
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2008-09

Úrslit leikja

Deild karla

Textalýsing frá leiknum

Tölfræði leiksins

		Víkingur - Akureyri 20-25 (8-13)
		N1 deild karla
		Víkin
		19. febrúar 2009 klukkan: 19:30
		Dómarar: Helgi Rafn Hallsson Sigurjón Þórðarson

Umfjöllun

Hörður Fannar kunni vel við sig á línunni í Víkinni

19. febrúar 2009 - Akureyri handboltafélag skrifar

Öruggur sigur Akureyrar á Víkingum

Akureyri er komið á sigurbraut á ný með glæsilegum sigri á Víkingum á heimavelli þeirra síðarnefndu í kvöld. Liðið sýndi allar sínar bestu hliðar í dag þar sem sterk liðsheild, barátta og leikgleði skilaði dýrmætum stigum í hús.

Það sást langar leiðir að leikmenn Akureyrar komu einbeittir til leiks, vörnin var frábær, Hafþór öflugur í markinu og skynsemin allsráðandi í sóknarleiknum sem skilaði fínum færum, vítaköstum og mörkum.

Akureyri komst fyrst yfir í 2-3 og hafði örugg tök á leiknum eftir það, í stöðunni 3-4 skellti Hafþór í lás og munurinn jókst hröðum skrefum. Mestur varð munurinn sjö mörk í fyrri hálfleik 6-13 en Víkingar minnkuðu muninn í 8-13 með tveim síðustu mörkum hálfleiksins.

Það var greinilega ákveðið í hálfleik að ekkert yrði slakað á því að seinni hálfleikur hófst með látum, Akureyrarsóknin skilaði hverju markinu á fætur öðru meðan ekkert gekk hjá Víkingum, Hafþór hafði þá algjörlega í vasanum og eftir þrettán mínútna leik var munurinn kominn í tíu mörk 10-20 og allur vindur úr Víkingum. Hörður Fannar var hvað eftir annað dauðafrír á línunni og var vel mataður af þeim Jónatan og Árna og skilaði hverjum boltanum á fætur öðrum í netið.

Rúnar tók virkan þátt í sóknarleiknum lengst af og skoraði algjört draumamark lengst utan af velli eftir langa sókn. Það má reyndar segja að hafi verið aðalsmerki liðsins í þessum leik að sóknarleikurinn var yfirvegaður og árangursríkur. Munurinn hélst áfram í kringum tíu mörkin en síðustu mínútur leiksins gerðust menn full kærulausir og skoruðu ekki mark síðustu átta mínútur leiksins á meðan Víkingar gengu á lagið og söxuðu á forskotið með síðustu fjórum mörkum leiksins sem endaði með öruggum sigri 20-25.

Í dag kannaðist maður við stemminguna sem var í liðinu fyrir áramótin enda var það fyrst og fremst frábær liðsheild sem skóp þennan sigur þar sem menn börðust og peppuðu hvern annan upp, jafnt innan vallar sem og á bekknum. Það er ekki auðvelt að taka neinn sérstaklega útúr en Hörður Fannar átti sannkallaðan stórleik á línunni og réðu Víkingar ekkert við hann.

Hafþór stóð í markinu allan tímann og var frábær, 19 skot varin, þar af eitt vítakast og skoraði að auki eitt mark.

Mörkin dreifðust sem hér segir: Jónatan 9 (5 víti), Hörður 6, Oddur 4, Andri og Rúnar 2 hvor, Hafþór og Árni 1 mark hvor.

Það er fyrir mestu að liðið er búið að finna sigurstemminguna aftur og núgetum við látið okkur hlakka til næsta leiks sem verður þó ekki fyrr en 4. mars þegar HK kemur í heimsókn í Íþróttahöllina.

Leikurinn var í beinni lýsingu og þar er hægt að sjá ítarlega gang leiksins.

Eftir leiki kvöldsins er staðan í N1-deildinni þannig

Nr.	Félag	Leikir	U	J	T	Mörk	Hlutfall	Stig		-
1.	Valur	15	9	3	3	415 : 358	57	21	:	9
2.	Haukar	14	10	0	4	408 : 352	56	20	:	8
3.	Fram	16	8	3	5	445 : 439	6	19	:	13
4.	FH	16	8	2	6	478 : 470	8	18	:	14
5.	HK	16	7	3	6	426 : 434	-8	17	:	15
6.	Akureyri	16	7	1	8	412 : 437	-25	15	:	17
7.	Stjarnan	16	3	3	10	393 : 434	-41	9	:	23
8.	Víkingur	15	2	1	12	375 : 428	-53	5	:	25


Tengdar fréttir
Andri var öflugur síðast þegar liðin mættust í Víkinni		19. febrúar 2009 - Akureyri handboltafélag skrifar Leikur dagsins: Víkingur - Akureyri í beinni textalýsingu Leikur dagsins er á útivelli gegn Víkingum sem hafa verið á góðri siglingu upp á síðkastið. Skemmst er að minnast þess að þeir skelltu Akureyri hér í Höllinni síðast þegar liðin mættust. Víkingar héldu áfram og unnu HK sannfærandi 27-24 í næsta leik en biðu reyndar naumlega lægri hlut fyrir Stjörnunni 20-19 í síðasta leik sínum. Það er því deginum ljósara að Akureyri á erfitt verk fyrir höndum í dag og víst að það hefur enginn efni á því að mæta í Víkina nema með hausinn í lagi ef ekki á illa að fara. Það er orðið ótrúlega langt síðan Akureyrarliðið landaði sigri og treystum við því að strákarnir leggi allt í sölurnar í þessum leik. Leikurinn hefst að vanda klukkan 19:30 og við reiknum með því að verða með beina lýsingu á honum hér á síðunni fyrir þá stuðningsmenn sem heima sitja. Við treystum á það að netsambandið í Víkinni verði í lagi svo við lendum ekki í sama klúðri og í Kaplakrikanum fyrir viku síðan þar sem allt var bilað. Það er virkilega auðvelt að fylgjast með leiknum í gegnum Beinu Lýsinguna. Smellið hér til að opna Beina Lýsingu Beina Lýsingin opnast í nýjum glugga sem uppfærist sjálfvirkt á 15 sekúndna fresti. Það er því ekkert mál að fylgjast með. Leikurinn hefst eins og fyrr kom fram klukkan 19:30 og við hvetjum alla til að fylgjast vel með.

Til baka Senda á Facebook

Umsjón og hönnun: Stefán Jóhannsson og Ágúst Stefánsson

Öruggur sigur Akureyrar á Víkingum

Leikur dagsins: Víkingur - Akureyri í beinni textalýsingu