
Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2012-13

Úrslit leikja

Deild karla

Ljósmyndir frá leiknum

Tölfræði leiksins

		Akureyri - Haukar 18-20 (11-9)
		N1 deild karla
		Íþróttahöllin
		Mán 4. febrúar 2013 klukkan: 19:00
		Dómarar: Arnar Sigurjónsson og Svavar Ó Pétursson. Eftirlit Kristján Halldórsson

Umfjöllun


Jovan ver víti með tilþrifum í leiknum í kvöld		4. febrúar 2013 - Akureyri handboltafélag skrifar Haukar höfðu betur í baráttuleik Það var hörkuleikur í Íþróttahöllinni í kvöld þegar Akureyri tók á móti toppliði Hauka. Það var skarð fyrir skildi hjá heimamönnum þar sem Bjarni Fritzson gat ekki tekið þátt í leiknum vegna meiðsla á kálfa og stýrði hann því liðinu af bekknum með Sævari Árnasyni. Jovan Kukobat í marki Akureyrar gaf tóninn strax í fyrstu sókn með tveim stórbrotnum markvörslum og í hinu markinu byrjaði landsliðsmarkvörðurinn Aron Rafn sömuleiðis með tilþrifum. Eftir átta og hálfa mínútu varð Akureyrarliðið fyrir áfalli þegar Hörður Fannar Sigþórsson meiddist á hné og lauk þar með þátttöku hans í leiknum. Hörður var augsjáanlega sárkvalinn Á þessu stigi er ekki vitað hversu alvarleg meiðsli Harðar eru en vissulega leit þetta illa út. Eins og menn muna þá gerðist svipað atvik í upphafi leiks liðanna í Hafnarfirði fyrr í vetur en þá sleit Oddur Gretarsson krossband í hné og hefur verið frá allar götur síðan. En áfram að leiknum, eftir 11 mínútna leik var staðan 1-2 fyrir Hauka en með tveim hraðaupphlaupsmökum juku þeir forskotið í 1-4. Þá kviknaði á sóknarleik heimamanna sem jöfnuðu í 6-6 og náðu í kjölfarið þriggja marka forskoti 10-7 og 11-8. Haukar áttu síðasta mark hálfleiksins og minnkuðu með því muninn í 11-9. Sókn heimamanna var lengi í gang en var mjög góð seinni hluta hálfleiksins, vörnin grimm og Kukobat aldeilis frábær á bak við hana. Geir Guðmundsson var frábær, skoraði fimm mörk í hálfleiknum. Geir Guðmundsson var atkvæðamikill í fyrri hálfleiknum Haukarnir hófu seinni hálfleikinn betur, og náðu að jafna í 12 – 12 og komust yfir í 12 – 13. Sóknarleikur Akureyrar hikstaði auk þess sem Giedrius Morkunas sem kom í Haukamarkið á síðustu mínútum fyrri hálfleiks varði eins og berserkur. Haukarnir náðu á þessum kafla fjögurra marka forystu 13 – 17 þegar 10 mínútur voru eftir af leiknum. Sá munur hélst upp í 16 – 20 en með tveim síðustu mörkum leiksins minnkaði Bergvin Þór Gíslason muninn í 18 – 20 sem urðu lokatölur leiksins. Því miður tókst ekki að fylgja frábærum fyrri hálfleik eftir, tvö vítaköst fóru í súginn og þar með dýrmæt stig. Þó var margt jákvætt í þessum leik. Sérstaklega ber að nefna markvörsluna en Jovan Kukobat var hreint út sagt frábær í leiknum, sama má segja um Stefán Guðnason sem kom inná til að reyna sig við vítakast og hélt í framhaldinu áfram um stund og tók nokkur sannkölluð dauðafæri. Sóknarleikurinn datt niður í seinni hálfleiknum, Geir náði ekki að fylgja eftir góðum fyrri hálfleik en Bergvin Þór Gíslason skoraði fjögur af þeim sjö mörkum sem liðið skoraði í seinni hálfleiknum. Bergvin var markahæstur með 6 mörk í leiknum Hjá Haukum náði Sigurbergur Sveinsson sér heldur betur á strik í seinni hálfleik en hann og markvörðurinn Giedrius Morkunas voru yfirburðamenn í Haukaliðinu. Mörk Akureyrar: Bergvin Þór Gíslason 6, Geir Guðmundsson 5, Guðmundur Hólmar Helgason 2, Heimir Örn Árnason 2 (1 víti), Heiðar Þór Aðalsteinsson 1, Hreinn Hauksson 1 og Valþór Guðrúnarson 1 mark. Jovan Kukobat varði 18 skot, þar af 1 vítakast og Stefán Guðnason varði 3 skot. Mörk Hauka: Sigurbergur Sveinsson 8, Elías Már Halldórsson 5, Gylfi Gylfason 3, Árni Steinn Steinþórsson 1, Freyr Brynjarsson 1, Jón Þorbjörn Jóhannsson 1 og Tjörvi Þorgeirsson 1 mark. Giedrius Morkunas varði 14 skot, þar af tvö vítaköst og Aron Rafn Eðvarðsson varði 6 skot. Markverðirnir Jovan Kukobat og Giedrius Morkunas voru í leikslok valdir bestu menn liðanna og fengu glæsilega matarkörfu frá Norðlenska að launum. Giedrius Morkunas besti maður Haukaliðsins Jovan Kukobat besti maður Akureyrarliðsins Næsti leikur Akureyrar er strax á fimmtudaginn þegar liðið mætir Val í Vodafone höllinni í Reykjavík og ljóst að sá leikur þarf að vinnast til að eiga möguleika á að verða í efri hluta deildarinnar þegar lokaumferðin deildarinnar hefst.


Tengdar fréttir
Ógnarsterkri Haukar koma í Höllina í dag		4. febrúar 2013 - Akureyri handboltafélag skrifar Leikur dagsins: Akureyri – Haukar frítt í Höllina Þá er komið að fyrsta leik meistaraflokks Akureyrar eftir vetrarfríið. Landsliðsþjálfarinn, Aron Kristjánsson mætir í Höllina með lið sitt, Hauka sem ekki hafa tapað leik á tímabilinu. Leikmannahópur Hauka er gríðarlega öflugur, sambland af ungum strákum sem eru ekki lengur bara efnilegir heldur orðnir alvöru leikmenn ásamt reynsluboltum sem hafa lengi verið að. Akureyraliðið hefur endurheimt Hörð Fannar Sigþórsson í leikmannahópinn og verður gaman að sjá hann á fjölum Hallarinnar á ný. Vodafone býður öllum í Höllina þannig að enginn ætti að láta þennan stórleik fram hjá sér fara, leikurinn hefst klukkan 19:00.

Glæsilegt boð hjá Vodafone

29. janúar 2013 - Akureyri handboltafélag skrifar

Algjör handboltaveisla mánudaginn 4. feb

Nú styttist í að handboltavertíðin fari í gang á nýjan leik eftir langt hlé. Það er heldur enginn smáleikur sem við fáum, Haukar, topplið deildarinnar koma í Höllina en sem kunnugt er þá hafa Haukar einungis tapað einu stigi það sem af er deildarkeppninnar. Undanfarin ár hafa leikir liðanna hér í Höllinni verið æsispennandi, Akureyrarliðið vann með einu marki í fyrra, vorið 2011 lauk leik liðanna með jafntefli.

Hörður Fannar skoraði sigurmarkið gegn Haukum í fyrra

Með troðfulla Höll ætti að vera tryggt að stemmingin verður stórkostleg. Vodafone leggur sitt að mörkum og býður öllum sem vilja á leikinn. Þetta er tækifæri sem enginn getur látið fram hjá sér fara, boð á toppleikinn í deildinni þar sem liðin í 1. og 3. sæti deildarinnar mætast.

Akureyringar hafa sérstaka ástæðu til að fagna heimkomu Harðar Fannars Sigþórssonar en þetta verður fyrsti heimaleikur hans með liðinu á þessu tímabili. Eins og fram kemur í annarri frétt hefur liðið einnig endurheimt Jón Heiðar Sigurðsson og Halldór Tryggvason þannig að leikmannahópurinn stækkar og styrkist.

Takið frá mánudagskvöldið 4. febrúar og fjölmennið í Höllina í boði Vodafone!

Til baka Senda á Facebook

Umsjón og hönnun: Stefán Jóhannsson og Ágúst Stefánsson

Haukar höfðu betur í baráttuleik

Leikur dagsins: Akureyri – Haukar frítt í Höllina

Algjör handboltaveisla mánudaginn 4. feb