
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2006-07

Úrslit leikja

Deild karla

Deild kvenna

Leikmenn meistarafl. kvenna

Textalýsing frá leiknum

Tölfræði leiksins

		ÍR - Akureyri 34-28 (15-18)
		DHL deild karla
		Austurberg
		3. desember 2006 klukkan: 16:00
		Dómarar: Arnar Sigurjónsson og Hafsteinn Ingibergsson

Umfjöllun


Strákarnir töpuðu í dag óásættanlegum punktum. Þessi 2 stig munu reynast liðinu afar dýr þegar upp er staðið		3. desember 2006 - HBH skrifar Skelfilegt tap gegn ÍR (umfjöllun) Það var býsna vel mætt í Austurbergið í dag enda frítt á leikinn og ljóst að ÍR-ingar hreinlegar urðu að vinna ef þeir ætluðu sér að hanga uppi í vetur. Akureyringar byrjuðu leikinn mun betur en heimamenn sem voru ákaflega slakir. Það var í rauninni ekki nema fyrir einskæran klaufaskap og kæruleysi í sóknarleik okkar manna sem gerði það að verkum að staðan eftir 12 mínútna leik var 3-5, en ekki 1-10, sem hefði verið eðlilegra staða miðað við spilamennsku arfaslakra heimamanna. Akureyringar áttu eftir að naga sig í handabökin fyrir að hafa ekki klárað leikinn þarna strax í byrjun. Eftir því sem leið á hálfleikinn komust heimamenn síðan smá saman inní leikinn, og jöfnuðu leikinn m.a. í 15-15. Þá var það Alexei Kuzmins sem tók til sinna ráða og setti 3 mök í röð, staðan í hálfleik því 15-18, Akureyringum í vil. Í fyrri hálfleiknum voru Akureyringar mun sterkara liðið. Andri Snær átti frábæran fyrri hálfleik og setti 6 mörk með mikilli baráttu, en einnig var Kuzmins óvenju líflegur. Vörnin stóð ágætlega en hinsvegar lak hver einasti bolti inn hjá Hreiðari, sem átti vægast sagt skelfilegan dag hér gegn sínum gömlu félögum. Í seinni hálfleik mættu síðan ÍR-ingar eilítið einbeittari til leiks og söxuðu á forskot Akureyringa. Þrátt fyrir skyndilegt andleysi okkar manna tókst okkur þó að halda forskotinu fyrst um sinn. Í stöðunni 19-22 var í raun fátt sem benti til annars en við myndum innbyrða sigurinn, enda virtumst við vera mun sterkari en heimamenn, þrátt fyrir að vera að því er virtist ekki nema í 50% tempói. Spilamennska liðsins seinustu 20 mínútur leiksins var hinsvegar í raun skelfilegri en nokkur orð fá lýst. Í raun var hreint út sagt skelfilegt að fylgjast með sóknarleiknum, sem var hryllilega stirður og gersamlega hugmyndasnauður. Varnarleikurinn var lítið skárri, þar sem menn stóðu einfaldlega og horfðu á hvorn á annan með skilningsleysi geislandi úr augunum, á meðan ÍR-ingar löbbuðu í gegn hvað eftir annað. Eins og áður sagði lak síðan hver einasti bolti sem á markið fór í netið en ÍR vann að lokum 34-28 sigur. Þó að spilamennskan á þessum kafla hafi hreinlega verið til skammar þó tekur frammistaða þjálfara liðsins þó gersamlega steininn úr. Þegar að áhlaup heimamanna hófst með tilheyrandi stemmingu í húsinu hefði hver einasti maður sem eitthvað veit um handbolta tekið leikhlé til að reyna að drepa aðeins í heimamönnum, og e.t.v. spyrja leikmenn Akureyrarliðsins hvurn andskotann þeir væru eiginlega að gera. Hugmynd þjálfara liðsins fólst í því að setja annan þeirra inná. Það þarf engan kjarnorkueðlisfræðing til að átta sig á því að sóknarleikur sem tveir tæplega fertugir menn áttu að bera uppi, gerði fátt annað en steindrepa endanlega í leik Akureyringa. Þeir verða að útskýra þessa ákvörðun fyrir okkur hinum, en fyrir mér var þetta eins og einhver sá allra lélegasti brandari sem ég hef á ævi minni séð. Strákar, hysjið upp um ykkur buxurnar á útivelli, þessi frammistaða var Akureyringum til skammar. Maður leiksins: Andri Snær Stefánsson. Tölfræði frá leiknum kemur um leið og unnt er.


Tengdar fréttir
Sævar segir menn ekki hafa verið á tánum í gær		4. desember 2006 - ÁS skrifar Sævar: "Þetta var bara skelfilegt" Heimasíðan spjallaði aðeins við Sævar Árnason annan þjálfara Akureyrar eftir tapið gegn ÍR í gær. Sævar var alls ekki sáttur með spilamennsku liðsins en hefur þó mikla trú á liðinu fyrir stórleikinn á miðvikudaginn gegn Íslandsmeisturum Fram. ÁS: Jæja Sævar, hvað viltu segja um þennan leik? Sævar: Þetta var bara skelfilegt og við féllum einmitt í þá gryfju sem við ætluðum að varast. Menn voru hreinlega ekki á 100% á tánum í þessum leik og þá er árangurinn bara eins og hann var. Það eru bara góð lið í þessari deild og það þýðir ekkert nema að mæta 100% í alla leiki. ÁS: Var þetta eitthvað vanmat eða voru menn að hugsa um Fram leikinn á miðvikudaginn? Sævar: Ég veit ekki alveg hvað á að kalla þetta, það má kannski alveg kalla þetta vanmat. Menn mæta 110% klárir gegn Val fyrir viku síðan og vinna þar besta lið deildarinnar og mæta svo ekki 100% klárir í þennan leik þá má alveg kalla það vanmat, því miður. ÁS: Það þarf auðvitað að breyta spilamennskunni fyrir leikinn gegn Fram á miðvikudaginn, hvernig leggst sá leikur í þig? Sævar: Ég vona allavega að hann verði gjörólíkur þessum og líkari Valsleiknum og ég hef enga trú á öðru. Menn hljóta að læra af þessum leik og láta svo sannarlega ekki taka sig í bólinu tvisvar sinnum í röð. Heimasíðan þakkar Sævari kærlega fyrir spjallið og bendir öllum á stórleik í 8-liða úrslitum Bikarkeppninnar gegn Íslandsmeisturum Fram í KA-Heimilinu á miðvikudaginn klukkan 19:15.


Tekst Akureyri að endurtaka leikinn frá því í 2. umferð gegn ÍR?		3. desember 2006 - ÁS skrifar Bein Lýsing: ÍR - Akureyri Leikur ÍR og Akureyrar í 9. umferð DHL-Deildar karla fer fram í dag í Austurbergi klukkan 16:00. Það skiptir öllu fyrir Akureyri að sigra og halda sér í toppbaráttunni í deildinni. Heimasíðan býður upp á beina textalýsingu frá leiknum í dag og hvetur alla til að fylgjast vel með gangi mála ef það kemst ekki á leikinn. Mjög auðvelt er að fylgjast með í gegnum Beinu Lýsinguna. Smellið hér til að opna Beina Lýsingu Beina Lýsingin opnast í nýjum glugga sem uppfærist af sjálfu sér á 15 sekúndna fresti. Það er því ekkert mál að fylgjast með. Eins og áður segir þá hefst leikurinn klukkan 16:00 og við hvetjum alla til að fylgjast vel með.


Sveinbjörn var maður leiksins í fyrri leik liðanna		2. desember 2006 - SÁ skrifar 1 dagur í leik: ÍR - Akureyri í Beinni Lýsingu Á morgun fer fram leikur ÍR og Akureyrar í Austurbergi klukkan 16:00. Leikurinn er einkar áhugaverður en ÍR hefur ekki unnið leik síðan þeir lögðu Hauka í fyrstu umferð. Því er þessi leikur afar mikilvægur fyrir þá en ÍR hreinlega verður að vinna. Okkar menn unnu Val frábærlega seinast og verða að byggja ofan á þann leik fyrir bikarleikinn gegn Fram sem verður næstkomandi miðvikudag í KA-Heimilinu. Frítt verður á leikinn og því fátt meira tilvalið fyrir fólk sem verður á höfuðborgarsvæðinu en að fara á leikinn. Fyrir þá sem ekki komast á leikinn verður ÍR - Akureyri að sjálfsögðu í Beinni Lýsingu hér á síðunni. ÍR - Akureyri, Austurbergi 3. desember klukkan 16:00 Tengdar fréttir: Hvernig stendur ÍR? Frítt á ÍR - Akureyri Allt um lið ÍR

Það verður væntanlega hart barist á sunnudaginn

1. desember 2006 - ÁS skrifar

2 dagar í leik: Hvernig stendur ÍR?

Á sunnudaginn munu Akureyringar fara suður og leika við ÍR í Austurbergi. Akureyri vann glæsilegan sigur á Val um síðustu helgi í KA-Heimilinu. Liðið var að leika einkar vel í leiknum gegn Val en leikurinn gegn ÍR mun skipta gríðarlega miklu máli uppá að halda í við HK, Val og Fram. Auk þess myndi sigur gegn ÍR gefa liðinu aukið sjálfstraust fyrir risaslaginn gegn Fram á miðvikudaginn í Bikarnum.

Fyrri leikur liðanna
Liðin mættust í KA-Heimilinu í 2. umferð deildarinnar og sýndu Akureyringar frábæran leik og lokuðu alveg á allt spil ÍR. Hvað sem ÍR reyndi í leiknum þá gekk það hreinlega ekki upp vegna frábærrar varnar af hálfu Akureyrar og þá var sóknarleikur Akureyrar flottur og gekk vel. Staðan var 17-9 fyrir Akureyri í hálfleik og lokatölur voru svo 33-24.

Deildarleikirnir til þessa
ÍR

Dags.	Mótherjar	Staðsetning	Úrslit
27. sept	Haukar	Austurberg	36-30 (sigur)
8. okt	Akureyri	KA-Heimilið	33-24 (tap)
15. okt	Fylkir	Austurberg	27-29 (tap)
22. okt	Stjarnan	Ásgarður	30-25 (tap)
4. nóv	HK	Austurberg	21-22 (tap)
11. nóv	Valur	Laugardalshöll	31-25 (tap)
19. nóv	Fram	Austurberg	29-40 (tap)
26. nóv	Haukar	Ásvellir	31-29 (tap)

Akureyri

Dags.	Mótherjar	Staðsetning	Úrslit
30. sept	Akureyri	Laugardalshöll	26-22 (tap)
8. okt	ÍR	KA-Heimilið	33-24 (sigur)
15. okt	Haukar	Ásvellir	34-34
6. nóv	Fylkir	KA-Heimilið	30-27 (sigur)
12. nóv	Stjarnan	Ásgarður	22-23 (sigur)
19. nóv	HK	KA-Heimilið	20-22 (tap)
22. nóv	Fram	Safamýri	32-29 (tap)
26. nóv	Valur	KA-Heimilið	25-22 (sigur)

Eins og sjá má vann ÍR virkilega góðan sigur á Haukum í fyrstu umferð en síðan hefur ekki gengið nógu vel hjá þeim. Hið unga lið ÍR hefur tapað síðustu 7 deildarleikjum og mun væntanlega gefa sig allt í leikinn gegn Akureyri til að komast aftur í gang. Liðið er hinsvegar enn í Bikarkeppninni og á væntanlega nokkuð auðvelda leið í undanúrslitin.

Markahæstu menn ÍR
Björgvin Þór Hólmgeirsson 52 mörk, 8 leikir (6,5 að meðaltali í leik)
Davíð Georgsson 51 mark, 8 leikir (6,375)
Jón Heiðar Gunnarsson 23 mörk, 8 leikir (2,875)
Linas Kalasauskas 18 mörk, 7 leikir (2,571)
Ragnar Már Helgason 18 mörk, 8 leikir (2,25)
Ivan Jovanovic 8 mörk, 7 leikir (1,143)
Ólafur Sigurgeirsson 7 mörk, 6 leikir (1,167)

ÍR-ingar hafa lent í meiðslavandræðum með markverði sína en það virðist alltaf vera til góður markvörður í ÍR. Sama hversu góðir markmenn fara, alltaf koma einhverjir aðrir verulega góðir í staðinn.

Heimasíðan hvetur að sjálfsögðu alla sem geta til að mæta í Austurberg á sunnudaginn klukkan 16:00 en það er frítt á leikinn, þið hin fylgist með Beinni Lýsingu af leiknum hér á síðunni. Leikurinn verður án vafa frábær skemmtun en bæði lið þurfa nauðsynlega á stigunum að halda.

ÍR - Akureyri, Austurberg 3. desember klukkan 16:00

Tengdar fréttir:
3 dagar í leik: Frítt á ÍR - Akureyri
Allt um lið ÍR


Alex Kuzmins í fyrsta leik liðanna á þessu tímabili		30. nóvember 2006 - SÁ skrifar 3 dagar í leik: Frítt á ÍR - Akureyri Leikur ÍR og Akureyrar fer fram næstkomandi sunnudag, 3. desember, klukkan 16:00 í Austurbergi. Frítt verður á leikinn fyrir alla. Heimasíðan hvetur því fólk sem verður á höfuðborgarsvæðinu eindregið að mæta og styðja Akureyrarliðið. Þið svo sem ekki enn hafið séð liðið leika; Mætið og sjáið liðið því Akureyri er með afar áhugavert lið í höndunum!

Til baka Senda á Facebook

Umsjón og hönnun: Stefán Jóhannsson og Ágúst Stefánsson

Skelfilegt tap gegn ÍR (umfjöllun)

Sævar: "Þetta var bara skelfilegt"

Bein Lýsing: ÍR - Akureyri

1 dagur í leik: ÍR - Akureyri í Beinni Lýsingu

2 dagar í leik: Hvernig stendur ÍR?

3 dagar í leik: Frítt á ÍR - Akureyri