Warning: Undefined array key "frettanr" in /web/akhandadmin/public_html/index.php on line 15
Lukkudísirnar voru með Stjörnunni - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2007-08

Leikmenn meistarafl. karla
Úrslit leikja
Deild karla
Deild kvenna
Leikmenn meistarafl. kvenna
Textalýsing frá leiknum     Tölfræði leiksins 
    Stjarnan - Akureyri  30-29 (14-14)
N1 deild karla
Mýrin
8. desember 2007 klukkan: 16:00
Dómarar: Ingvar Guðjónsson og Jónas Elíasson
Umfjöllun

Rúnar á greinilega nóg eftir





9. desember 2007 - Akureyri handboltafélag skrifar

Lukkudísirnar voru með Stjörnunni

Það voru taugatrekkjandi lokamínútur í leik Stjörnunnar og Akureyrar í Garðabænum í gær. Akureyri jafnar leikinn í 29-29 þegar rétt um 40 sekúndur voru til leiksloka, Stjarnan fer í langa sókn sem lýkur með því að 4 sekúndum fyrir leikslok nær Heimir Örn Árnason að tryggja Stjörnunni sigur úr síðasta skoti leiksins. Grátlegur endir á vægast sagt kaflaskiptum leik.

Lið Akureyrar kom gríðarlega vel stemmt í leikinn þó svo að það vantaði lykilmenn í liðið. Magnús Stefánsson er ekki orðinn samur eftir meiðslin frá Haukaleiknum og hvíldi því að þessu sinni, Hörður Fannar tók út leikbann og Ásbjörn Friðriksson, sem varð fyrir meiðslum á fæti á æfingu sat einnig eftir heima. En maður kemur í manns stað og byrjun leiksins var gjörsamlega frábær. Akureyri komst strax í 1-6 forystu og bætti aldeilis um betur því eftir sautján mínútna leik hafði liðið sjö marka forystu 4-11.

Á þessum tíma gekk allt upp, vörnin frábær, Sveinbjörn varði eins og berserkur í markinu, greip til dæmis tvívegis þrumuskot Björgvins Hólmgeirssonar. Þá var það ekki síður ánægjulegt að í sóknarleiknum gekk flest upp. Mörkin komu í öllum regnbogans litum, af línunni, úr hraðaupphlaupum og með þrumuskotum án þess að Roland Valur kæmi nokkrum vörnum við í Stjörnumarkinu.

Á næstu mínútum bitu Stjörnumenn hressilega frá sér og á sama tíma missa okkar menn taktinn illilega, Jónatan tekinn úr umferð og við það riðlast sóknarleikurinn, menn missa boltann hvað eftir annað í sókninni, óheppni með skot sem smella í stöngum og þverslá þannig að Stjarnan nær að jafna í 12-12 þegar 26 mínútur eru liðnar af leiknum. Í hálfleik var staðan 14-14 og verulega súrt að hleypa Stjörnunni inn í leikinn eftir þessa frábæru byrjun.

Stjörnumenn komu ákveðnir til leiks í síðari hálfeik og náðu strax þriggja marka forystu 17-14 og síðan 19-16. Þá var Herði Flóka nóg boðið, lokaði markinu og í kjölfarið jöfnuðu okkar menn leikinn í 19-19 af miklu harðfylgi. Stjörnumenn gáfu samt ekkert eftir og héldu frumkvæðinu í leiknum og þegar rétt rúmar tíu mínútur voru eftir höfðu þeir tveggja marka forystu, 25-23.

Hér kviknaði aftur á Akureyrarliðinu sem skoraði næstu fjögur mörk og náði tveggja marka forystu 25-27. Eins og áður segir voru lokamínúturnar æsilegar, Heimir Árna, sem hafði verið allt í öllu hjá Stjörnunni, fór meiddur af leikvelli en samt ná þeir að jafna í 28-28 og komast yfir 29-28 og rétt rúm mínúta eftir. Akureyri tók leikhlé og upp úr því fintaði Einar Logi sig í gegnum Stjörnuvörnina og jafnaði leikinn. Stjarnan sendi Heimi Örn inná í síðustu sóknina og það reyndist þeim happadrjúgt því á annarri löppinni náði hann að læða boltanum í markið rétt áður en lokaflautið kom.

Það má svo sannarlega segja að lukkudísirnar séu ekki á bandi Akureyrarliðsins þessa dagana, enn einu sinni tapast stig á lokasekúndum leiksins þó svo að liðið spili frábærlega lengst af leiksins. Það var fullt af mjög jákvæðum hlutum í þessum leik og ástæða til að hrósa liðinu í heild, markvarslan mjög góð, þá átti gamli maðurinn, Rúnar Sigtryggsson sinn besta leik í langan tíma, bæði í vörn og sókn þar sem hann skoraði m.a. fimm mörk. Goran átti fínan leik, sérstaklega í síðari hálfleik þar sem hann tók af skarið þegar liðið sneri leiknum sér í hag. Þá var Björn Óli seigur og kunni greinilega tökin á sínum gömlu félögum

Nú er bara að halda dampi og koma af fullum krafti í næsta leik en þá kemur ÍBV í heimsókn í KA-heimilið þann 15. desember. Ettir þann leik verður hlé á deildarkeppninni fram í febrúar.

Tengdar fréttir

Sendum baráttukveðjur til strákanna

8. desember 2007 - Akureyri handboltafélag skrifar

Stjarnan - Akureyri: Bein lýsing hefst klukkan 16:00 í dag

Okkar strákar mæta í dag Stjörnunni í Garðabæ klukkan 16:00. Við hvetjum stuðningsmenn liðisins á höfuðborgarsvæðinu til að mæta í Mýrina og styðja okkar menn allt frá byrjun leiks. Fyrir þá sem heima sitja bjóðum við upp á beina lýsingu hé hér á síðunni.

Það er virkilega auðvelt að fylgjast með leiknum í gegnum Beinu Lýsinguna.

Smellið hér til að opna Beina Lýsingu

Beina Lýsingin opnast í nýjum glugga sem uppfærist af sjálfu sér á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 16:00 og við hvetjum alla til að fylgjast vel með.


Hvað gera meistaraflokkar Akureyrar Handboltafélags í dag?

8. desember 2007 - Akureyri handboltafélag skrifar

Tveir útileikir hjá Akureyri Handboltafélagi í dag

Meistaraflokkur karla og kvenna hjá Akureyri Handboltafélagi eiga bæði útileik í dag. Kvennaliðið mætir FH í botnslag klukkan 14:00 í Kaplakrika á meðan karlaliðið mun mæta Stjörnunni klukkan 16:00 í Mýrinni.

Kvennalið Akureyrar bíður enn eftir sínu fyrsta stigi í vetur en andstæðingar dagsins eru einu sæti fyrir ofan Akureyri með 4 stig. Lið FH lagði á dögunum Íslandsmeistara Stjörnunnar og vakti sá sigur mikla athygli. Það er þó ljóst að stelpurnar okkar geta vel lagt lið FH en liðin eru afar lík að getu.

Karlaliðið mætir í Mýrina í dag og mætir Bikarmeisturum Stjörnunnar. Eftir frábæra byrjun á tímabilinu hefur aðeins hallað undir fæti hjá Stjörnumönnum. Okkar menn eiga að nýta tækifærið og mæta einbeittir til leiks. Akureyri er þó ekki alveg með heilt lið, en Hörður Fannar Sigþórsson er í banni, Ásbjörn Friðriksson er meiddur, Þorvaldur Þorvaldsson er einnig meiddur og þá er ólíklegt að Magnús Stefánsson verði með í dag en hann hefur verið að berjast við meiðsli.

Það er ljóst að bæði lið þurfa að mæta í leiki dagsins með mikla baráttu. Liðin hjálpa hvort öðru í að koma sér í gírinn fyrir leik dagsins en liðin ferðast saman í rútu suður.


Höddi myndi sennilega frekar vilja vera með gegn Stjörnunni!

6. desember 2007 - Akureyri handboltafélag skrifar

Hörður Fannar verður í banni gegn Stjörnunni

Hörður Fannar Sigþórsson var á fundi aganefndar HSÍ dæmdur í eins leiks bann eftir rauða spjaldið sem hann fékk í bikarleiknum gegn Aftureldingu 2 um síðustu helgi. Þetta þýðir að Hörður Fannar verður ekki með á laugardaginn þegar lið Akureyrar mætir Stjörnunni á heimavelli þeirra í Garðabæ.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson