Warning: Undefined array key "frettanr" in /web/akhandadmin/public_html/index.php on line 15
Æsilegur bikarslagur Akureyrar og FH - Akureyri Handboltafélag
  Fréttir  -  Leikir tímabilsins  -  Leikmenn  -  Stjórn  -  Saga og tölfræði  -  Höllin  -  Lagið  -  Myndir  -  Myndbönd  -  Tenglar
  - Úrvalsdeild karla - Senda skilaboð - Vefur KA - Vefur Þór - Fréttaleit
Fyrri leiktímabil

Tímabilið 2013-14

Leikmenn meistarafl. karla
Úrslit leikja
Deild karla
Ljósmyndir frá leiknum     Textalýsing frá leiknum     Tölfræði leiksins 
    Akureyri - FH  30-32 (12-11)
Coca-Cola bikar karla
Íþróttahöllin
Mán 10. febrúar 2014 klukkan: 19:00
Dómarar: Ingvar Guðjónsson og Þorleifur Árni Björnsson. Eftirlitsdómari Einar Sveinsson
Umfjöllun

Bjarni og Þrándur náðu vel saman í sóknarleiknum



10. febrúar 2014 - Akureyri handboltafélag skrifar

Æsilegur bikarslagur Akureyrar og FH

Áhorfendur fengu svo sannarlega að upplifa spennu og hasar í Höllinni í þegar Akureyri og FH mættust í átta liða úrslitum bikarkeppninnar.
Akureyrarliðið tók öll völd á vellinum í upphafi og komst í 6-1 áður en gestirnir náðu áttum. Heimamenn slökuðu fullmikið á og fór svo að FH-ingar jöfnuðu í 8-8 og komust í kjölfarið tveim mörkum yfir, 9 – 11.

Akureyri náði þó vopnum sínum á ný og síðustu þrjú mörk hálfleiksins tryggði að liðið fór með 12-11 forystu í hálfleik..


Þrándur skoraði sex mörk af línuni í fyrri hálfleik

FH jafnaði með fyrsta marki seinni hálfleiks en Akureyri svaraði með þrem mörkum í röð. Þannig gekk seinni hálfleikur í bylgjum, FH minnkaði muninn í eitt mark en Akureyri jók hann jafnharðan upp í þrjú mörk á ný en náði aldrei að hrista FH-inga almennilega af sér.

Þegar fjórar og hálf mínúta var til leiksloka var staðan 25-22 fyrir Akureyri og trúlega hafa menn talið að leikurinn væri í höfn, sóknin varð bitlítil og einbeitingarleysi í vörninni sem gerði FH kleyft að jafna leikinn í 25-25 og tryggja sér framlengingu.


Barni Fritzson var magnaður í leiknum

Reyndar verður að segjast að tveir afar undarlegir dómar á lokamínútunum komu FH-ingum til hjálpar. Í fyrra skiptið fékk hormamaður þeirra að labba langt inn í vítateig til að sækja bolta sem FH-ingar höfðu klúðrað. Augljóslega lína á leikmanninn en þess í stað hélt FH boltanum, Hreinn Hauksson rekinn útaf og FH fékk mark í sókninni.
Í lokasókn Akureyrar fór sending í fót leikmanns FH og þaðan útaf. Dómararnir dæmdu hinsvegar að FH ætti innkast! – Bæði þessi tilvik fóru framhjá dómurum leiksins en hvert einasta mannsbarni í Höllinni sá hvað gerðist.


Halló dómarar - er ekki í lagi með ykkur?

FH náði undirtökunum í fyrri hluta framlengingarinnar, og varð munurinn mestur fjögur mörk. Það varð fullmikið en Akureyri tóks að minnka þann mun niður í tvö mörk þrátt fyrir að klúðra vítakasti.

FH-ingar fögnuðu sigri en að sama skapi var grátlegt fyrir heimamenn að klára ekki leikinn í venjulegum leiktíma, þeir voru yfir nánast allan tímann og eins og áður segir slæmt að láta FH liðið jafna með þrem síðustu mörkunum í venjulegum leiktíma.

Mörk Akureyrar: Bjarni Fritzson 13 (10 úr vítum), Þrándur Gíslason 7, Valþór Guðrúnarson 5, Andri Snær, Gunnar Þórsson, Heimir Örn Árnason, Kristján Orri Jóhannsson og Sigþór Heimisson 1 mark hver.
Í markinu var Jovan Kukobat með 14 varða bolta, 1 vítakast og Tomas Olason kom í markið í seinni hluta framlengingarinnar og varði tvö skot.

Mörk FH: Magnús Óli Magnússon 6, Ásbjörn Friðriksson 6 (2 úr vítum), Einar Rafn Eiðsson 6 (2 úr vítum), Atli Rúnar Steinþórsson 4, Ragnar Jóhannsson 4, Valdimar Fannar Þórsson 3, Ísak Rafnsson 2, Benedikt Reynir Kristinsson 1.

Í heildina var þetta einn besti leikur Akureyrarliðisins lengi, Bjarni Fritzson og Þrándur Gíslason frábærir. Valþór og Sigþór sömuleiðis ágætlega ógnandi. Vörnin var lengst af grimm, flott barátta og sóknarleikurinn fjölbreyttari en í síðustu leikjum.

En bikarævintýri Akureyrar er úti þetta árið, sömu lið mætast aftur í Olís-deildinni næstkomandi fimmtudagskvöld, klukkan 19:00 og þá getur allt gerst.

Tengdar fréttir

Kristján Orri verður í eldlínunni í dag

10. febrúar 2014 - Akureyri handboltafélag skrifar

Leikur dagsins: Akureyri – FH í Coca-Cola bikarnum



Það má segja að það verði leikið upp á líf eða dauða í Íþróttahöllinni í kvöld þegar Akureyri og FH mætast í átta liða úrslitum Coca-Cola bikarsins. Það er einfaldlega þannig að tap í bikarleik þýðir að þátttöku tapliðsins í keppninni er lokið.

Það hefur verið fastur liður undanfarin sex ár að Akureyri og FH hafa mæst í bikarkeppninni og þó aldrei í úrslitaleik keppninnar og ljóst að það gerist ekki heldur í ár.

Stemmingin í bikarleikjum er alltaf sérstök enda mikið undir og hefur staða liða í deildarkeppninni lítið forspárgildi um gengi liðanna þegar út á völlinn er komið. Liðin mættust einnig hér í Höllinni fyrir ári síðan í 8-liða úrslitum bikarsins og hafði Akureyri verið líkt og nú í ströggli í deildinni. Þeir létu það þó ekkert á sig fá og unnu verðskuldaðan sigur 30-26 eftir að FH hafði leitt í hálfleik 13-14.


Jovan Kukobat ver víti frá Ásbirni Friðrikssyni í bikarleiknum í fyrra

FH-ingar mæta án efa dýrvitlausir í leikinn til að hefna fyrir bikarleikinn í fyrra þannig að við getum lofað frábærri skemmtun í Höllinni. Leikið er til þrautar í bikarnum eins og kom glögglega í ljós í gærkvöldi þegar 1. deildarlið Aftureldingar lagði spútniklið ÍBV í tvíframlengdum leik í Mosfellsbæ og tryggði sig þar með inn í fjögurra liða úrslitin.

Leikurinn hefst klukkan 19:00 og það er rétt að minna á að Stuðningsmannaskírteinin gilda ekki á bikarleiki, því þurfa allir að greiða inn á leikinn. Sama verð er á leikinn og deildarleiki, 1.500 kr fyrir fullorðna en 500 fyrir 15 ára og yngri.


Til baka    Senda á Facebook

Umsjón og hönnun: Stefán Jóhannsson og Ágúst Stefánsson