Stórt tap fyrir Haukum í fyrsta leik - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Stórt tap fyrir Haukum í fyrsta leik - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2006-07

Leikmenn meistarafl. karla

Leikmenn meistarafl. kvenna

Sjá tölfræði leiksins

		Haukar - Akureyri 39-23 (17-12)
		DHL deild kvenna
		Ásvellir
		27. september 2006 klukkan: 18:00
		Dómarar: Brynjar Einarsson og Vilbergur F Sverrisson

Umfjöllun


16 marka tap gegn Haukum		29. september 2006 - SMS skrifar Stórt tap fyrir Haukum í fyrsta leik Á miðvikudaginn spiluðu stelpurnar í meistaraflokki Akureyrar sinn fyrsta alvöru leik í vetur og ekki var byrjað á "litlu" liði heldur voru bikarmeistarar Hauka sóttir heim. Leikurinn fór ágætlega af stað og var jafnræði með liðunum framan af. Staðan var jöfn 8-8 en en þá settu Haukar í fluggírinn og skoruðu 7 mörk í röð. Stelpurnar náðu hinsvegar að laga stöðuna aðeins fyrir hálfleik og munaði 5 mörkum á liðunum í hálfleik, 17-12. Í upphafi seinni hálfleiks náðu stelpurnar að minnka muninn niður í 4 mörk og hélst sá munur í um tíu mínútur. Síðustu 20 mínútur leiksins voru hinsvegar afar daprar hjá stelpunum okkar og raðaði lið Hauka inn mörkum úr hraðaupphlaupum. Liðið hreinlega gafst upp og það er óásættanlegt. Lokatölur voru Haukar 39 Akureyri 23 sum sé 16 marka tap. Markahæst í liði Akureyrar var Guðrún Tryggvadóttir með 7 mörk, en Inga Dís Sigurðardóttir mataði hana ógurlega á línunni. Næst markahæst var Þórsteina með sex mörk, Ester Óskarsdóttir skoraði 4, Jóhanna Tryggvadóttir 3, Inga Dís Sigurðardóttir og Erla Hleiður Tryggvadóttir með 2 mörk hvor og að lokum gerði Auður Ómarsdóttir eitt mark. Það er klárt mál að stelpurnar þurfa að rífa sig upp fyrir næsta leik sem verður þriðjudaginn 3. október í KA-heimilinu. Liðið mætir þá FH stúlkum og hvetur síðan fólk eindregið til að kíkja á leikinn og hvetja stelpurnar en það er frítt inn á alla leiki hjá kvennaliði Akureyrar.


Tengdar fréttir
Hvað gerir kvennalið Akureyrar í fyrsta leik tímabilsins?		26. september 2006 - SMS skrifar Haukar - Akureyri, upphitun Annaðkvöld fer fram fyrsti "alvöru" leikur kvennaliðs Akureyrar. Það verður líka enginn smáleikur, en stelpurnar leggja upp í ferðalag til Hafnarfjarðar í fyrramálið um 10 leytið. Leikurinn hefst annaðkvöld kl 18 að staðartíma. Stelpurnar þurfa að eiga hörku góðan leik til þess að vinna, enda Haukar með mjög sterkt lið og er þeim spáð öðru sætinu í vetur, og voru aðeins nokkrum stigum á eftir Stjörnunni í spánni í dag. Haukastúlkur enduðu í öðru sæti í fyrra í deildinni og voru aðeins einu stigi á eftir Íslandsmeisturum ÍBV. Haukar urðu einnig bikarmeistarar á síðasta tímabili, en þær unnu ÍBV 29-25 í skemmtilegum leik. Á síðasta tímabili mættust KA/Þór (Akureyri) og Haukar tvisvar. Fyrri leikurinn í KA heimilinu endaði með 8 marka Hafnfirskum sigri og ekki riðu KA/Þór feitum hesti í seinni leiknum að Ásvöllum, en sá leikur fór 31-18, enda var allt undir hjá Haukum í þeim leik. Akureyri spilaði gegn Haukum á Sjallamótinu í byrjun september og töpuðu þeim leik frekar stórt en lokatölur voru 24-12, Haukum í vil. Eins og hér kemur fram er tölfræðin ekki okkur í hag, en ég hef alltaf hugsað það þannig að ef tölfræðin er á móti manni, þá rífur maður sig upp og vinnur leikinn og ég hef fulla trú á því að Akureyri eigi eftir að byrja með krafti og vinna reynslumikið lið Hauka á morgun. Smávægileg meiðsli eru að hrjá nokkra lykilleikmenn liðsins, en Inga Dís, "Capteinninn", er ennþá ekki nógu góð af meiðslum sem hrjáðu hana á Sjallamótinu, Jóhanna Tryggvadóttir er slæm í hnéinu sem og Lilja Sif Þórisdóttir, en hafa þær báðar slitið krossbönd. En að sjálfsögðu vonum við að þær geti spilað á morgun. Enn og aftur vil ég minna á það að leikurinn hefst klukkan 18:00 að Ásvöllum og eru Akureyringar í stórborginni hvattir til að mæta á leikinn.

Umsjón og hönnun: Stefán Jóhannsson og Ágúst Stefánsson

web statistics