Warning: Undefined array key "frettanr" in /web/akhandadmin/public_html/index.php on line 15 Stórbrotinn sigur Akureyrar á Haukum - Akureyri Handboltafélag
Dómarar: Bóas Börkur Bóasson og Hörður Aðalsteinsson. Eftirlit Kristján Halldórsson
Umfjöllun
Tengdar fréttir
Kristján Orri var atkvæðamikill í gær
17. apríl 2016 - Akureyri handboltafélag skrifar
Viðtöl eftir leik Akureyrar og Hauka
Einar Sigtryggsson blaðamaður mbl stóð fréttamannavaktina í gærkvöldi þegar Akureyri og Haukar mættust í öðrum leik sínum í átta liða úrslitum karla. Einar náði tali af Kristjáni Orra Jóhannssyni markahæsta leikmanni Akureyrarliðsins og Gunnari Magnússyni þjálfara Hauka.
Kristján Orri: Tókum vel á þeim
Kristján Orri Jóhannsson, leikmaður handboltaliðs Akureyrar, var í miklu stuði í dag þegar lið hans lagði Hauka í úrslitakeppninni, 25:21. Akureyri jafnaði metin í einvígi liðanna og verður því oddaleikur á Ásvöllum á þriðjudagskvöld. Liðin voru að mætast í 5. skipti í vetur og höfðu Haukarnir farið illa með norðanmenn fram að þessu.
En hver var lykillinn að sigrinum að mati hornamannsins knáa? „Við skoðuðum mjög vel það sem mátti bæta eftir síðasta leik og ég tel að við höfum náð að laga það sem þurfti að laga. Við kláruðum sóknirnar betur og náðum einnig að keyra hratt aftur í vörnina til að koma í veg fyrir hraðaupphlaupsmörk frá Haukunum,“ sagði Kristján en hann skoraði níu mörk fyrir Akureyri.
„Þeir eru mjög öflugir í að refsa með hraðaupphlaupum og fengu úr litlu að moða í þessum leik. Uppstillta vörnin hjá okkur var samt það sem gerði gæfumuninn. Við spiluðum fast, tókum vel á þeim og vorum alltaf mættir í hjálparvörn. Svo verður markvörðurinn að fá smá hrós, það verður víst alltaf að gefa þeim kredit. Við ætlum að mæta svona gíraðir á þriðjudaginn. Þá er bara úrslitaleikur og við mætum fullir sjálfstrausts. Við ætlum að ná upp sömu geðveikinni njóta þess að spila þann leik“ sagði Kristján Orri að skilnaði.
Kristján Orri lét sitt ekki eftir liggja í varnarleiknum, hér býst hann til að stöða hraðaupphlaup Hauka
Gunnar: Þessi leikur var ákveðin upplifun
Gunnar Magnússon, þjálfari Hauka, var ótrúlega yfirvegaður þegar blaðamaður mbl.is spjallaði við hann í dag.Var þá leik Akureyrar og Hauka nýlokið þar sem norðanpiltar lögðu sjálfa Íslandsmeistarana nokkuð óvænt. Leikurinn var jafn og spennandi en heimamenn í Akureyri unnu að lokum 25:21.
„Það er hundfúlt að tapa en þetta var brekka í dag. Ég get þó ekki verið annað en ánægður með mína menn. Þeir lögðu allt í leikinn og gáfust ekki upp hvað sem á gekk. Akureyringar voru bara klárir. Þeir eru með gott lið og hlutirnir gengu ekki hjá okkur að þessu sinni. Við vorum ekki að spila nógu vel og þegar við vorum manni færri þá vorum við ekki að spila rétt úr stöðunni og misstum aðeins hausinn. Svona leikir eru til að læra af og mínir menn koma til baka. Þetta var ákveðin reynsla sem á eftir að lifa með okkur lengi. Það má segja að þessi leikur hafi verið ákveðin upplifun,“ sagði Gunnar sposkur og var þá vafalaust að vísa í hluti sem við vildum ekki ræða neitt frekar.
Og oddaleikurinn á þriðjudag? „Maður hefur alveg áhyggjur. Akureyrarliðið er gott og leikurinn verður eflaust hörkuleikur. Þetta er hreinn úrslitaleikur og sigurliðið fer áfram en hitt er úr leik. Við verðum klárir,“ sagði Gunnar.
Gunnar Magnússon hugsi yfir því sem er að gerast inni á vellinum
Sverre gat leyft sér að brosa að leik loknum eftir magnaðan sigur
17. apríl 2016 - Akureyri handboltafélag skrifar
Frétt RÚV frá mögnuðum sigri Akureyrar á Haukum
Akureyri knúði fram oddaleik í rimmu sinni við Hauka í 8-liða úrslitum úrslitakeppninnar með 25-21 sigri í KA-Heimilinu í gær. Liðið sýndi gríðarlegan karakter frá skellinum í fyrsta leiknum og kom mörgum á óvart með afar sannfærandi sigri. RÚV mætti á svæðið og hér má sjá umfjöllun þeirra frá leiknum þar sem þjálfarar liðanna eru svo teknir tali.
Tómas átti góðan seinni hálfleik gegn Haukum á fimmtudaginn
15. apríl 2016 - Akureyri handboltafélag skrifar
Annar leikur Akureyrar og Hauka á laugardaginn
Akureyrarliðið fékk vissulega skell í fyrri hálfleiknum gegn Haukum í gærkvöldi en sýndu klærnar í seinni hálfleiknum. Á þeirri frammistöðu þurfum við að byggja á laugardaginn þegar liðin mætast öðru sinni, að þessu sinni hér fyrir norðan.
Það er ekki spurning að strákarnir munu mæta dýrvitlausir í þann leik og með sameiginlegu átaki allra stuðningsmanna handboltans er ljóst að nú þarf að leggjast á eitt með að tryggja oddaleik í þessu einvígi. Allavega leggja menn ekki niður skottið baráttulaust.
Við minnum stuðningsmenn á þá nýbreytni sem var kynnt í haust að Gullkortið 2015-2016 gildir einnig á heimaleiki Akureyrar í úrslitakeppninni og þar með á leikinn á laugardaginn.
Það þarf ekki að hafa mörg frekari orð um leikinn eða kynna liðin heldur mæta til leiksins og standa dyggilega með okkar mönnum. Það er allt undir og slíkir leikir eru einmitt alskemmtilegastir. Mætum og skemmtum okkur, leikurinn hefst klukkan 16:00 á laugardaginn!
Úrvalsdeild karla
Senda skilaboð
Vefur KA
Vefur Þór
Fréttaleit
Ljósmyndir frá leiknum
Myndband frá leiknum 
Textalýsing frá leiknum
Tölfræði leiksins 
Einar Sigtryggsson blaðamaður mbl stóð fréttamannavaktina í gærkvöldi þegar Akureyri og Haukar mættust í öðrum leik sínum í átta liða úrslitum karla. Einar náði tali af Kristjáni Orra Jóhannssyni markahæsta leikmanni Akureyrarliðsins og Gunnari Magnússyni þjálfara Hauka.
Senda á Facebook