Warning: Undefined array key "frettanr" in /web/akhandadmin/public_html/index.php on line 15 Bikarævintýrið fékk sviplegan endi - Akureyri Handboltafélag
Sport.is komst ekki norður yfir heiðar, en ræddi þó við Heiðar
8. mars 2013 - Akureyri handboltafélag skrifar
Skemmtilegur upphitunarþáttur Sport.is
Sport.is gerði gríðarlega skemmtilegan þátt í upphitun fyrir Bikarúrslitahelgina sem hefst í kvöld þegar ÍR og Selfoss mætast klukkan 17:15 og Akureyri og Stjarnan mætast klukkan 19:45. Við hvetjum að sjálfsögðu alla til að fylgjast grannt með gangi mála í þessum tveimur hörkuleikjum í kvöld en í millitíðinni er um að gera að kíkja á þennan skemmtilega upphitunarþátt hjá Sport.is
Það er enginn annar en fyrrum leikmaður Akureyrar, Siguróli Magni Sigurðsson, sem stjórnar þættinum sem enginn ætti að láta framhjá sér fara. Góða skemmtun:
Slagurinn hefst í dag og verða leikirni í beinni útsendingu á RÚV
8. mars 2013 - Akureyri handboltafélag skrifar
Í dag: Akureyri – Stjarnan, hvað segja þjálfararnir?
Þá er komið að bikarúrslitahelginni, Final Four, undanúrslit karla fara fram í dag en undanúrslit kvenna á morgun. ÍR og Selfoss mætast í fyrri leik dagsins og hefst sá leikur klukkan 17:15 en leikur Akureyrar og Stjörnunnar klukkan 19:45. Báðir leikirninr eru í beinni sjónvarpsútsendingu á RÚV.
Fyrirliðar liðanna fjögurra sem berjast um bikarinn takast hér á. Hreinn Þór Hauksson frá Akureyri, Hörður Bjarnarson frá Selfossi, Víglundur Jarl Þórsson frá Stjörnunni og Björgvin Þór Hólmgeirsson frá ÍR. Fréttablaðið/Pjetur
Ívar Benediktsson blaðamaður Morgunblaðsins ræddi við Sævar Árnason aðstoðarþjálfara Akureyrar og Gunnar Berg Viktorsson þjálfara Stjörnunnar um undirbúning liðanna og væntingar fyrir leikinn. Hægt er að skoða viðtölin hér neðar á síðunni:
Sævar: Höfum ekki efni á vanmati
Sævar Árnason, aðstoðarþjálfari Akureyrar, segir lið sitt ekki hafa efni á að vanmeta andstæðing sinn, hver svo sem það og í hvorri deildinni sem það er. Sævar segir Akureyrarliðið nálgast viðureignina við Stjörnuna eins og hvern annan leik hvort sem um sé að ræða deildarleik eða bikarleik. Farið sé vel yfir leik andstæðingsins og í framhaldinu lagt upp með ákveðið leikskipulag.
„Við höfum sýnt það á köflum í vetur að við höfum ekki efni á að vanmeta andstæðinga okkar,“ segir Sævar. Hann reiknar með að Akureyringar stilli upp sinni sterkustu sveit gegn Stjörnunni, þar á meðal Bjarna Fritzsyni sem hefur verið talsvert frá keppni á þessu ári vegna meiðsla.
Akureyrarliðið á fjarlægja von um sæti í úrslitakeppni N1-deildarinnar. Þar af leiðandi hefur stefnan verið sett á bikarinn. „Ef við stöndum okkur vel í bikarnum þá getum við verið nokkuð sáttir við keppnistímabilið þegar það verður gert upp.“
Gunnar: Mikilvægt að allir læri af þessu
Gunnar Berg Viktorsson, þjálfari Stjörnunnar, teflir fram ungu liði í undanúrslitaleiknum í Símabikarnum í kvöld gegn Akureyri. Leikmennirnir eru flestir í kringum tvítugt og allir nema tveir uppaldir Stjörnumenn. Gunnar segir menn vera með báða fætur á jörðinni og gera sér grein fyrir að við ramman reip verði að draga gegn úrvalsdeildarliði Akureyrar.
„Við förum í þennan leik til þess að hafa gaman af þessu og gera okkar besta. Mikilvægt er að menn læri af þessu og kynnist því hvernig er að spila stóran leik í Laugardalshöllinni og öðlist um leið jákvæða reynslu til að taka mér hver sem úrslitin verða,“ segir Gunnar Berg sem hefur reynslu af því að taka þátt í stórleikjum í bikarkeppninni sem leikmaður m.a. með Fram og Haukum.
„Auðvitað getur allt gerst í bikarleikjum en aðalatriðið er samt að menn fari ekki af stað með of miklar vonir því við verðum að nýta þennan leik sem ákveðinn stökkpall fyrir framhaldið í deildinni þar sem við erum í harðri baráttu um sæti í úrvalsdeildinni,“ segir Gunnar Berg Viktorsson, þjálfari Stjörnunnar.
Sjónvarpið (RÚV) sýnir beint frá sex af leikjum helgarinnar en leikjaplanið er eftirfarandi, allir leikir í Laugardalshöllinni:
Fös. 8. mars kl. 17.15 Símabikar karla Selfoss – ÍR (RÚV) Fös. 8. mars kl. 19.45 Símabikar karla Akureyri – Stjarnan (RÚV) Fös. 8. mars kl. 21.30 Bikarkeppni utandeildar Úrslitaleikur, Júmboys – Valur 101
Lau. 9. mars kl. 11.00 Bikarkeppni 4. fl. kvenna Úrslitaleikur, HK 1 -Selfoss Lau. 9. mars kl. 13.30 Símabikar kvenna ÍBV – Valur (RÚV) Lau. 9. mars kl. 15.45 Símabikar kvenna Grótta – Fram (RÚV) Lau. 9. mars kl. 18.00 Bikarkeppni 3. fl. karla Úrslitaleikur, FH - Grótta
Sun. 10. mars kl. 11.00 Bikarkeppni 4. fl. karla Úrslitaleikur, Fram - Selfoss Sun. 10. mars kl. 13.30 Símabikar karla Úrslitaleikur karla (RÚV) Sun. 10. mars kl. 16.00 Símabikar kvenna Úrslitaleikur kvenna (RÚV) Sun. 10. mars kl. 18.00 Bikarkeppni 2. fl. karla Úrslitaleikur, FH - Haukar Sun. 10. mars kl. 20.00 Bikarkeppni. 3. fl. kvenna Úrslitaleikur, Fram - Selfoss
Garðbæingar leggja allt í sölurnar á föstudaginn
5. mars 2013 - Akureyri handboltafélag skrifar
Stjarnan – mótherjar Akureyrar í undanúrslitunum
Mótherji Akureyrar í bikarundanúrslitunum á föstudaginn er 1. deildarlið Stjörnunnar úr Garðabæ. Stjarnan hefur spilað í 1. deildinni undanfarin þrjú ár eða allt frá því liðið féll úr úrvalsdeildinni vorið 2010. Stjarnan hefur þó ávallt verið í toppbaráttunni í 1. deildinni en ávallt vantað herslumuninn til að vinna sér sæti í úrvalsdeildinni á ný. Undanfarin tvö vor tapaði Stjarnan einvígi við Aftureldingu um laust sæti þannig að ljóst er að Stjarnan er með hörkulið.
Eins og kom fram í pistli hér á síðunni í gær þá sló Stjarnan úrvalsdeildarlið Fram úr úr bikarkeppninni í ár og segir það töluvert um styrkleika Garðbæinga.
Sem stendur er Stjarnan í 3. sæti 1. deildarinnar, með 27 stig eftir 18 leiki, Víkingar eru í 2. sæti með 27 stig erftir 17 leiki en ÍBV á toppnum með 29 stig eftir 17 leiki. Stjarnan er því líkt og undanfarin ár í hörkubaráttu um að fara upp, eða allavega fara í umspil um laust sæti í vor.
Þjálfari Stjörnunnar þetta tímabilið er reynsluboltinn Gunnar Berg Viktorsson sem kom úr þjálfarateymi Hauka og lék lengi með Haukum þó hann sé upprunninn úr Vestmannaeyjum.
Honum til aðstoðar er annar reynslubolti sem einnig kemur úr Eyjum, Guðfinnur Arnar Kristmannsson.
Einn leikmanna Stjörnunnar er okkur Akureyringum sérstaklega að góðu kunnur en þar er á ferðinni hornamaðurinn Bjarni Jónasson. Bjarni er árgerð 1989 og hefur verið í herbúðum Stjörnunnar síðastliðin þrjú ár en lék nokkra meistaraflokksleiki með Akureyri þar á undan og var lykilmaður í sterku liði 2. flokks. Bjarni sem leikur í vinstra horninu er í hópi markahæstu manna Stjörnunnar í vetur, hefur skorað 46 mörk í 14 deildarleikjum það sem af er tímabilsins.
Liðsmynd af heimasíðu Stjörnunnar. Bjarni Jónasson nr. 2 á miðri mynd
Markakóngur Stjörnunnar er hornamaðurinn Þröstur Þráinsson en hann hefur skorað 81 mark í deildinni í 16 leikjum. Á eftir Bjarna er miðjumaðurinn og skyttan Guðmundur Guðmundsson með 39 mörk, miðjumaðurinn Víglundur Jarl með 36 og skyttan Finnur Jónsson með 34 mörk.
Stjörnumenn urðu fyrir nokkru áfalli þegar tveir Hafnfirskir lánsmenn voru kallaðir heim til sinna félaga. Haukar kölluðu til sín skyttuna Þórð Rafn Guðmundsson í janúar og FH tók til sín aftur hægri skyttuna Halldór Guðjónsson nú í lok febrúar. Báðir voru Þórður og Halldór í hópi helstu markaskorara Stjörnunnar.
En enginn skyldi vanmeta Stjörnuna og ljóst að leikmennirnir munu leggja sig alla fram á föstudaginn enda stór stund í lífi hvers handknattleiksmanns að fara í úrslitarimmu í Laugardalshöllinni.
Stjarnan er með hörkulið
4. mars 2013 - Akureyri handboltafélag skrifar
Símabikarinn: Leið Stjörnunnar í undanúrslitin
Föstudaginn 8. mars næstkomandi mætast Akureyri Handboltafélag og Stjarnan í undanúrslitum Símabikarsins og keppa þar um sæti í úrslitaleiknum þar sem andstæðingurinn verður annaðhvort ÍR eða Selfoss. Sem smá upphitun ákváðum við aðeins að skoða hvernig gengi Stjörnunnar hefur verið í vetur þá sérstaklega í Símabikarnum.
Stjarnan leikur í 1. deildinni í ár en þar hefur liðið verið undanfarin ár og verið í harðri baráttu um að komast aftur í deild þeirra bestu. Þegar þetta er skrifað er Stjarnan í 2.-3. sæti deildarinnar jafnt Víkingum að stigum en Akureyri sló Víkinga út í bikarkeppninni eftir svakalegan leik sem þurfti að tvíframlengja. Þess má einnig geta að með liði Stjörnunnar spilar í vinstra horninu uppalinn Akureyringur, Bjarni Jónasson.
Eftir að hafa byrjað tímabilið mjög vel en liðið tapaði einungis einum leik af fyrstu þrettán leikjum 1. deildarinnar þá hefur liðið dalað aðeins eftir að liðið komst í undanúrslitin í bikarkeppninni, en tveir leikir af fimm hafa tapast eftir að undanúrslitasætið var tryggt. Það virðist því vera að liðið sé svolítið að bíða eftir þessum mikilvæga leik gegn Akureyri og má búast við hörkuleik. Við skulum samt aðeins skoða hvernig Stjörnumenn komu sér alla leið í undanúrslitin.
32-liða úrslit: 23-22 sigur á Fram Í fyrstu umferð fékk Stjarnan heimaleik gegn sterku liði Fram sem er nú í 3. sæti N1-deildarinnar. Fyrir fram mátti búast við sigri Fram og helsta spennan þá helst hversu stór sigurinn yrði. Stjörnumenn hinsvegar sýndu og sönnuðu að munurinn á N1-deildinni og þeirri fyrstu er ekki svo mikill og leiddu mestallan leikinn gegn Fram og höfðu yfir í hálfleik 13-12. Liðið stóðst svo áhlaup Fram í síðari hálfleik og fór að lokum með sigur 23-22 sem sýndi greinilega að Stjarnan er með hörkulið.
16-liða úrslit: 19-37 sigur á Völsung Stjarnan mætti norður til Húsavíkur í sextán liða úrslitunum. Ekki má segja að þeir hafi lent í einhverjum vandræðum með utandeildarlið Völsungs og var í raun aldrei nein spenna í þeim leik. Eftir að hafa leitt 8-16 í hálfleik héldu Stjörnumenn áfram í þeim síðari og unnu að lokum átján marka sigur 19-37 og fóru auðveldlega í átta liða úrslitin.
8-liða úrslit: 22-27 sigur á Þrótti Fjögur lið úr fyrstu deildinni voru í pottinum þegar dregið var í átta liða úrslitin og fór svo að þau drógust öll saman. Stjarnan fékk það verkefni að sækja Þróttara heim en Þróttur er með lið í deildinni að nýju eftir smá hlé. Leikmenn Stjörnunnar mættu greinilega sterkir til leiks og náðu strax góðu haldi á leiknum, hálfleikstölur voru 9-14 Stjörnunni ívil og fór svo að lokum að Stjarnan hélt fimm marka forskoti sínu og vann 22-27, sæti í undanúrslitum var tryggt.
Liðsmynd af heimasíðu Stjörnunnar. Bjarni Jónasson nr. 2 á miðri mynd
Það verður hrikalega gaman að fylgjast með baráttu Akureyrar við lið Stjörnunnar þann 8. mars klukkan 19:45 í Laugardalshöllinni. Stjarnan er eitt af allra bestu liðunum í fyrstu deildinni og það hefur sýnt sig í vetur að fyrsta deildin er mjög öflug. Tvö lið úr deildinni eru að leika um að komast í úrslitaleikinn, þá hefur Stjarnan slegið út Fram, Selfoss hefur slegið út Val og svo var Akureyri mjög heppið að slá Víking út í tvíframlengdum leik.
Það er um að gera að drífa sig í Höllina og styðja Akureyri í þessum risaslag, það er alls ekki gefið að Akureyri sé komið alla þessa leið í Símabikarnum og um að gera að njóta þess með því að styðja liðið. Sæti í úrslitaleiknum er í boði og liðið í góðum séns að vinna stóran titil, svo það geti gerst þarf liðið á miklum stuðning að halda. Fyllum höllina og styðjum okkar lið til sigurs, áfram Akureyri!
Úrvalsdeild karla
Senda skilaboð
Vefur KA
Vefur Þór
Fréttaleit
Tölfræði leiksins 
Sem stendur er Stjarnan í 3. sæti 1. deildarinnar, með 27 stig eftir 18 leiki, Víkingar eru í 2. sæti með 27 stig erftir 17 leiki en ÍBV á toppnum með 29 stig eftir 17 leiki. Stjarnan er því líkt og undanfarin ár í hörkubaráttu um að fara upp, eða allavega fara í umspil um laust sæti í vor.
Senda á Facebook