir punktar á tímabilinu eru að gera það að verkum að við erum ekki að komast áfram. Við höfum sýnt það að við getum unnið hvaða lið sem er í þessari deild á góðum degi eins og flest lið í þessari deild. Sturla var valinn maður Valsliðsins þegar liðin mættust á Akureyri í október 2011 Oft hefur þetta munað ofboðslega litlu, verið að fá á okkur mörk á lokakafla leiks og annað slíkt. Við komum samt sterkir inn í þessa síðustu umferð en það var bara ekki nóg, of lítið of seint.“ Sagði Sturla Ásgeirsson stuttu áður en hann lagði af stað út í rútu sem hann taldi ágætlega verðskuldað miðað við árangur tímabilsins. Atli Hilmarsson: ánægður með karakterinn „Ég er bara rosalega ánægður að ná að klára þetta. Þetta er mjög mikilvægt upp á framhaldið að láta ekki slá sig útaf laginu. Við höfum verið á góðu róli og viljum halda því áfram. Við vorum mjög ósáttir með okkur í hálfleik og ákváðum það að breyta aðeins varnarleiknum, færa okkur framar og komast í meiri snertingu við þá og það gekk ágætlega framan af en svo duttum við aftur í sama farið. Þetta er samt Akureyrar-karakterinn að klára þetta svona í restina. Aðalatriðið í þessum leik var að vinna og sjá hvað það gefur okkur, því miður var það bara þriðja sætið, en samt. Að lenda í þriðja sæti í þessari deild finnst mér bara vera frábær árangur miðað við allt og allt. Við vorum í tómum vandræðum í fyrstu umferð og næst neðstir lengi vel. Við höfum verið á siglingu og það fyllir mann bjartsýni fyrir úrslitakeppnina.“ Nú er það ljóst að Akureyri mætir FH í undanúrslitum. „Það verður viss mótivering hjá okkur að svara fyrir síðasta tímabil og þessi leikur fyrir tveimur umferðum síðan á móti þeim hjálpar okkur þar sem við gjörsamlega pökkuðum þeim saman. Með það að framkalla svoleiðis leik aftur þá erum við í fínum málum. Þessi fjögur lið sem komast áfram plús Fram eru öll frábær lið og allt getur gerst. Auðvitað hafa Haukar og FH forskot sem er heimaleikjarétturinn.“ Atli er væntanlega sáttur með innkomu Stefáns Guðnasonar í markinu, er hann að minna á sig fyrir úrslitakeppnina? „Hann fær nú ekki mörg tækifæri en þegar hann það gerist þá kemur hann svona inn og það er alveg frábært. Auðvitað minnir hann á sig, það er alveg frábært að gera þetta svona.“ Atli gefur Geir Guðmundssyni góð ráð í Valsleiknum Andri Yrkill Valsson blaðamaður Morgunblaðsins ræddi við Atla Hilmarsson eftir leikinn. Atli Hilmarsson: Viljum vitanlega fara alla leið „Þetta var skrítinn leikur. Við komum illa innstilltir og vorum eiginlega bara á hælunum í byrjun. Það var sama hvert var litið, við vorum seinir til baka, seinir fram, lélegir í sókn og lélegir í vörn svo það er eiginlega með ólíkindum að við höfum einungis verið einu marki undir í hálfleik,“ sagði Atli Hilmarsson eftir sigurinn á Val. „Við vorum góðir í byrjun seinni hálfleiks eins og vill oft vera hjá okkur. Við náum forystu en dettum aftur í sama farið og þeir koma til baka en frábær síðasti kafli hjá okkur skóp þetta. Stefán Guðnason kom einnig sterkur inn í markið og bjargaði okkur á ögurstundu hvað eftir annað.“ Atli segir sterka liðsheild í herbúðum Akureyrar oft skipta sköpum í svona leikjum. „Hún skiptir öllu máli. Við höfum verið að púsla saman liðinu í allan vetur, byrjuðum með fáa vegna meiðsla og svo framvegis. En í undanförnum umferðum höfum við haft okkar sterkasta lið til taks og erum að vera betri og betri. Það er samkeppni um stöður í liðinu og fullt af strákum sem eru utan hóps sem standa sig gríðarlega vel á æfingum og ég hef úr miklum fjölda að velja. En liðið stendur sig hrikalega vel og það sést á hverri einustu æfingu. Það endurspeglast svo í leikjunum þar sem við gefumst ekki upp heldur höldum áfram fram á síðustu sekúndu.“ Liðið mætir FH í úrslitakeppninni og er Atli spenntur fyrir því verkefni. „Mér líst vel á þetta. Við unnum þá sætt hérna um daginn en það skiptir engu máli í svona rimmu. Við eigum harma að hefna frá því á síðustu leiktíð og þar sem við erum komnir í úrslit þeirra fjögurra efstu þá viljum við vitanlega fara alla leið,“ sagði Atli Hilmarsson, þjálfari Akureyrar, í leikslok. Að endingu eru hér vídeóviðtöl Þrastar Ernis Viðarssonar blaðamanns Vikudags við þjálfara liðanna en viðtölin birtust á Sport.is.


Hvenær fengu Valsmenn síðast viðurkenningu fyrir umgjörða leikja?		30. mars 2012 - Akureyri handboltafélag skrifar Leikur dagsins: Akureyri - Valur í beinni á SportTV.is Það ætti ekki að hafa farið framhjá neinum að í kvöld er lokaumferð N1 deildar karla. Okkar leikur er heimaleikur gegn Val og allar aðstæður til að skapa frábæra stemmingu í Höllinni. Við treystum okkar frábæru stuðningsmönnum fullkomlega til að sýna Valsmönnum alvöru stemmingu. Í Morgunblaðinu í dag er rætt við Patrek Jóhannesson, hugsanlega, kannski, mögulega verðandi þjálfara Vals á næsta tímabili, þar segir Patti: „Ég er stoltur af því að Valsmenn hafi áhuga á að fá mig til starfs. Valur er stórt félag með frábæra umgjörð, örugglega þá bestu á landinu. Þar af leiðandi mun ég skoða allar hliðar þess að koma til starfa hjá Val,“ segir Patrekur við Moggann. Svo mörg voru þau orð. Eins og áður segir þá treystum við stuðningsmönnum Akureyrarliðsins til að sýna Patreki og hans mönnum frábæra umgjörð í kvöld. SportTV.is sýnir leikinn beint Samkvæmt upplýsingum á vef SportTV ætla þeir að sýna leikinn beint á vefnum, að vísu án lýsanda og munum við gera okkar besta til að láta útsendingu þeirra birtast hér á síðunni. Einnig er hægt að smella hér til að fara á síðu SportTV.is. Auk þess ætlar SportTV einnig að sýna leik HK og Fram sem fram fer á sama tíma.


Sævar hefur trú á að Fram fylgi Akureyri í úrslitakeppnina		29. mars 2012 - Akureyri handboltafélag skrifar Baráttan um heimaleikjaréttinn Sævar Árnason, aðstoðarþjálfari Akureyrar Handboltafélags var í stuttu viðtali við Vikudag um leikinn gegn Val. „Þetta er svakalega mikilvægur leikur gegn Val og við treystum á að fólk fylli Höllina og skapi sömu stemmingu og í síðasta leik,“ segir Sævar. Sú breyting verður á úrslitakeppninni í ár að vinna þarf þrjá leiki í stað tveggja til að komast áfram. „Þannig að það er mjög mikilvægt að vinna heimaleikjaréttinn og fá sem flesta leiki í Höllinni,“ segir Sævar. Vikudagur fékk Sævar til að spá fyrir um leik HK og Fram en leikur þeirra er úrslitaleikur um það hvort liðið kemst í úrslitakeppnina. „Ég segi að Fram sé líklegra en þetta verður svakalegur baráttuleikur,“ segir Sævar að lokum. Við bendum þeim sem vilja feta í fótspor Sævars og spá um leikina í lokaumferðinni á að smella hér.


Það má alltaf bóka stórleiki þegar Akureyri og Valur mætast		29. mars 2012 - Akureyri handboltafélag skrifar Akureyri – Valur í Höllinni föstudaginn 30. mars Þó að Haukar séu orðnir deildarmeistarar og Grótta fallin úr deildinni þá er ekki þar með sagt að allt liggi ljóst fyrir hjá hinum liðunum. Staðan er einfaldlega þannig að Akureyri, FH og HK/Fram gætu öll endað í 2. sæti, þau gætu líka öll orðið í 3. sæti og þar að auki þá gæti hvert þessara liða sömuleiðis endað í 4. sæti deildarinnar. Akureyrarliðið þarf hins vegar að einbeita sér að sigri í föstudagsleiknum gegn Val og ef það gengur eftir á Akureyrarliðið raunhæfa möguleika á að hreppa 2. sætið í deildinni og þar með vinna sér heimaleikjaréttinn í undanúrslitakeppninni. Allir leikir lokaumferðarinnar eru leiknir á sama tíma og hefjast leikirnir klukkan 19:30. Að þessu sinni verður gert sérstaklega vel við meðlimi stuðningsmannaklúbbsins en fyrir leikinn verður þeim boðið í glæsilegt veisluborðhald á neðri hæð Íþróttahallarinnar. Samkvæmt nýjustu upplýsingum verður lambasteik á boðstólnum og mikilvægt að félagar í stuðningsmannaklúbbnum verði með skírteinin sín meðferðis. Akureyri og Valur hafa mæst tvisvar í vetur. Fyrri leikurinn var hér í Íþróttahöllinni 20. október og lauk leiknum með jafntefli 24 – 24 en seinni leikinn vann Akureyri sannfærandi á útivelli 23 – 30. Valsliðið hefur á að skipa fjölmörgum frábærum handboltamönnum sem hver um sig getur tekið leikinn í sínar hendur og klárað hann fyrir liðið. Fyrst ber þar að nefna markvörðinn Hlyn Morthens sem alltaf á góðan dag. Þá hefur Anton Rúnarsson átt frábæra spretti og skoraði t.d. 11 í síðasta leik gegn Gróttu en Anton er langmarkahæsti leikmaður Vals í deildinni, búinn að skora 140 mörk. Kannski er þó stærsti munurinn á Valsliðinu í dag að Valdimar Fannar Þórsson er kominn af stað með liðinu eftir slæm meiðsli en eins og kunnugir þekkja þá er Valdimar hreint frábær leikmaður. Ekki má sleppa því að minnast á hornamanninn Sturlu Ásgeirsson sem er næst markahæsti leikmaður Vals, með 114 mörk skoruð. Það þarf sem sé að hafa góðar gætur á þessum leikmönnum auk annarra. Stuðningsmenn Akureyrar og umgjörð leikja voru valin best í fyrsta og öðrum hluta N1 deildarinnar. Nú þurfa þeir bara að troðfylla Höllina á föstudagskvöldið, styðja sína menn með öllum hugsanlegum hætti og keppa að því að fá umgjörðarverðlaunin í þriðja sinn í vetur.


Það verður væntanlega frábær stemming í Höllinni gegn Val		28. mars 2012 - Akureyri handboltafélag skrifar Glæsileg veisla fyrir stuðningsmannaklúbbinn Í upphafi keppnistímabilsins var ákveðið að tvisvar í vetur yrði sérstakur hátíðarbragur á matnum fyrir stuðningsmannaklúbb liðsins og fyrra skiptið fyrir leik Akureyrar og Fram sem var þann 30. nóvember. Nú er komið að því að endurtaka leikinn, þannig verða dúkuð borð og glæsilegur matur fyrir stuðningsmannaklúbbinn fyrir Valsleikinn á föstudagskvöldið og kaffiveitingar í hálfleik. Sigurður Jóhannsson á Strikinu hefur veg og vanda að framkvæmdinni líkt og í fyrra skiptið. Borðhaldið verður að þessu sinni á neðri hæð Íþróttahallarinnar bæði fyrir leik og í hálfleik þannig að sjoppan verður á sínum hefðbundna stað. Í nóvember var boðið upp á frábæra sjávarréttasúpu en heyrst hefur að á föstudaginn verði boðið upp á hamborgarahrygg. Við bendum handhöfum stuðningsmannaskírteina á að koma tímanlega og hafa skírteinin meðferðis. Leikurinn byrjar klukkan 19:30 en stuðningsmannaherbergið opnar væntanlega klukkan 18:15. Ánægðir stuðningsmenn með fiskisúpuna í nóvember

Til baka Senda á Facebook

Umsjón og hönnun: Stefán Jóhannsson og Ágúst Stefánsson

web statistics