Stjarnan vann Akureyri örugglega (umfjöllun) - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Stjarnan vann Akureyri örugglega (umfjöllun) - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2006-07

Leikmenn meistarafl. karla

Leikmenn meistarafl. kvenna

Textalýsing frá leiknum

Tölfræði leiksins

		Akureyri - Stjarnan 24-31 (12-17)
		DHL deild karla
		KA-Heimilið
		18. febrúar 2007 klukkan: 16:00
		Dómarar: Valgeir Egill Ómarsson og Hörður Aðalsteinsson

Umfjöllun


Magnús var einn af örfáum ljósum punktum í dag		18. febrúar 2007 - SÁ skrifar Stjarnan vann Akureyri örugglega (umfjöllun) Stjarnan kom í heimsókn í KA-Heimilið í dag og mætti Akureyri. Ljóst var fyrir leikinn að Patrekur Jóhannesson yrði ekki með gestunum en hann er veikur og gat þar af leiðandi ekki leikið með. Þá er Ólafur Víðir meiddur og fannst manni hrein krafa að Akureyri myndi vinna þennan leik á meðan staðan var svo á Stjörnunni. Alla vega setti maður þá kröfu á liðið að þeir gerðu sitt besta í dag og gæfu allt sem þeir ættu fyrir liðið. Því miður varð svo ekki og þá getur ekki farið vel. Stjarnan var einfaldlega margfalt betri í leiknum og slátraði Akureyri 24-31 eftir að hafa verið mest 10 mörkum yfir í seinni hálfleik á okkar heimavelli. Akureyri hóf leikinn betur og komst í 3-1. Þá var góðum leik liðsins í fyrri hálfleik lokið. Roland hóf að verja öll þessi skot Akureyrar fyrir utan og Stjarnan allt í einu komin í 5-9. Þeir voru svo ekki lengi að auka muninn í 7-13 en hrein hörmung var að sjá lið Akureyrar á vellinum. Akureyri náði aðeins að rétta hlut sinn við í lok fyrri hálfleik og staðan 12-17 fyrir gestina sem virtust fá að gera það sem þeir vildu í sókninni á meðan okkar menn léku sama sóknarleik og um seinustu helgi. Ljóst var að Akureyri þyrfti að bæta leik sinn gríðarlega til að geta verið aftur með í þessum leik. Leikur okkar manna batnaði og skyndilega var munurinn kominn niður í 17-20 þegar 18 mínútur voru eftir. Þrátt fyrir það virtist vanta allan baráttuanda í liðið og skorar Stjarnan næstu þrjú mörk. Þeir halda svo bara áfram og komast í 10 marka mun þegar tæpar fimm mínútur voru til leiksloka 20-30 og svo aftur 21-31. Akureyri hins vegar reyndi að bjarga andlitinu og skoraði næstu þrjú mörk og lokatölur 24-31. Ég er svona að reyna að stilla mig en menn verða að fá það sem þeir eiga skilið. Það sem lið Akureyrarar sýndi í dag var til skammar og það að lenda 10 mörkum undir á heimavelli er óásættanlegt. Það sem er meira segja verra er það að það var ekki vottur af vilja og ekki vottur af baráttu í liðinu. Mönnum hreinlega virtust skítsama um þennan leik og uppskáru þeir auðvitað eftir því. Það segir kannski allt sem segja þarf um leik liðsins að stuðningsmenn liðsins hófu að yfirgefa KA-Heimilið þegar um 10 mínútur voru eftir og hefði ég sjálfur gert það ef ég væri ekki ritandi á þessa síðu. Liðið lék einfaldlega ömurlega í dag og það spilaði ekki einu sinni vörn, menn nenntu ekki einu sinni að spila hana. Sóknarlega var gamla sagan en Roland var einfaldlega með okkar menn í vasanum. Þó verður að segjast að menn uppskera ekki neitt ef þeir þora ekki að sækja á markið. Magnús Stefánsson var sá eini sem getur talist góður í liði Akureyrar í dag en hann skoraði 9 mörk úr 11 skotu,. Sóknarlega var hann lang besti maður liðsins en hann var á fullu allan leikinn og er það virðingarvert. Guðmundur Hermannsson átti góðan leik í dag og var allt annað að sjá hann frá því seinast. Sérstaklega þegar Akureyri var að minnka muninn í seinni hálfleik var hann að sækja á markið á fullum krafti og var óragur og þegar hann spilar þannig er hann greinilega mjög nothæfur í efstu deild á Íslandi. Aðrir leikmenn liðsins voru hreinlega slakir og þarf ekki að fara nánar í hvern og einn. Í liði Stjörnunnar var Roland Eradze yfirburðarmaður og virtist hann mörgum klössum ofar en Akureyri í dag og eini landsliðsmarkmaðurinn á vellinum í landsliðsklassa. Stjarnan bara mætti í leikinn til að standa sig og uppskáru eftir því. Þeir virtust vita nákvæmlega hvað þeir þurftu að gera til að vinna og gerðu gott betur en það. Kristján Halldórsson er greinilega að gera frábæra hluti með liðið sem var betri en Akureyri á öllum sviðum í dag. Ljóst er að staðan er ekki góð núna en hins vegar töpuðu bæði Fylkir og Haukar í dag svo hún gæti verið miklu verri. Liðið er núna komið í bullandi fallbaráttu og er það engum að kenna nema þeim sjálfum. Núna hafa menn einfaldlega val. Ætla þeir að halda áfram að spila líkt og þeir gerðu í dag og fara beina leið niður? Eða ætla þeir að fara að leggja sig fram aftur og vilja ná árangri og gera eitthvað úr þessu tímabili? Leikmenn einir geta svarað því og munu gera það með verkum sínum í komandi leikjum.


Tengdar fréttir
Akureyri-Stjarnan klukkan 16:00 í KA-Heimilinu		18. febrúar 2007 - ÁS skrifar Bein Lýsing: Akureyri - Stjarnan Leikur Akureyrar og bikarmeistara Stjörnunnar í 13. DHL-Deildar karla fer fram í dag í KA-Heimilinu klukkan 16:00. Liðið sem fer með sigur af hólmi í leiknum verður í 3. sæti deildarinnar. Heimasíðan býður upp á beina textalýsingu frá leiknum í dag og hvetur alla til að fylgjast vel með gangi mála ef það kemst ekki á leikinn. Mjög auðvelt er að fylgjast með í gegnum Beinu Lýsinguna. Smellið hér til að opna Beina Lýsingu Beina Lýsingin opnast í nýjum glugga sem uppfærist af sjálfu sér á 15 sekúndna fresti. Það er því ekkert mál að fylgjast með. Eins og áður segir þá hefst leikurinn klukkan 16:00 og við hvetjum alla til að fylgjast vel með.


Rúnar og félagar þurfa að ná upp sömu vörn og fyrir áramót		17. febrúar 2007 - SÁ skrifar Rúnar: Lagt upp með að fá meira tempó í okkar leik Á morgun fer fram stórleikur í KA-Heimilinu er Akureyri mætir Stjörnunni. Þetta verður væntanlega hörkuleikur en Stjarnan er með stjörnum prýtt lið. Heimasíðan tók viðtal við Rúnar Sigtryggsson þjálfara Akureyrar og spurðum hann út í morgundaginn meðal annars. .SÁ: Rúnar, það gekk ekki eftir um seinustu helgi gegn Fylki... Rúnar: Nei, við spiluðum bara lélegan handbolta heild yfir og það eru hörmung að horfa á þetta aftur. Við þurfum að finna okkar fyrra form sem við vorum komnir í. Við vorum komnir á fína keyrslu fyrir jól og spilið var farið að ganga mun betur. Það var kominn hraði í spilið en í seinasta leik þá tökum við allan hraða úr okkar spili og þess vegna lýtur þetta illa út. SÁ: Heldur þú að þið séuð búnir að laga það núna fyrir leikinn á móti Stjörnunni á morgun? Rúnar: Það hefur verið lagt upp með það alla veganna að fá betra tempó í okkar leik. Við erum miklu hættulegri þegar við erum að spila boltann á hreyfingu í staðinn fyrir að gera þetta úr kyrrstöðu eins og í seinasta leik. SÁ: Hvernig finnst þér liðið vera spennt fyrir morgundaginn? Rúnar: Það er ágætlega stemmt. Þetta er svona eins og nýtt tímabil hálfpartinn núna. Menn eru að finna rhythmann í þessu aftur og það verður bara að koma í ljós á morgun hvernig það verður. SÁ: Fannst þér vanta eitthvað upp á það á móti Fylki að menn væru tilbúnir að berjast 100%? Rúnar: Já, það vantaði alveg greinilega. Það sem var munurinn á liðunum fyrir utan allt þetta handboltalega var það að Fylkismenn vildu meira vinna leikinn. Það var það sem gerði útslagið og þú sérð það t.d. á fráköstum og því hvernig menn voru að sækja á markið. SÁ: Á morgun er fyrsti heimaleikurinn á þessu ári og svo eru tveir útileikir á eftir. Akureyri hreinlega verður að vinna! Rúnar: Við verðum að vinna því annars erum við farnir að gera okkur þetta alltof erfitt. Við fáum mjög gott lið hérna. Við fáum stærstu nöfnin í íslenskum handbolta í sama liðinu, Roland, Tite og Patrek. Þetta er bara mjög verðugt verkefni og við þurfum á stuðningi að halda á morgun.


Landsliðsmarkmennirnir verða í sviðsljósinu		17. febrúar 2007 - SÁ skrifar 1 dagur í leik: Akureyri - Stjarnan í Beinni Lýsingu Leikur Akureyrar og Stjörnunnar á sunnudag verður að sjálfsögðu í Beinni Lýsingu hér á síðunni en viðureign liðanna hefst klukkan 16:00 og er leikurinn í KA-Heimilinu. Þetta er fyrsti heimaleikur Akureyrar eftir hlé og því töluverð spenna í loftinu. Beina Lýsingin hefur verið bætt töluvert í HM-pásunni og kemur að krafti til leiks á nýju ári. Því hvetjum við alla þá sem ekki komast á leikinn að nýta sér þessa þjónustu. Akureyri - Stjarnan, klukkan 16:00 sunnudaginn 18. febrúar í KA-Heimilinu.


Fyrsti heimaleikurinn á þessu ári á sunnudaginn. Þú mátt ekki missa af þessu		16. febrúar 2007 - SÁ skrifar 2 dagar í leik: Fyrsti heimaleikurinn 2007 að bresta á! Á sunnudaginn verður fyrsti heimaleikur Akureyri árið 2007 en að þessu sinni verða það Stjörnumenn sem koma í heimsókn. Leikurinn verður á sunnudaginn klukkan 16:00 í KA-Heimilinu. Stjarnan fór einkar vel af stað á nýju ári en þeir unnu Hauka í seinustu umferð 31-28. Eftir að hafa tapað þremur fyrstu leikjum sínum í vetur hefur Stjarnan verið á mikilli siglingu og unnið 7 af næstu 9 leikjum. Annar af þessum tveimur tapleikjum eftir þessa slæmu byrjun var einmitt gegn Akureyri í Ásgarði en Akureyri vann hreint ótrúlegan sigur 22-23 eftir að hafa verið allt að sex mörkum undir í síðari hálfleik. Stjarnan er í þriðja sæti deildarinnar með 14 stig, tveimur stigum ofar en Akureyri sem er í fjórða sæti. Stutt er niður í fallsæti en þar er Fylkir í 7. sæti með 9 stig. Ljóst er því að leikurinn á morgun er einkar mikilvægur. Það lið sem tapar þessum leik er hreinlega komið í algjöra fallbaráttu en á þessum tímapunkti telur hvert stig jafnvel enn meira en áður. Fyrir Akureyri væri tapað stig eða tvö hrein skelfing á heimavelli en á meðan baráttan er jafn mikil og þessi mega menn ekki tapa heima hjá sér. Í liði Stjörnunnar eru margir frábærir leikmenn en fyrstan ber auðvitað að nefna Patrek Jóhannesson sem fór svo sannarlega á kostum í seinasta leik gegn Haukum en þar skoraði hann 10 mörk en Patti er Akureyringum svo sannarlega vel kunnugur. Tite Kalandadze er svo einnig svakalegur í liði Stjörnunnar en heill er hann yfirburðar skytta í þessari deild. Landsliðsmarkmaðurinn Roland Eradze auðvitað í liði gestanna en hann átti svo sannarlega stórleiki á HM í Þýskalandi fyrir stuttu. Þá eru fyrrum Kópavogsbúarnir Elías Már og Ólafur Víðir öflugir en sá síðarnefndi er að koma til baka eftir bakmeiðsli. Okkar menn í Akureyri hafa leikið miklu betur en gegn Fylki í fyrsta leik eftir hlé en þar tapaði liðið. Því er jafnvel enn mikilvægara fyrir Akureyri að ná toppleik á sunnudaginn. Alexey Kuzmins er sem kunnugt er frá vegna meiðsla en það á litlu sem engu að skipta þó svo að hann hafi verið farinn að eiga frábæra leiki fyrir Akureyri. Það kemur maður í manns stað og ljóst er að aðrir leikmenn liðsins verða bara að taka við keflinu. Ef Akureyri nær upp sinni góðu 6-0 vörn í leiknum og hraðaupphlaupum í kjölfarið er liðið komið ansi langt með sigur í leiknum. Hins vegar verður sókn liðsins að bætast og hef ég fulla trú á að það gerist en hæfileikinn sóknarlega er svo sannarlega til staðar. Akureyri - Stjarnan, klukkan 16:00 sunnudaginn 18. febrúar í KA-Heimilinu.

Til baka Senda á Facebook

Umsjón og hönnun: Stefán Jóhannsson og Ágúst Stefánsson

web statistics