Kvennaliðið: Tímabilinu lauk með ágætisspilamennsku - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Kvennaliðið: Tímabilinu lauk með ágætisspilamennsku - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2006-07

Leikmenn meistarafl. karla

Leikmenn meistarafl. kvenna

Sjá tölfræði leiksins

		Akureyri - Grótta 18-28 (10-17)
		DHL deild kvenna
		KA-Heimilið
		21. apríl 2007 klukkan: 16:00
		Dómarar: Þorlákur Kjartansson og Valgeir Egill Ómarsson

Umfjöllun


Sibba kvaddi með fínum leik		21. apríl 2007 - ÁS skrifar Kvennaliðið: Tímabilinu lauk með ágætisspilamennsku Í dag lék kvennalið Akureyrar sinn síðasta leik í vetur. Tímabilið í vetur hefur verið furðulegt, þjálfarapari liðsins var breytt á miðju tímabili og spilamennska liðsins hefur verið afar misjöfn. Leikurinn í dag var í raun táknrænn fyrir liðið í vetur, á köflum spilaði liðið mjög vel en á öðrum köflum virtist liðið varla vera inn á vellinum. Andstæðingarnir í dag voru af betri gerðinni en Grótta er með feykiöflugt lið og var fyrir leikinn öruggt með 2. sætið í deildinni. Ég var gríðarlega sáttur með upphafsmínútur leiksins en þá var Akureyrarliðið alls óhrætt og staðan var 2-2 eftir nokkurra mínútna leik. Þá hinsvegar greip um sig smá hræðsla að mér fannst í herbúðum Akureyrar. Stelpurnar fóru að bera of mikla virðingu fyrir Gróttu og lið Gróttu gekk á lagið. Staðan breyttist yfir í 2-6 og útlitið ekki nægilega gott. Stelpurnar tóku sig til í andlitinu og breyttu stöðunni yfir í 5-7 og voru að leika mjög vel. Þá hinsvegar kom skelfilegur kafli þar sem ekkert gekk upp hjá stelpunum. Lið Gróttu sýndi mátt sinn og kom með 10 mörk á móti aðeins 2 frá Akureyri. Staðan var því orðin 7-17 og stutt var í lok fyrri hálfleiks. Lið Akureyrar kom til baka og lagaði stöðuna fyrir hlé og var staðan 10-17 í hálfleik fyrir góðu liði Gróttu. Í síðari hálfleik var sigur Gróttu aldrei í hættu, munurinn var 7-10 mörk allan síðari hálfleikinn og spennan í lágmarki. Fín tilþrif sáust þó í síðari hálfleik og stelpurnar eiga hrós skilið að þær áttu ekki einhvern hrikalegan kafla í þeim síðari eins og þær áttu í þeim fyrri. Spilamennskan var mun stöðugri og þarf liðið bara að vinna í því fyrir næsta tímabil að ná stöðugri spilamennsku. Lokatölur leiksins voru Akureyri 18 Grótta 28. Stelpurnar enduðu því með 3 stig í vetur og liggur leiðin aðeins upp á við. Eftir að Jónatan Þór Magnússon og Jóhannes Gunnar Bjarnason tóku við liðinu á miðju tímabilinu hefur liðið tekið miklum framförum og er allt annað að sjá til liðsins eftir þjálfarabreytinguna. Ég er handviss um að liðið á eftir að setja tímabilið í ár í reynslubankann og læra mikið af því. Liðið er ungt og á framtíðina fyrir sér, ljóst er að ef liðið heldur áfram á sömu braut, það er að segja bæta sig, þá getur næsta tímabil orðið mjög áhugavert. Maður leiksins: Sigurbjörg Hjartardóttir markvörður liðsins var að mínu mati besti leikmaður liðsins í dag. Sigurbjörg eða Sibba eins og hún er gjarnan kölluð gerði fína hluti í dag og stóð sig vel í sínum síðasta leik fyrir liðið í einhvern tíma. Sibba er að kveðja liðið en hún er á leiðinni út. Þá fannst mér einnig vera mikill kraftur í Auði Ómarsdóttur og braust hún ósjaldan í gegn og skoraði eða fiskaði víti. Ég vil fyrir hönd heimasíðu félagsins þakka stelpunum fyrir tímabilið. Ágúst Stefánsson


Tengdar fréttir
Það þarf baráttu í síðasta leik tímabilsins		21. apríl 2007 - SMS skrifar Síðasti leikur kvennaliðsins í dag Í dag fer fram leikur Akureyrar og Gróttu í DHL deild kvenna í KA heimilinu kl 16:00. Þetta er seinasti leikur Akureyrar á tímabilinu. Þetta verður eflaust skemmtilegur leikur enda síðasti heimaleikur vetrarins. Grótta er í öðru sæti með 33 stig og eru búnar að tryggja sér þetta annað sæti þar sem næsta lið á eftir er með 30 stig. En Stjörnustúlkur eru á toppnum með 41 stig. Akureyri en enn í því neðsta með 3 stig og verður í neðsta sæti sama hvernig fer á morgun. Í liði Gróttu eru hörku stelpur eins og Natasa Damiljanovic sem er búin að skora 132 mörk í 23 leikjum. Einnig má nefna Söndru Paegle og Önnu Úrsúlu Guðmundsdóttir sem stóra leikmenn í þessu Gróttu liði. En eins og áður sagði þá hefst leikurinn kl 16:00 í dag í KA heimilinu og hvet ég allt til að mæta og kveðja veturinn hjá stelpunum með góðum stuðning.

Umsjón og hönnun: Stefán Jóhannsson og Ágúst Stefánsson

web statistics