Enn tap - en besti leikur vetrarins - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Enn tap - en besti leikur vetrarins - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2007-08

Leikmenn meistarafl. karla

Leikmenn meistarafl. kvenna

Textalýsing frá leiknum

Tölfræði leiksins

		Akureyri - Stjarnan 26-29 (16-14)
		N1 deild karla
		KA heimilið
		20. október 2007 klukkan: 13:30
		Dómarar: Valgeir Ómarsson og Þorlákur Kjartansson

Umfjöllun


Það var hart tekist á í vörninni og Flóki varði víti með tilþifum		21. október 2007 - Akureyri handboltafélag skrifar Enn tap - en besti leikur vetrarins Akureyri tapaði í gær enn einum leiknum á Íslandsmóti karla, N1 deildinni, þegar Stjarnan kom í heimsókn. Eftir að hafa forystu í leikhléi, 16:14, urðu okkar menn að sætta sig við tap - 29:26. Með sigrinum komst Stjarnan í efsta sæti deildarinnar, Garðbæingarnir eru með 10 stig en Akureyri er í næst neðsta sæti með 2 stig. Liðið sigraði Aftureldingu á útivelli í fyrsta leik mótsins en hefur nú tapað fimm í röð. Leikurinn í gær var að mörgu leyti sá besti hjá Akureyri í vetur, á því leikur ekki nokkur vafi. Varnarleikurinn var á löngum köflum mjög góður og sóknarleikurinn var léttur og skemmtilegur lengstum, leikkerfin gengu vel upp og mörkin komu úr öllum stöðum; fyrir utan, eftir gegnumbrot, úr hornunum og af línunni. Leikurinn var í járnum fram í miðjan fyrri hálfleikinn. En eftir að staðan var 8:7 fyrir gestina skoruðu okkar menn fimm mörk í röð - og komust þá í 12:8. Stjarnan náði aðeins að laga stöðuna en okkar menn komust í 16:13, en eftir aukakast í blálok fyrri hálfleiksins náði einn Stjörnumaðurinn að skora með langskoti og minnka muninn niður í tvö mörk. Seinni hálfleikur var mjög jafn framan af en Stjarnan náði reyndar frumkvæðinu snemma, jafnaði 17:17 eftir rúmar fimm mínútur og komst svo fljótlega tveimur mörkum yfir. Okkar mönnum gekk ekki nógu vel í sókninni og fyrstu 17 mínúturnar gerðu þeir aðeins fjögur mörk. Bæði var vörn Stjörnunnar mjög góð, Roland Eradze var í miklu stuði og menn óheppnir með skot. En með mikilli baráttu tókst strákunum að jafna; Magnús Stefánsson - sem hélt upp á það með mjög góðum leik að hann var í gær valinn í landsliðshóp Alfreðs Gíslasonar - jafnaði 21:21 þegar tæpar 18 mínútur voru búnar. Hörður Fannar kom Akureyri svo í 22:21 með marki af línunni eftir frábæra sendingu Rúnars Sigtryggssonar, Stjarnan jafnaði og Goran skaut í stöng úr horninu í næstu sókn. Óheppinn þar Goran, sem lék mjög vel í gær. Stjarnan skoraði svo tvö mörk með skömmu millibili, síðan það þriðja í röð, og loks það fjórða, og komst í 26:22. Þá hafði Heiddi skotið í stöng úr horninu og Goran skotið í gólfið og yfir úr víti. Það voru alls kyns smáatriði sem brugðust á lokamínútunum og Stjörnumenn voru sterkari á lokasprettinum. Akureyrarliðið gaf því miður eftir á síðustu mínútunum, sem var grátlegt eftir góða frammistöðu. En liðið er á réttri leið. Það eflist með hverjum leik, en þa er vissulega ekki nóg þegar öllu er á botninn hvolft; þegar góðir leikir skila engum stigum í sarpinn er það auðvitað neyðarlegt og jafnvel hætta á því að menn hengi haus. En það er algjör óþarfi, því einn sigur gæti gjörbreytt þankagangi allra. Leikmenn leika vel og með smá heppni hefði liðið t.d. allt eins getað sigrað í gær eins og í síðustu leikjum. Áhorfendur voru vel með á nótunum í dag, engan bilbug er á þeim að finna og það er mjög jákvætt.


Tengdar fréttir
Skapti stjórnaði Bónusleiknum í hálfleik		21. október 2007 - Akureyri handboltafélag skrifar Tilþrif í áhorfendaleiknum í hálfleik Í hálfleik í gær stjórnaði Skapti Hallgrímsson keppni áhorfenda sem fólst í því að skora mark frá vítateigslínu og yfir í markið hinumegin. Tveir áhorfendur, Sigfríður Ingólfsdóttir og Séra Hannes Blandon kepptu um 10.000 króna inneign í Bónus. Bæði fengu tvær tilraunir, í fyrri umferðinni fór boltinn hárfínt framhjá markinu hjá báðum keppendum en í seinni tilraun hittu bæði og unnu því bæði til verðlaunanna. Þórir Tryggvason, hirðljósmyndari okkar sendi okkur nokkrar myndir frá tilþrifunum. Smelltu hér til að skoða myndasyrpu frá hálfleikskeppninni.


Leikur dagsins er gegn Stjörnunni		20. október 2007 - Akureyri handboltafélag skrifar Frítt á leikinn gegn Stjörnunni - Ekki bein lýsing Í dag taka strákarnir á móti deildarbikarmeisturum Stjörnunnar og hefst leikurinn eins og áður hefur komið fram klukkan 13:30 í KA-heimilinu. Að þessu sinni er því miður ekki hægt að halda úti beinni lýsingu frá leiknum. Um helgina er unnið að breytingum á netkerfi þar sem beina lýsingin er vistuð og fyrir vikið er beina lýsingin óstarfhæf í dag. Það er því ástæða til að hvetja alla sem vettlingi geta valdið til að mæta á leikinn og rétt að ítreka að aðgangur er ókeypis! Það er fyrirtækið Vodafone sem hefur ákveðið að bjóða öllum á leikinn og vonandi þiggja Akureyringar gott boð og hvetja okkar menn.


Nú er bara að drífa sig á leikinn		19. október 2007 - Akureyri handboltafélag skrifar Vodafone býður öllum á Stjörnuleikinn ÓKEYPIS verður á leik Akureyrar og Stjörnunnar í N1 deild karla í KA-heimilinu á morgun. Það er fyrirtækið Vodafone sem hefur ákveðið að bjóða öllum á leikinn og vonandi þiggja Akureyringar gott boð og hvetja okkar menn. Athygli skal vakin á því að leikurinn hefst á óvenjulegum tíma – flautað verður til leiks kl. 13.30. Upphaflega átti leikurinn að fara fram í kvöld, en vegna Evrópuleiks Vals um síðustu helgi var leikur okkar gegn Vodafone-liðinu frá Hlíðarenda færður til miðvikudagsins og þessum síðan seinkað um einn dag. Akureyrarliðinu hefur ekki gengið vel í haust, en mikil batamerki voru á liðinu gegn Val í vikunni þrátt fyrir tap. Sóknarleikurinn var góður og liðið fékk mörg mjög góð færi, en þá tók Ólafur Gíslason markvörður Vals upp á þeim óskunda að verja eins og berserkur. Vonandi gengur betur að nýta færin á morgun.

Til baka Senda á Facebook

Umsjón og hönnun: Stefán Jóhannsson og Ágúst Stefánsson

web statistics