FH lagði kvennalið Akureyrar með þrem mörkum - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
FH lagði kvennalið Akureyrar með þrem mörkum - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2006-07

Leikmenn meistarafl. karla

Leikmenn meistarafl. kvenna

Sjá tölfræði leiksins

		Akureyri - FH 18-21 (10-7)
		DHL deild kvenna
		KA-Heimilið
		3. október 2006 klukkan: 19:00
		Dómarar: Þorlákur Kjartansson og Júlíus Sigurjónsson

Umfjöllun


Flottur fyrri hálfleikur en seinni hálfleikurinn varð liðinu að falli		4. október 2006 - ÁS skrifar FH lagði kvennalið Akureyrar með þrem mörkum Í gær fór fram fyrsti heimaleikur Akureyrar Handboltafélags. Kvennaliðið lék leikinn og tók á móti sterku liði FH. Lið Akureyrar tapaði fyrsta leik tímabilsins stórt en liðið kom sterkt til leiks í gær og byrjaði af krafti. Það hinsvegar dugði ekki til sigurs en við skulum sjá hvernig leikurinn spilaðist. Lið Akureyrar byrjaði leikinn frábærlega og skoraði fyrstu 3 mörk leiksins. Vörn liðsins var mjög öflug og hún hélt hreinu fyrstu 12 mínútur leiksins sem er frábært. Lið Akureyrar leiddi leikinn í fyrri hálfleik, FH náði reyndar að jafna einu sinni en stelpurnar í liði Akureyrar voru einfaldlega betri í fyrri hálfleik og leiddu 10-7 í hálfleik. Seinni hálfleikurinn var svo skelfilegur, eftir að hafa leikið ákaflega vel í fyrri hálfleik þá náði liðið ekki að fylgja því eftir og með því að skora aðeins 4 mörk á rúmum 20 mínútum þá misstu stelpurnar af tækifærinu að ná stigum úr leiknum. Lið FH hinsvegar reif sig upp og náði góðri forystu. Lokatölur voru Akureyri 18 FH 21. Ótrúlega leiðinlegt fyrir stelpurnar að fá ekkert útúr leiknum þar sem þær spiluðu svona vel í fyrri hálfleik. Hinsvegar er handboltaleikur 60 mínútur og það er ekki nóg að spila bara rétt rúmar 30 mínútur. En það var margt mjög jákvætt í leik liðsins og aldrei að vita hvernig uppskera vetrarins verður.


Tengdar fréttir
Hvað gera stelpurnar í fyrsta heimaleik tímabilsins?		3. október 2006 - SMS skrifar Akureyri mætir FH í fyrsta heimaleiknum Þá eiga stelpurnar í Akureyri sinn fyrsta heimaleik í kvöld gegn liði FH en þetta er ekki í fyrsta skipti sem þessi lið mætast í haust, en FH var eitt af þeim fáu liðum í kvennaflokki sem lagði leið sína norður á Sjallamótið. Það var fyrsti leikur Akureyrar í vetur, en sá leikur tapaðist stórt enda liðið að tefla fram tveimur nýjum leikmönnum. En nóg um leikinn í september enda ekkert nema bjartsýni sem fer í gegnum huga stelpnanna að þessu sinni. Ef við rennum yfir fyrri viðureignir, sem KA/Þór átti gegn FH þá töpuðust báðir leikirnir á síðasta tímabili geng firnasterku liði FH það árið. En samanlagt fóru leikirnir tveir 46-70 FH í vil. Það sem undirritaður sá til FH liðsins á Sjallamótinu var að markvarslan hjá þeim er góð í alla staði þess vegna þurfa stelpurnar okkar að gefa sér tíma á morgun og þá mun allt smella, vegna feikna öflugrar markvörslu hjá FH þá fá þær mikið af hraðaupphlaupum. Þetta er eitthvað sem Akureyri þarf að stoppa í kvöld. Lítil meiðsli virðast vera að hrjá hópinn. En eina sem var ekki með á æfingu í gær var Sibba markmaður, en annars virðist allt vera í góðum gír. Ég hvet sem flesta til að mæta kl 19:00 í kvöld og hvetja stelpurnar, frítt er á leikinn og eiga stelpurnar eftir að bjóða upp á skemmtilegan leik.

Umsjón og hönnun: Stefán Jóhannsson og Ágúst Stefánsson

web statistics