Akureyri áfram eftir stórsigur á Gróttu 2 - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Akureyri áfram eftir stórsigur á Gróttu 2 - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2015-16

Leikmenn meistarafl. karla

Ljósmyndir frá leiknum

Tölfræði leiksins

		Akureyri - Grótta 2 43-13 (19-4)
		Coca Cola bikar karla
		KA heimilið
		Lau. 24. okt. 2015 klukkan: 18:30
		Dómarar: Heimir Örn Árnason og Sigurður Hjörtur Þrastarson

Umfjöllun


Tomas er góður í því að vera fyrir!		24. október 2015 - Akureyri handboltafélag skrifar Akureyri áfram eftir stórsigur á Gróttu 2 Akureyri er komið áfram í 16-liða úrslit Coca-Cola bikarsins eftir 30 marka sigur á Gróttu-2. Fyrirfram var búist við öruggum sigri Akureyrar en jákvætt var að sjá að menn voru tilbúnir í slaginn frá fyrstu mínútu og var aldrei spurning hvort liðið myndi fara áfram. Strax á fyrstu fimm mínútunum var staðan orðin 5-0 og leikurinn í raun búinn, Akureyri hélt svo áfram að bæta við forskotið jafnt og þétt. Staðan var 14-4 þegar 10 mínútur voru eftir af fyrri hálfleiknum en Akureyri lokaði alveg á gestina undir lok hálfleiksins og hálfleikstölur voru 19-4. Síðari hálfleikur var algjört formsatriði en það var ákaflega jákvætt að sjá hve einbeittir strákarnir voru að klára leikinn af krafti og fá eitthvað útúr leiknum. Þegar um kortér lifði leiks var staðan orðin 30-7 en síðari hálfleikurinn fór 24-9 fyrir Akureyri og lokatölur því 43-13. Mörk Akureyrar: Andri Snær Stefánsson 11 (4 úr vítum), Brynjar Hólm Grétarsson 8, Friðrik Svavarsson 5, Róbert Sigurðarson 5, Kristján Orri Jóhannsson 5, Garðar Már Jónsson 3, Bergvin Þór Gíslason 2, Heiðar Þór Aðalsteinsson 2, Hörður Másson 1 og Patrekur Stefánsson 1. Tomas Olason lék í markinu og nýtti tímann vel en Tomas var með 35 varða bolta í markinu sem er frábært. Vissulega voru þetta ekki erfiðustu andstæðingarnir en það þarf nú samt að verja boltana frá þeim. Sverre og Ingimundur rúlluðu liðinu vel í leiknum og fengu allir að spreita sig og nýttist leikurinn því ágætlega. Þá var einnig gaman hve margir gerðu sér ferð í KA-Heimilið til að sjá leikinn, fyrirfram var vitað að leikurinn yrði ekki mikið fyrir augað en ánægjulegt að sjá stuðningsmenn liðsins koma og styðja liðið áfram. Gróttumenn eiga hrós skilið fyrir leikinn en þeir gerðu sitt besta og nutu þess að hafa tekið þátt í bikarkeppninni í ár. Lið Akureyrar er því komið áfram í 16-liða úrslitin og verður spennandi að sjá hvaða andstæðingar bíða þar þegar dregið verður á næstunni.


Tengdar fréttir
Í bikarnum er ekkert nema sigur í boði		24. október 2015 - Akureyri handboltafélag skrifar Leikur dagsins: Bikarleikur gegn Gróttu 2 Í dag, laugardag klukkan 18:30 tekur Akureyri á móti Gróttu 2 í 32-liða úrslitum Coca-Cola bikarsins í KA-Heimilinu. Lið Gróttu 2 er algjörlega óskrifað blað en ljóst er að strákarnir þurfa að vera á tánum og klárir í slaginn ætli liðið sér áfram í 16-liða úrslitin. Athugið að silfurkortin gilda ekki á leikinn en gullkortin gilda. Annars kostar 1.000 krónur á leikinn en frítt er inn fyrir 15 ára og yngri. Því miður höfum við ekki tök á að vera með beina lýsingu frá leiknum að þessu sinni en bendum áhugasömum á að koma á leikinn eða fylgjast með hvort mbl.is og visir.is verði með lýsingu.


Það verður forvitnilegt að sjá hverjir skipa lið Gróttu 2		20. október 2015 - Akureyri handboltafélag skrifar Bikarleikur gegn Gróttu 2 á laugardaginn Akureyri hefur leik í CocaCola bikarnum á laugardaginn þegar liðið tekur á móti Gróttu 2. Gróttumenn áttu heimaleikjaréttinn þar sem Akureyrarliðið er í efri deild. Raunar er Grótta 2 ekki að leika í neinni deild svo vitað sé en það varð að samkomulagi að Seltirningarnir kæmu norður og spiluðu hér. Leikurinn hefur verið settur á klukkan 18:30 á laugardaginn í KA heimilinu. Á þessari stundu er lítið vitað um hverjir skipa lið Gróttu 2 og verður forvitnilegt að sjá hvort gamlar kempur mæti jafnvel til leiks. Verði á leikinn er stillt í hóf, aðgangur fyrir fullorðna er 1.000 krónur en frítt að vanda fyrir 15 ára og yngri. Við minnum á þá nýbreytni í ár að Gullkortahafar þurfa ekki að greiða inn á bikarleiki og njóta þeir þess í fyrsta sinn á laugardaginn.


Sverre þarf að undirbúa liðið fyrir Gróttu 2		15. október 2015 - Akureyri handboltafélag skrifar Akureyri fékk Gróttu 2 í bikarnum Dregið var í 32-liða úrslit Coca-Cola Bikarsins í kvöld. Akureyri dróst gegn Gróttu 2 og þarf því að fara í gegnum Seltirninga til að komast áfram í 16-liða úrslitin. Þar sem Grótta 2 er í neðri deild en Akureyri (liðið er reyndar ekki í deildarkeppninni) þá fær liðið sjálfkrafa heimaleikjaréttinn. Mörg úrvalsdeildarlið sátu hjá og munu leika sinn fyrsta leik í 16-liða úrslitunum en aðeins Akureyri, ÍR og Víkingur voru í pottinum af þeim liðum sem leika í Olís deildinni. Líklegt verður nú að þykja að Akureyri fari áfram í næstu umferð en þó er aldrei að vita hvað gerist í bikarnum. Stefnt er að leika leikinn í kringum 25.-26. október. Annars lítur drátturinn í 32-liða úrslitum svona út: Selfoss - Valur 2 Mílan - Fjölnir 1 Víkingur - ÍH Haukar 2 - ÍBV 2 Grótta 2 - Akureyri Þróttur - Stjarnan ÍR - Fjölnir 2 Þróttur Vogum - KR Haukar, Valur, ÍBV, Afturelding, Grótta, FH, Fram og HK sitja hjá að þessu sinni

Til baka Senda á Facebook

Umsjón og hönnun: Stefán Jóhannsson og Ágúst Stefánsson

web statistics