Warning: Undefined array key "frettanr" in /web/akhandadmin/public_html/index.php on line 15
Slæmur skellur gegn FH í kvöld - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2009-10

Leikmenn meistarafl. karla
Úrslit leikja
Deild karla
Tölfræði leiksins 
    FH - Akureyri  33-25 (14-9)
N1 deild karla
Kaplakriki
Fim 4. febrúar 2010 klukkan: 18:30
Dómarar: Anton Gylfi Pálsson og Hlynur Leifsson
Umfjöllun

Hafþór stóð upp úr hjá Akureyrarliðinu í kvöld

4. febrúar 2010 - Akureyri handboltafélag skrifar

Slæmur skellur gegn FH í kvöld

Fyrirfram voru miklar væntingar um hörkuleik í Hafnarfirðinum í kvöld þegar lið Akureyrar sótti FH-inga heim í Kaplakrikann. Við sem sátum hér fyrir norðan biðum spennt eftir að fylgjast með leiknum í beinni útsendingu hjá SportTV.is en þar gekk allt á afturfótunum og engin mynd send út. Þeir félagar tjáðu okkur í upphafi leiks að um væri að ræða bilun í símstöð í Hafnarfirði og sambandið væri rétt að komast á. Það gerðist því miður ekki og er þetta í annað sinn í vetur sem útsending frá leik Akureyrar gegn Hafnarfjarðaliðunum fer í vaskinn.

Stopular fréttir bárust úr Hafnarfirðinum, Akureyri byrjaði sæmilega og hafði forystu 3-4 en þar með tóku FH-ingar öll völd á vellinum. Næstu fréttir voru síðan ekki uppörvandi, FH með örugga forustu 6-4, sem fór í 9-6 og 10-6 sem varð að lokum 14-9 í hálfleik.

Samkvæmt lýsingu Morgunblaðsins var sóknarleikur Akureyrar mjög slakur og engin stemming í liðinu, pirringur og andleysi. Hafþór Einarsson virðist þó hafa haldið haus í markinu og varði alls 14 skot í hálfleiknum sem gerir 50% markvörslu.

FH liðið keyrði síðan yfir Akureyri í upphafi seinni hálfleiks. Hafþór var rekinn út af í tvær mínútur og var þá úr vöndu að ráða þar sem Hörður Flóki komst ekki með og Siguróli, þriðji markvörður liðsins er meiddur fór Heimir Örn Árnason í markið. Heimir sýndi reyndar snilldartilþrif er hann varði skot úr algjöru dauðafæri.


Markvörðurinn Heimir Örn Árnason (mynd mbl)

En forysta FH-inga jókst stöðugt, varð 18-10 og síðan 24-13 og vonleysi í leik Akureyrar. Sigur FH var aldrei í hættu, þegar tíu mínútur voru eftir af leiknum var staðan 28-18 en lokatölurnar átta marka tap, 33-25.

Eins og áður segir brást útsendingin frá leiknum og koma heimildir okkar því úr ýmsum áttum. Oddur Gretarsson var markahæstur Akureyringa með 6 mörk þar af 2 víti (10 skot), Heimir Örn Árnason 4 (7 skot), Andri Snær Stefánsson 3 (5 skot), Jónatan Magnússon 3 þar af 1 víti (10 skot), Árni Sigtryggsson 2 (11 skot) Guðmundur Hólmar Helgason 2 (6 skot), Hörður Fannar Sigþórsson 2 (2 skot), Geir Guðmundsson 1 (1 skot), Halldór Logi Árnason 1 (1 skot) og Hreinn Hauksson 1 (1 skot).

Hafþór Einarsson var trúlega besti maður Akureyrarliðsins með 21 skot varin og Heimir Örn Árnason með 1 skot varið.

Auðvitað eru menn hundfúlir með þessa niðurstöðu og nú verða menn að taka sig ærlega saman í andlitinu og sýna hvað í þeim býr á mánudaginn þegar Grótta kemur í heimsókn. Grótta tapaði í kvöld fyrir Val með einu marki þannig að enginn skyldi vanmeta þá.

Við treystum því að leikurinn í kvöld hafi verið Akureyrarliðinu alvarleg áminning og nú þýðir ekkert annað en að hrista af sér vonbrigðin og leika með hjartanu fyrir stuðningsmenn sína á mánudaginn.

Tengdar fréttir

Tæknin bregst illilega í Hafnarfirðinum!

4. febrúar 2010 - Akureyri handboltafélag skrifar

Bilun í útsendingu frá leik FH og Akureyrar

Af einhverjum ástæðum getur SportTV.is ekki sent út leik FH og Akureyrar eins og fyrirhugað var. Einhverjir tækniörðugleikar virðast fylgja þeim Hafnfirðingum því sama staða kom upp í haust þegar Akureyri sótti Hauka heim.


Árni fór á kostum þegar liðin mættust í Krikanum í fyrra

2. febrúar 2010 - Akureyri handboltafélag skrifar

N1 deildin hefst á ný: FH - Akureyri á fimmtudaginn

Á fimmtudaginn heldur Akureyrarliðið til Hafnarfjarðar og mætir FH-ingum í N1 deildinni. Strákarnir eru orðnir býsna vanir því að spila í Hafnarfirði upp á síðkastið, spiluðu þar í deildarbikarnum og sigruðu í Eiðsmótinu fyrir nokkrum dögum síðan.

Að þessu sinni er það stórleikur í toppbaráttunni en Akureyri og FH eru með jafnmörg stig í 2. og 3. sæti deildarinnar og ljóst að ekkert verður gefið eftir.

Svipuð staða var í deildinni í fyrra en þá voru liðin jöfn á toppnum og FH búið að sigra fyrsta leikinn og jafnframt búið að slá Akureyri út úr bikarnum. Akureyri var í mesta basli mestallan leikinn en með stórkostlegum endaspretti fór Akureyri með tveggja marka sigur af hólmi og settist í toppsæti deildarinnar. Árni Sigtryggsson fór á kostum í leiknum og skoraði 11 mörk.

Hér er hægt að skoða umfjöllunina um þennan magnaða leik.

Það þarf ekki að efast um það að strákarnir munu mæta brjálaðir í þennan leik enda klæjar menn í lófana eftir langt hlé. Leikurinn hefst klukkan 18:30 á fimmtudaginn og verður í beinni útsendingu á SportTV.is.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson