Stelpurnar spiluðu tvo leiki - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Stelpurnar spiluðu tvo leiki - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2006-07

Leikmenn meistarafl. karla

Leikmenn meistarafl. kvenna

Sjá tölfræði leiksins

		Grótta - Akureyri 32-22 (15-11)
		DHL deild kvenna
		Seltjarnarnes
		24. febrúar 2007 klukkan: 16:00
		Dómarar: Magnús Ólafur Björnsson og Ómar Ingi Sverrisson

Umfjöllun


Liðið tapaði í Meistaraflokki en vann í unglingaflokki		26. febrúar 2007 - NN skrifar Stelpurnar spiluðu tvo leiki Stelpurnar okkar skelltu sér suður yfir heiðar um helgina og léku þar tvo leiki. Þann fyrri við Gróttu í DHL-Deildinni og síðari leikinn í unglingaflokki við Stjörnuna. Eftir góðan leik við Val síðustu helgi, vonuðust þær til að gera enn betur en þá og leggja Gróttu að velli.. Byrjunin lofaði góðu. Firnasterk vörn og góð markvarsla Jarmilu skilaði okkur 5-1 forystu, og vissu Gróttustelpur ekki hvaðan af þeim stóð veðrið. Þær komu þá til baka, eftir að við fengum okkar fyrstu brottvísun og jöfnuðu 5-5. Síðan skiptust liðin á að skora, en þegar líða tók á hálfleikinn misstum við þær þó aðeins fram úr okkur og staðan í hálfleik var 15-11. Sóknarleikurinn í fyrri hálfleik var hins vegar mjög góður. Lítið var um sóknarfeila, og fengum við fá hraðupphlaup á okkur. Íris Björk Símonardóttir markvörður Gróttu og landsliðsins varði þó vel, og má segja að hún hafi haldið okkur aðeins frá þeim. Vörnin okkar sem hefur verið mjög sterk undanfarna leiki, var hins vegar ekki nógu góð í fyrri hálfleik og markvarslan slakari en oft áður. Seinni hálfleikurinn byrjaði ekki nógu vel, allt lak inn hjá okkur varnarlega og ekki hjálpaði það okkur að sóknarleikurinn hiksaði verulega. Tæknifeilarnir sem voru í lágmarki í fyrrihálfleik, létu sjá sig og við fengum á okkur of mörg hraðupphlaup. Munurinn komst fljótt í seinni hálfleik í 10 mörk, og útlitið svart. Það var ekki að hjálpa okkur að dómarar leiksins (veit ekki hvað þeir heita og langar ekki að vita það) sáu ekki ástæðu til að reka Gróttustelpur útaf í öllum leiknum. En okkur þó 4 sinnum. Ekki var það þó dómararnir sem klúðruðu þessu fyrir okkur, höfum það á hreinu. Eftir að leikurinn var klárlega tapaður (12-13 mínútur eftir) héldu stelpurnar þó haus, og enduðu leikinn ágætlega með nokkrum góðum mörkum. Steina lék best í dag, skoraði góð mörk, og átti fínar stoðsendingar. Aðrar áttu líka fína spretti í sókn, en í heild var það vörnin og markvarslan sem brást okkur í dag. Sóknarleikurinn var betri en oft áður og er það mjög jákvætt. Oft á tíðum brá fyrir fínt spil sem skilaði okkur fínum færum. Nú bíðum við eftir að stelpurnar hitti á leik, þar sem vörnin verður upp á sitt besta og sóknin svipuð og í dag. Á sunnudaginn var svo spilað í unglingaflokki við Stjörnuna. Eftir að hafa tapað með 17 mörkum á móti þessu sama félagi í meistaraflokki ekki alls fyrir löngu, þá var ekki til í dæminu að tapa þessu líka. Leikurinn byrjaði vel, og komust við í góða forustu strax. Greinilegt var að liðið allt var klárt í þennan slag, og léku allar stelpurnar vel. Við unnum öruggan sigur 30-22 eftir að við leiddum með 10 mörkum í hálfleik. Vörnin var virkilega góð allan tímann og sóknarleikurinn líka lengst af . Auður lék best í sókninni og skoraði 9 mörk.

Umsjón og hönnun: Stefán Jóhannsson og Ágúst Stefánsson

web statistics