Umfjöllun handbolta.is um leikinn við ÍBV - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Umfjöllun handbolta.is um leikinn við ÍBV - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2007-08

Leikmenn meistarafl. karla

Leikmenn meistarafl. kvenna

Tölfræði leiksins

		ÍBV - Akureyri 26-35 (13-15)
		N1 deild karla
		Vestmannaeyjar
		31. október 2007 klukkan: 19:00
		Dómarar: Júlíus Sigurjónsson og Magnús Björnsson

Umfjöllun


Það var kraftur í Andra Snæ í kvöld en hann gerði 11 mörk		31. október 2007 - Akureyri handboltafélag skrifar Umfjöllun handbolta.is um leikinn við ÍBV Akureyri vann ÍBV í Eyjum 26-35, eftir að staðan hafði verið 13-15 í hálfleik. Eftirfarandi umfjöllun um leikinn er fengin af handbolti.is Það var mikil barátta í liðunum í fyrri hálfleik og hafði Akureyri undirtökin og náði allt að fjögra marka forystu en Eyjamenn náðu með mikilli baráttu að minnka muninn í tvö mörk fyrir hálfleik. Þannig að staðan í hálfleik var 13-15. Sama barátta var upp á teningnum fyrstu mínútur síðari hálfleiks en þá sprungu Eyjamenn. Er á leið seinni hálfleik var Akureyri komið með tíu marka forystu 18-28 og eftir það var ekki aftur snúið fyrir Eyjamenn og lokatölur leiksins urðu 26-35 eins og áður sagði. Það sem helst bar til tíðinda í leiknum var að Jónatan Magnússon var fluttur á sjúkrahús vegna aðsvifs og Gintaras lék sinn fyrsta leik fyrir ÍBV. Rúnar Sigtryggsson, þjálfari Akureyrar, sagðist vera sáttur við stigin tvö en fyrri hálfleikur hefði verið dapur hjá þeim en í síðari hálfleik hefði gengið betur. Hann sagði samt sem áður að hinu ungu markmenn ÍBV hefðu um tíma gert þeim erfitt fyrir t.d. úr dauðfærunum. Grétar Eyþórsson, leikmaður ÍBV, var ekki sáttur við leik ÍBV og sagði að þeir ættu enn mikið inni, þar sem t.d. það hefði vantað tvo öfluga leikmenn í liðið auk þess sem von væri á örfhentri skyttu til liðs við ÍBV. Markaskorarar fyrir ÍBV voru: Sindri Haraldsson 6, Leifur Jóhannesson 5, Grétar Eyþórsson 5, Nikolay Kulikov 3, Þórarinn Ingi Valdimarsson 3, Gintaras Savukynas 3 og Brynjar Óskarsson 1. Vaktina mest allan fyrri hálfleik stóð Friðrik Sigmarsson og varði ágætlega. Í seinni hálfleik og restina af fyrri hálfleik stóð Kolbeinn Arnarsson vaktina og varði nokkuð vel. Markaskorarar fyrir Akureyri voru: Andri Snær Stefánsson 11, Goran Gusic 8, Magnús Stefánsson 5, Ásbjörn Friðriksson 4, Einar Logi Friðjónsson 3, Rúnar Sigtryggsson 2, Nikolaj Jankovic 1 og Hörður Sigþórsson 1. Markverðirnir Sveinbjörn Pétursson og Siguróli Sigurðsson vörðu þolanlega í leiknum. Dómarar voru þeir Júlíus Sigurjónsson og Magnús Björnsson. Áhorfendur voru í kringum 150.


Tengdar fréttir
Okkar menn á skjánum		1. nóvember 2007 - Akureyri handboltafélag skrifar Viðtöl við Rúnar og Magga á VefTíví Sjá má sjónvarpsviðtöl við Rúnar Sigtryggsson og Magnús Stefánsson, sem tekin voru eftir leikinn í Eyjum í gærkvöldi, á veftíví, sem er að finna á heimasíðunni www.handbolti.is - þar er landsliðsmaðurinn nýbakaði m.a. spurður að því hvernig honum lítist á að vera búinn að gera tveggja ára samning við Eyjamenn! Hann var þar sem kunnugt er í sumar, en unnusta Magga - Ester Óskarsdóttir, leikmaður Akureyrarliðsins - er úr Vestmannaeyjum. Sjá viðtalið við Rúnar Sjá viðtalið við Magnús


Goran í nýja búningnum í gær		1. nóvember 2007 - Akureyri handboltafélag skrifar Nýr búningur Akureyrar Lið Akureyrar vígði í gær nýja búninga í leiknum gegn ÍBV. Um er að ræða svartar treyjur og svartar buxur. Það má því segja að liðin hafi verið eins og svart og hvítt í gær enda Eyjamenn í sínum hefðbundnu hvítu búningum. Spurning hvort liðið notar ekki nýja búninginn í bikarleiknum gegn ÍR á sunnudaginn? Á myndinni sjáum við Goran Gusic í nýja búningnum.


Jonni er allur að hressast		1. nóvember 2007 - Akureyri handboltafélag skrifar Jónatan á heimleið frá Eyjum Þær góðu fréttir voru að berast af Jónatan Magnússyni að honum líður vel og ekkert alvarlegt að. Hann er kominn af sjúkrahúsinu og var að labba út í flugvél í Eyjum og kemur norður á eftir. Talið er að ástæða verksins sem hann fékk í gær tengist verkjalyfjum sem hann hefur tekið vegna þeirra meiðsla sem hann hefur glímt við að undanförnu.


Góðar kveðjur til Jonna		31. október 2007 - Akureyri handboltafélag skrifar Jónatan verður í Eyjum í nótt (uppfært) Eins og kom fram í frétt hér áðan var Jónatan Magnússon fluttur á sjúkrahúsið í Vestmannaeyjum eftir að hafa hnigið niður í upphafi leiksins gegn ÍBV. Þær fréttir voru að berast að Jonna líði vel en í öryggisskyni verði honum haldið á sjúkrahúsinu í Eyjum í nótt enda ekki ráðlegt að fara beint í klukkutíma flug við þessar aðstæður. Við sendum Jonna góðar kveðjur og vonumst til að hann nái fullum bata sem fyrst. Mynd: handbolti.is


Jonni var fluttur á Heilsugæsluna í Eyjum strax í upphafi leiks		31. október 2007 - Akureyri handboltafélag skrifar Níu marka sigur í Vestmannaeyjum Rétt í þessu var að ljúka leik ÍBV og Akureyrar sem leikinn var í Eyjum. Er skemmst frá því að segja að Akureyri sigraði með níu marka mun, 35 - 26. Akureyri leiddi með tveim mörkum í hálfleik en gerði út um leikinn með góðum seinni hálfleik þar sem munurinn varð mest tíu mörk. Strax í upphafi leiksins hneig Jónatan Magnússon niður og var fluttur með sjúkrabifreið á Heilsugæsluna í Vestmannaeyjum til aðhlynningar. Nú þegar þetta er ritað höfum við ekki nánari upplýsingar um ástand Jonna en vonumst til að geta flutt fréttir af því fljótlega og vonandi nánari upplýsingar um leikinn sjálfan.


Sendum Hödda og strákunum baráttukveðjur til Eyja		31. október 2007 - Akureyri handboltafélag skrifar Leiknum við ÍBV er lýst á heimasíðu Vestmannaeyja (uppfært) Þær fréttir voru að berast að leik Akureyrar og ÍBV verði í beinni lýsingu á heimasíðu Vestmannaeyinga. Við þökkum að sjálfsögðu fyrir þessa fínu þjónustu og bendum áhugasömum á að fylgjast með. Okkur skilst að um sé að ræða talaða lýsingu þannig að nauðsynlegt er að hafa hátalara tengda tölvunni til að fyljgast með. Til að fylgjast með lýsingunni skaltu fyrst smella hér http://www.ibvfan.is og vinstra megin á síðunni er myndin sem væntanlega opnar lýsinguna. Lýsingin hefst væntanlega korter fyrir leik eða klukkan 18:45.


Spurning hvort Maggi komist til Eyja á morgun?		30. október 2007 - Akureyri handboltafélag skrifar Leiknum við Vestmannaeyjar frestað til miðvikudags Leik karlaliðs Akureyrar við ÍBV í N1 deildinni sem vera átti í kvöld hefur verið frestað til morguns, miðvikudags. Ástæðan er sú að ekki er flugfært til Eyja þannig að hvorki okkar menn né dómararnir komast til Eyja. Leikurinn hefur verið settur á klukkan 19:00 á morgun og verðum við bara að vona að veðurguðirnir verði hliðhollari þá.

Til baka Senda á Facebook

Umsjón og hönnun: Stefán Jóhannsson og Ágúst Stefánsson

web statistics