Warning: Undefined array key "frettanr" in /web/akhandadmin/public_html/index.php on line 15
Akureyri hársbreidd frá ótrúlegri endurkomu - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2015-16

Leikmenn meistarafl. karla
Úrslit leikja
Deild karla
Ljósmyndir frá leiknum     Myndband frá leiknum      Tölfræði leiksins 
    FH - Akureyri  28-27 (18-12)
Olís deild karla
Kaplakriki
Sun. 27. sept. 2015 klukkan: 16:00
Dómarar: Magnús Kári Jónsson og Ómar Ingi Sverrisson
Umfjöllun

Hörður var mjög öflugur fyrir Akureyri í Krikanum

28. september 2015 - Akureyri handboltafélag skrifar

Akureyri hársbreidd frá ótrúlegri endurkomu

Akureyri mætti FH í Kaplakrika í 5. umferð Olís deildar karla á sunnudaginn. Eftir hreint út sagt skelfilegan fyrri hálfleik var liðið komið 8 mörkum undir en með ótrúlegum karakter kom liðið sér aftur inn í leikinn en örlítið vantaði uppá og FH stóð uppi sem sigurvegari 28-27.


Hér má sjá nokkrar svipmyndir úr leiknum úr fréttatíma RÚV

Mikið hefur verið talað um hve öflugur varnarleikur og markvarsla Akureyrar hefur verið í upphafi móts en eitthvað voru menn ekki á tánum þegar flautað var til leiks í Kaplakrika. FH-ingar voru ekki í neinum vandræðum með að finna opnanir og áttu ótal línusendingar sem gáfu í flestum tilfellum mörk.

Á sama tíma var sóknarleikur Akureyrar í sömu vandræðum og í öðrum leikjum hingað til og verð ég að viðurkenna að spilamennska liðsins í upphafi er eitthvað það versta sem ég hef séð í sögu félagsins. FH leiddi 18-12 þegar flautað var til hálfleiks og okkar menn í raun heppnir að forskotið væri ekki stærra.

Það tók töluverðan tíma áður en Akureyrarliðið skilaði sér aftur inn í salinn fyrir síðari hálfleikinn og sást greinilega á mönnum að menn ætluðu ekki að gefast upp og láta þennan leik verða að einhverri niðurlægingu.

Að vísu byrjaði síðari hálfleikurinn hræðilega þegar Einar Rafn læddi sér inn á völlinn af bekknum og stal boltanum þegar 2 sekúndur voru liðnar af hálfleiknum og FH skoraði fyrstu tvö mörkin, munurinn strax aftur orðinn 8 mörk.

En þá fór liðið að spila frábæran handbolta, menn börðust af miklum krafti og vörnin lokaði algjörlega á sóknarleik FH-inga á sama tíma og Hreiðar Levý fór að verja eins og berserkur í markinu. Á nokkrum mínútum náði liðið að minnka muninn niður í 2 mörk og ennþá tæplega 20 mínútur eftir.

Munurinn hélst í 2-4 mörkum næstu mínúturnar en samt hafði maður á tilfinningunni að Akureyri myndi aftur ná að minnka þetta og gæti vel tekið bæði stigin. Hinsvegar vantaði alltaf herslumuninn uppá til að jafna metin. Munurinn varð nokkrum sinnum 1 mark og fékk liðið nokkur tækifæri á að jafna en því miður þá tókst það aldrei og lokatölur 28-27 FH ívil.

Þessi varnarleikur sem Akureyri var að spila var magnaður og leikmenn FH voru orðnir hræddir við að sækja í uppstilltum sóknarleik. Það sem kláraði leikinn fyrir heimamenn í síðari hálfleiknum voru hraðaupphlaup og seinni bylgja eftir að okkar menn höfðu misst boltann eða eftir vörslur frá Ágúst Elí sem tók nokkur dauðafæri undir lok leiks.

Hörður Másson átti glimrandi leik í sókninni og skoraði alls 7 mörk, en það var hrein unun að sjá baráttuna í honum og áræðnina. Sama hvort hann gerði mistök eða klúðraði skoti, alltaf hélt hann áfram og hann lék lykilhlutverk í því að Akureyri kom sér aftur inn í leikinn.

Ef menn geta haldið áfram að byggja á síðari hálfleiknum þá hef ég engar áhyggjur af framhaldinu, varnarleikurinn og markvarslan er ótrúleg þegar liðið er komið í gírinn og fá lið í deildinni sem ráða við liðið þegar vörnin er komin upp.

Sóknarleikurinn og sóknarmistök hafa verið að kosta liðið í upphafi móts en þessi síðari hálfleikur sýnir að liðið er að ná áttum sóknarlega og nú vonum við bara að menn haldi áfram að stíga upp og bæta sig, áfram Akureyri!

Tengdar fréttir

Heiddi og félagar ætla sér sigur gegn FH um helgina



26. september 2015 - Akureyri handboltafélag skrifar

FH tekur á móti Akureyri á sunnudaginn

Akureyri mætir í Hafnarfjörðinn á sunnudaginn og mætir þar liði FH í Kaplakrika í 5. umferð Olís deildar karla. Akureyri er enn án stiga eftir fyrstu fjóra leikina á meðan FH hefur tapað síðustu þremur leikjum sínum og er með 2 stig eftir sigur á Fram í fyrstu umferð. Það eru því gríðarlega mikilvæg 2 stig í boði þegar þessi lið mætast.



Akureyri og FH hafa í gegnum árin mæst oft og mörgu sinnum og leikir liðanna einkennst af baráttu og spennu. Það má svo sannarlega reikna með meiru af slíku í leik liðanna nú um helgina.

Akureyri hefur verið að leika mjög góðan varnarleik og þá hefur markvarslan verið mögnuð. Hinsvegar hefur sóknarleikur liðsins verið slakur og sóknarmistök verið að kosta liðið mark í bakið. Nú er bara að vona að okkar lið fari að finna sig betur í sóknarleiknum og nái að fækka mistökunum.

Við hvetjum alla til að mæta í Hafnarfjörðinn og hvetja Akureyri til sigurs, við þurfum að fara að fá stig og því fyrr sem það gerist því betra. Fyrir ykkur sem ekki komist á leikinn þá verðum við að sjálfsögðu með beina lýsingu frá leiknum, áfram Akureyri!

Til baka    Senda á Facebook

Umsjón og hönnun: Stefán Jóhannsson og Ágúst Stefánsson