Warning: Undefined array key "frettanr" in /web/akhandadmin/public_html/index.php on line 15 Stórbrotinn sigur á FH í kvöld - Akureyri eitt á toppnum - Akureyri Handboltafélag
14. nóvember 2008 - Akureyri handboltafélag skrifar
Glaðir og sveittir leikmenn við komuna norður
Það urðu fagnaðarfundir á flugvellinum þegar síðasta flug frá Reykjavík lenti í gærkvöldi með leikmenn Akureyrar Handboltafélags innanborðs eftir frækinn útisigur í toppbaráttu N1 deildarinnar. Reyndar var eins og þeir væru að koma í stuðningsmannaherbergið í Höllinni eftir heimaleik, löðursveittir í búningunum því enginn tími gafst til að fara í sturtu eða hafa fataskipti til að ná fluginu norður eftir leikinn.
Eftir að hafa gefið stuðningsmönnum skýrslu um gang leiksins hröðuðu menn sér til síns heima til að komast í langþráð bað og í þurran fatnað enda ekki vanþörf á. Við náðum nokkrum myndum af glaðbeittum köppunum þar sem þeir biðu eftir farangrinum sínum.
Þorvaldur og Hafþór kampakátir við heimkomuna
Andri Snær í nýja fluggallanum
Rúnar náði að fara í úlpuna utanyfir æfingagallann
Aldi ætlar sér að sjálfsögðu ekkert annað en sigur í kvöld
13. nóvember 2008 - Akureyri handboltafélag skrifar
Tækifæri til að kvitta fyrir bikarleikinn - Valdi í Vikudegi
Línumaðurinn og reynsluboltinn Þorvaldur Þorvaldsson er í viðtali við Vikudag nú í dag og ræðir þar við Jón Stefán Jónsson um leikinn í kvöld. Jón spyr hvort hann sé ekki banginn að mæta FH-ingum eftir tapið á sunnudaginn? „Nei það er mjög gott að mæta þeim aftur svona snemma, því þá fáum við tækifæri á að kvitta fyrir bikarleikinn“, sagði Þorvaldur ákveðinn á svip.
Þorvaldur er sæmilega sáttur við gengi liðsins í deildinni þrátt fyrir að liðið hafi komið flestum handboltaspekingum á óvart í vetur með góðri spilamennsku. „Við byrjuðum illa en síðan þá eru komnir fimm deildarsigrar í röð og vonandi náum við að rífa okkur upp fyrir leikinn gegn FH og spila eins og menn, ég á ekki von á öðru en það gerist, stemmingin í hópnum er einstök.“
Hið góða gengi Akureyrar í deildinni hefur ekki komið Þorvaldi á óvart því hann vill meina að liðið sé vel mannað. Ungir og mjög efnilegir leikmenn í bland við eldri reynslubolta sé alltaf blanda sem vænleg sé til árangurs, ef liðið vinni sem ein heild og hafi gaman af. „Barátta og leikgleði skilar mönnum nefnilega ótrúlega langt.“
Okkar maður á staðnum mun lýsa í gegnum síma
13. nóvember 2008 - Akureyri handboltafélag skrifar
Leikur dagsins: FH - Akureyri í beinni textalýsingu
Þá er komið að leikdegi hjá Akureyri Handboltafélagi. Strákarnir héldu suður á bóginn um klukkan 16:40 og leika við FH í Kaplakrika og þarf ekki að efast um að það verður hörkuleikur þar sem bæði liðin munu selja sig dýrt til að halda toppsæti deildarinnar.
Leikurinn sjálfur hefst klukkan 19:30 og að sjálfsögðu ætlum við að bjóða stuðningsmönnum sem ekki eiga heimangegnt á leikinn upp á beina lýsingu frá leiknum hér á síðunni og hefst hún rétt fyrir leik.
Það er virkilega auðvelt að fylgjast með leiknum í gegnum Beinu Lýsinguna.
Beina Lýsingin opnast í nýjum glugga sem uppfærist sjálfvirkt á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 19:30 og við hvetjum alla til að fylgjast vel með.
Við heimsækjum FH öðru sinni í dag
13. nóvember 2008 - Akureyri handboltafélag skrifar
Leikur dagsins: Útileikur gegn FH í Kaplakrika
Akureyrarliðið fer aðra ferð í Hafnarfjörðinn í dag og mætir FH öðru sinni í Kaplakrikanum klukkan 19:30. Að þessu sinni er um að ræða útileik í N1 deildinni og ljóst að það lið sem fer með sigur af hólmi verður eitt á toppnum í deildinni að honum loknum. Akureyrarliðið er staðráðið í að gleyma seinni hálfleik bikarleiksins á sunnudaginn og gefa allt í þennan leik enda förum við í alla leiki til að sigra.
Það er ljóst að leita verður allra leiða til að stöðva skytturnar þrjár í FH liðinu, þá Aron, Ólaf og Ásbjörn sem fengu að leika alltof lausum hala í síðasta leik og því fór sem fór. Aron skoraði þá 12 mörk, Ólafur 7 og Ásbjörn 6..
Handbolti.is birti á laugardaginn lista yfir tólf markhæstu menn N1 deildarinnar og þar er einmitt áðurnefndur Aron Pálmason efstur á blaði en bæði Akureyri og FH eiga tvo menn á þessum lista, en röðin er sem hér segir:
Leikmaður
Félag
Mörk
Aron Pálmason
FH
59
Valdimar Þórsson
HK
53
Rúnar Kárason
Fram
52
Sigurbergur Sveinsson
Haukar
46
Sverrir Hermannson
Víkingur
41
Fannar Friðgeirsson
Stjarnan
37
Andri Snær Stefánsson
Akureyri
37
Ólafur Guðmundsson
FH
37
Árni Sigtryggson
Akureyri
36
Arnór Gunnarsson
Valur
33
Baldvin Þorsteinsson
Valur
33
Andri Berg Haraldsson
Fram
33
Ef við lítum á markaskorun Akureyrarliðsins í N1-deildinni hafa mörkin dreifst sem hér segir:
Leikmaður
Mörk
Andri Snær Stefánsson
37
Árni Sigtryggson
36
Jónatan Magnússon
34
Oddur Gretarsson
27
Hörður Fannar Sigþórsson
16
Heiðar Þór Aðalsteinsson
11
Þorvaldur Þorvaldsson
9
Rúnar Sigtryggsson
6
Anton Rúnarsson
5
Hreinn Hauksson
3
Gústaf Línberg
2
Elfar Halldórsson
2
Atli Ævar Ingólfsson
1
En aftur að leik dagsins. Það er farið að vekja mikla athygli hve öflugir stuðningsmenn Akureyrarliðsins hafa verið á síðustu útileikjum og nú heitum við á alla sem vettlingi geta valdið til að leggjast á eitt með liðinu til að knýja fram sigur á FH það er allavega á hreinu að leikmenn Akureyrar ætla ekki að fara suður í dag til þess að tapa þriðja leiknum gegn FH á þessu tímabili.
Nú verða menn að halda einbeitingu allan leikinn því að með leikgleðinni og stemmingunni sem einkennir liðið eru því allir vegir færir og þegar bestu áhorfendur landsins mæta einnig til leiks eru allar horfur á að ævintýrin haldi áfram að gerast.
Góður hópur áhorfenda var á bandi Akureyrar og lét vel í sér heyra á sunnudaginn. mynd: Steinn Vignir sport.is
Úrvalsdeild karla
Senda skilaboð
Vefur KA
Vefur Þór
Fréttaleit
Ljósmyndir frá leiknum
Myndband frá leiknum 
Textalýsing frá leiknum
Tölfræði leiksins 
Senda á Facebook