Warning: Undefined array key "frettanr" in /web/akhandadmin/public_html/index.php on line 15
Tap gegn Haukum í Hafnarfirðinum - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2013-14

Leikmenn meistarafl. karla
Úrslit leikja
Deild karla
Textalýsing frá leiknum     Tölfræði leiksins 
    Haukar - Akureyri  26-20 (12-9)
Olís deild karla
Schenkerhöllin
Fim 6. febrúar 2014 klukkan: 18:00
Dómarar: Magnús Kári Jónsson og Ómar Ingi Sverrisson. Eftirlitsmaður Valgeir Ómarsson
Umfjöllun

Bjarni var atkvæðamikill í sóknarleiknum í dag

6. febrúar 2014 - Akureyri handboltafélag skrifar

Tap gegn Haukum í Hafnarfirðinum

Það var eins og við mátti búast að róðurinn yrði erfiður fyrir Akureyri gegn Haukum í kvöld á þeirra heimavelli. Akureyrarliðið hóf leikinn af krafti og leiddi í upphafi. Sóknin gekk fínt og varnarleikurinn með ágætum. Þar fyrir aftan fór Jovan Kukobat mikinn í markinu.

Haukar náðu að jafna í 5-5 og síðan var jafnt á öllum tölum upp í 8-8. Tvær misheppnaðar sendingar undir lok hálfleiksins gáfu Haukunum hraðaupphlaupsmörk sem færðu þeim þriggja marka forskot í hálfleik 12-9.


Bjarni Fritzson skoraði 8 mörk í dag. Myndir: Vísir/Valli

Haukarnir hertu tökin í seinni hálfleik, Giedrius Morkunas markvörður þeirra reyndist Akureyringum erfiður og varði fjölmörg dauðafæri. Það ásamt óþarflega mörgum sóknarfeilum færði Haukum mörg hraðaupphlaupsmörk þannig að þeir náðu mest átta marka forskoti 22-14.


Kristján Orri átti fínan leik

Akureyri ströglaði þó aðeins og minnkaði muninn niður í fimm mörk en Haukar tryggðu sér sex marka sigur 26-20 með lokamarki leiksins.

Jovan Kukobat var frábær í leiknum, sérstaklega í fyrri hálfleik. Í sókninni voru Bjarni Fritzson og Kristján Orri Jóhannsson magnaðir með samtals 14 mörk. Lítið gekk hjá öðrum í sókninni og í raun gerðist ákaflega lítið á vinstri vængnum, t.d. kom ekki ein einasta sending út í vinstra hornið allan leikinn.

Mörk Akureyrar: Bjarni Fritzson 8 (1 úr víti), Kristján Orri Jóhannsson 6, Heimir Örn Árnason 2, Þrándur Gíslason 2, Gunnar Þórsson 1 og Valþór Guðrúnarson 1 mark.
Jovan Kukobat stóð í markinu allan tímann og varði 18 skot.


Jovan Kukobat stóð heldur betur fyrir sínu í dag

Mörk Hauka: Sigurbergur Sveinsson 8 (3 úr vítum), Árni Steinn Steinþórsson 7, Þórður Rafn Guðmundsson 4, Elías Már Halldórsson 2, Jónatan Ingi Jónsson 2, Þröstur Þráinsson 2 og Adam Haukur Baumruk 1 mark.
Í marki Hauka varði Giedrius Morkunas 16 skot, þar af eitt vítakast.

Þrátt fyrir allt þá var ýmislegt jákvætt í leiknum, líkt og í Vals leiknum þá var fín spilamennska mestan hluta fyrri hálfleiks og nú þarf bara að ná að halda þeim dampi út allan leikinn. Það bíður ærið verkefni í næstu viku, tveir heimaleikir gegn FH, fyrst í Coca-Cola bikarnum á mánudaginn og síðan í Olís-deildinni á fimmtudaginn.

Tengdar fréttir

Heimir og félagar fá verðugt verkefni í dag

6. febrúar 2014 - Akureyri handboltafélag skrifar

Leikur dagsins: Haukar - Akureyri í beinni útsendingu á Haukar TV




Það verður flautað til leiks í Schenkerhöllinni í Hafnarfirði klukkan 18:00 í dag þar sem Akureyri mætir heimamönnum í Haukum. Haukar hafa ekki verið mjög gestrisnir á heimavelli í vetur og hirt öll stig, utan eitt, sem í boði hafa verið. En einhverntíma verður allt fyrst og við spyrjum að leikslokum í dag.

Samkvæmt frétt á heimasíðu Hauka verður leikurinn sýndur beint á HaukaTV.
Smelltu hér til að fylgjast með útsendingunni.

Við munum reyna að flytja fréttir af gangi leiksins hér á síðunni.


Patrekur Jóhannesson, þjálfari Hauka, tekur stöðuna á sínum mönnum

Það er svo stutt í næstu leiki en Akureyri tekur tvívegis á móti FH í næstu viku. Fyrst á mánudaginn í átta liða úrslitum Coca-Cola bikarsins. Sá leikur verður hér í Íþróttahöllinni á mánudaginn klukkan 19:00 og síðan koma FH-ingar aftur norður fimmtudaginn 13. febrúar en þá mætast liðin í Olís-deildinni. Sá leikur hefst sömuleiðis klukkan 19:00 í Íþróttahöllinni.







Það fæst ekkert gefins á móti Haukum

4. febrúar 2014 - Akureyri handboltafélag skrifar

Akureyri sækir Hauka heim á fimmtudaginn

Það verður ekki ráðist á garðinn þar sem hann er lægstur þegar Akureyri heldur í Hafnarfjörðinn og mætir Haukum, toppliði Olís-deildar karla. Haukarnir hafa verið býsna stöðugir í sínum leik það sem af er, unnið 9 leiki af tólf en einungis tapað tveim.
Í fyrstu umferðinni töpuðu þeir fyrir Valsmönnum, síðan gegn Fram í 3. umferð, gerðu jafntefli við Val í 8. umferð en annars hafa þeir unnið sannfærandi sína leiki býsna sannfærandi.

Helstu markamaskínur Haukanna eru Sigurbergur Sveinsson með 68 mörk, Árni Steinn Steinþórsson 55 mörk, Elías Már Halldórsson 42 mörk og línutröllið Jón Þorbjörn Jóhannsson með 36 mörk. Þar stutt undan eru Tjörvi Þorgeirsson með 28 mörk, Einar Pétur Pétursson 25 mörk og Þórður Rafn Guðmundsson 24 mörk. Enda er það eitt af einkennum Hauka að hópurinn er breiður og þó að einhver sé ekki að finna sig þá tekur bara sá næsti við.

Aðalmarkvörður Hauka er Giedrius Morkunas og samkvæmt tölfræði Morgunblaðsins er hann í öðru sæti með 160 varða bolta í Olís deildinni. Þess má reyndar geta að okkar maður, Jovan Kukobat er í 3. sæti með 158 varða bolta en hefur leikið einum leik færra.

Haukarnir virtust vera að misstíga sig í síðasta leik þar sem þeir mættu ÍR, voru undir í hálfleik en völtuðu síðan yfir ÍR-inga í seinni hálfleik og unnu sannfærandi.

Gengi Akureyrarliðsins var hins vegar þveröfugt í síðustu umferð. Liðið lék glimrandi flottan handbolta fyrstu tuttugu mínútur leiksins gegn Val en átti mjög dapran leik afganginn af leiknum. Það sem liðið sýndi í upphafi leiksins gefur hins vegar von um að liðið geti á góðum degi virkilega látið finna fyrir sér.

Leikur Hauka og Akureyrar hefst klukkan 18:00 í Schenkerhöllinni, fimmtudaginn 6. febrúar.
Við hvetjum stuðningsmenn Akureyrar á höfuðborgarsvæðinu til að bregða sér í Hafnarfjörðinn og styðja strákana í leiknum.

Til baka    Senda á Facebook

Umsjón og hönnun: Stefán Jóhannsson og Ágúst Stefánsson