Warning: Undefined array key "frettanr" in /web/akhandadmin/public_html/index.php on line 15 Lélegur fyrri hálfleikur varð Akureyri að falli - Akureyri Handboltafélag
Dómarar: Gísli Jóhannsson og Hafsteinn Ingibergsson. Eftirlitsdómari Kristján Halldórsson
Umfjöllun
Tengdar fréttir
Til hamingju með daginn Andri Snær
18. apríl 2014 - Akureyri handboltafélag skrifar
Glæsimark Andra Snæs gegn Fram - myndband
Við komumst yfir myndband af glæsilegu marki Andra Snæs Stefánssonar úr leik Fram og Akureyrar í Olísdeild karla þann 13. mars síðastliðinn. Það er ekki úr vegi að smella því hér á síðuna í dag þar sem Andri Snær á einmitt afmæli í dag, 18. apríl. Markið er eiginlega sirkusmark í upphafi leiks eftir magnaða sendingu markvarðarins Jovans Kukobat yfir allan völlinn.
Myndbandið er tekið úr beinni útsendingu RÚV frá leiknum og hlýtur að teljast eitt af mögnuðustu mörkum tímabilsins.
Andri segir menn ætla að klára tímabilið með stæl
14. mars 2014 - Akureyri handboltafélag skrifar
Hvað sögðu menn eftir leik Fram og Akureyrar?
Blaðamenn Morgunblaðsins og visir.is tóku leikmenn og þjálfara liðanna tali eftir leikinn í Framheimilinu á fimmtudagskvöldið.
Andri Yrkill Valsson tíðindamaður Morgunblaðsins ræddi við leikmennina Andra Snæ Stefánsson og Ólaf Jóhann Magnússon. Lengri útgáfa viðtalanna eru í myndskeiðunum á eftir.
Andri Snær: Leiðinleg rútuferð framundan
Andri Snær Stefánsson í liði Akureyrar var hundsvekktur eftir ósigurinn gegn Fram í kvöld, 25:21, en möguleikar þeirra um sæti í úrslitakeppninni eru nú nánast úr sögunni. Það var fyrst og fremst lélegur fyrri hálfleikur sem felldi liðið, en Fram var yfir að honum loknum, 18:10.
„Við vorum sjálfum okkur verstir. Við vorum átta mörkum undir í hálfleik og nánast töpuðum leiknum í fyrri hálfleik með ömurlegri frammistöðu. Varnarlega vorum við í einhverju djóki og við erum hreinlega aular. Við lögðum þetta upp sem úrslitaleik fyrir okkur til að vera með í baráttunni en nú verður það ansi erfitt, það verður að segjast alveg eins og er,“ sagði Andri Snær við mbl.is eftir leikinn, en hann var aðeins laskaður eftir leikinn eins og sjá má. En hvað klikkaði í fyrri hálfleik?
„Við misstum hausinn voða auðveldlega og vorum alltof fljótir að brotna. Ég hélt við værum hættir að gera þetta. Þetta var engan veginn í takt við það sem við höfum gert undanfarið og því miður er leiðinleg rútuferð framundan,“ sagði Andri Snær.
„Það eru fjórir leikir eftir og við ætlum að klára þetta eins og menn. Við ætlum okkur að klára þetta tímabil með sóma og kassann uppi, reyna að hafa gaman af þessu,“ sagði Andri Snær og sagði liðið ætla að reyna að brjótast í gegnum Öxnadalsheiðina, en nánar er rætt við hann í meðfylgjandi myndskeiði.
Ólafur: Þori ekki að tala um úrslitakeppni
Ólafur Jóhann Magnússon átti fínan leik fyrir Fram sem lagði hans gömlu félögum í Akureyri í kvöld, 25:21, og er enn í harðri baráttu um sæti í úrslitakeppninni.
„Þetta skilur okkur nánast frá þeim. Það þarf allt að ganga upp hjá þeim og allt á afturfótunum hjá okkur svo þeir nái okkur. Þetta kemur okkur í sterka stöðu gagnvart fallsvæðinu,“ sagði Ólafur Jóhann við mbl.is eftir leik. Hann viðurkenndi að það er aðeins sætara en ella að vinna sína gömlu félaga.
„Jú að sjálfsögðu. Það er gaman að vinna alla handboltaleiki en kannski aðeins sætara gegn þeim,“ sagði Ólafur. Hann var hins vegar varkár í svörum þegar talið barst að úrslitakeppninni þar sem Fram á sem kunnugt er titil að verja.
„Ég þori eiginlega ekki að tala um það því um leið og við minnumst á eitthvað á það þá yfirleitt skíttöpum við næsta leik. Við höfum því ekki efni á því að tala um þessa úrslitakeppni, við skulum orða það þannig,“ sagði Ólafur Jóhann, en nánar er rætt við hann í meðfylgjandi myndskeiði.
Eiríkur Stefán Ásgeirsson blaðamaður visir.is ræddi við þjálfarana Heimi Örn Árnason og Guðlaug Arnarson svo og Sigfús Pál Sigfússon leikmann Fram:
Heimir Örn: Of mörg mistök í sókninni
Heimir Örn Árnason, annar þjálfara Akureyringa, var ókátur með að fínn síðari hálfleikur hafi ekki skilað meiru en raunin varð í kvöld. „Það var afskaplega klaufalegt að komast ekki nær og ömurlegt að sjá menn fara ekki af krafti í gegnumbrotin fyrr en það voru 6-7 mínútur eftir. Ég veit ekki af hverju þetta kom ekki miklu fyrr,“ sagði Heimir.
„Elías lék okkur grátt þá,“ sagði hann um fyrri hálfleikinn. „Þá myndaðist mikið óöryggi í vörninni og við náðum okkur ekki á strik. En svo tókum við hann og Siffa úr umferð og sú leikáætlun gekk upp. En mistökin í sóknarleiknum voru allt of mörg - þetta var mjög lélegt.“
Hann segist þó enn halda í vonina um að sleppa við umspilið í vor - „þetta flókna umspil sem enginn skilur,“ eins og Heimir orðaði það sjálfur. „Það fer bara eftir úrslitum kvöldsins. Það eru fleiri lið í vandræðum og við getum haft betur í innbyrðisviðureignum gegn nokkrum liðum ef það kemur til þess. En það fer alveg að detta í síðasta séns hjá okkur. Við eigum næst heimaleik gegn Val og það verður síðasti úrslitaleikurinn, býst ég við.“
Heimir Örn gefur Halldóri Loga heilræði
Guðlaugur: Elías sýndi hvað hann getur
Guðlaugur Arnarsson, þjálfari Fram, var vitanlega hæstánægður með að hafa unnið sigur á hans gömlu félögum í liði Akureyrar. Eftir góðan fyrri hálfleik náðu þó Akureyringar að komast nálægt því að jafna metin í þeim síðari.
„Þeim tókst að hleypa leiknum upp og ég var tilbúinn með leikhlé hefðu þeir náð að minnka muninn í tvö mörk. Þá hefðum við þurft að gera eitthvað,“ sagði Guðlaugur eftir leikinn. „En þeir náðu að koma okkur algjörlega á óvart.“
Hann var að vonum afar ánægður með fyrri hálfleikinn. „Við spiluðum virkilega vel, bæði í vörn og sókn. Við náðum til dæmis að leysa bæði 6-0 og 5-1 varnirnar þeirra. Þá var ég líka virkilega ánægður með innkomu ungu strákanna,“ sagði Guðlaugur og var heilt yfir ánægður með varnarleikinn í kvöld. „Svo var Elías virkilega góður í sókninni í fyrri hálfleik. Við höfum verið að kalla eftir þessu hjá honum í allan vetur og hann sýndi hvað hann getur gert.“
Guðlaugur hefur þó ekki áhyggjur af þeirri staðreynd að lítið gekk í sóknarleiknum eftir að þeir Elías og Sigfús Páll voru teknir úr umferð. „Við höfum lent í þessu áður og náð að leysa það. En það tókst ekki í kvöld og skrifa ég það á stress. Við vorum of fljótir að taka ákvarðanir og það vantaði þolinmæði. Við getum lært heilmikið af þessu.“
„Nú er annar úrslitaleikur fram undan - það verður gegn FH hér heima. Við tökum bara einn leik fyrir í einu og teljum svo upp úr kössunum í lokin. En við ætlum okkur að sjálfsögðu að komast í úrslitakeppnina,“ sagði Guðlaugur.
Guðlaugur segir sínum mönnum til
Sigfús Páll: Svolítið eins og tap
„Mér líður svolítið eins og við hefðum tapað leiknum. En sem betur fer spiluðum við frábærlega í fyrri hálfleik og það skilaði þessu í kvöld,“ sagði leikstjórnandinn Sigfús Páll Sigfússon sem var tekinn úr umferð allan síðari hálfleikinn í kvöld, ásamt Elíasi Bóassyni. „Vörnin hélt líka allan tímann og það skipti máli.“
Framarar skoruðu aðeins tvö mörk úr opnu spili lengst af í síðari hálfleik en náðu samt að vinna leikinn. „Þeir komu okkur á óvart með að taka tvo út - tvo minnstu mennina á vellinum. Við vorum ekki undirbúnir fyrir það.“
„En sigurinn var mjög góður og ég held að það sé óhætt að fullyrða að við sleppum við þetta sjöunda sæti með þessum sigri. Það var líka gott að vinna sigur hér á heimavelli - við þurfum að verja hann eins og við getum.“
Sigfús lenti í hrömmunum á Hreini Haukssyni. Mynd: Vísir/Stefán
Alltaf hörkuleikir í Safamýrinni
13. mars 2014 - Akureyri handboltafélag skrifar
Leikur dagsins: Fram – Akureyri í beinni á RÚV
Akureyri heldur suður í dag og mætir Fram í Safamýrinni. Fjórum stigum munar á liðunum og getur Akureyri því blandað sér allverulega í slaginn um sæti í úrslitakeppninni með sigri. Þetta er því sannarlega stórleikur og við hvetjum alla sem geta til að mæta í Framhúsið á fimmtudaginn.
Þeir sem vilja fylgjast með útsendingunni hjá RÚV geta smellt hér. Leikurinn hefst klukkan 18:00 en útsendingin klukkan 15:45. Liðin hafa mæst tvisvar á tímabilinu Akureyri vann fyrsta leikinn sem var í Íþróttahöllinni með sjö marka mun, 25-18 en Fram vann eins marks sigur þegar liðin mættust í Safamýrinni, 23-22. Menn voru ekki par sáttir í lokin á þeim leik því á síðustu andartökunum komst Heimir í gegnum Fram vörnina og í opið færi þar sem brotið var á honum. Framarinn brotlegi var rekinn af velli en af einhverjum undarlegum ástæðum dæmdu dómararnir einungis aukakast sem skilaði ekki miklu. Það hefði verið dýrmætt að ná stigi í þeim leik enda flestir sammála um að jafntefli hefðu verið sanngjörn úrslit.
En það er of seint að fást um það núna en þess í stað mikilvægt að sækja bæði stigin úr leiknum á fimmtudaginn og færast þannig nær næstu liðum en sigur myndi auk þess þýða hagstæðari stöðu innbyrðis gegn Fram, sem gæti reynst dýrmætt þegar upp verður staðið.
Fram liðið hefur verið nokkuð sveiflukennt í vetur, náð frábærum úrslitum en misstigið sig inn á milli. Þannig unnu Framarar báða heimaleikina gegn Haukum en töpuðu reyndar útileiknum á Ásvöllum. Fram vann báða leikina gegn Val með einu marki en öllum á óvart þá tapaði Fram gegn HK í Digranesinu. Í síðustu umferð tapaði Fram fyrir ÍBV í Eyjum þar sem Arnar Freyr Ársælsson var þeirra markahæstur með 6 mörk en í umferðinni þar á undan unnu þeir einmitt sigur á Haukum þar sem línumaðurinn Garðar Benedikt Sigurjónsson var markahæstur, sömuleiðis með 6 mörk.
Garðar og Þrándur Gíslason á flugi í Höllinni í haust
Garðar Benedikt Sigurjónsson er einmitt markahæstur Framara í deildinni með 75 mörk en síðan koma hornamennirnir Stefán Baldvin Stefánsson með 52 mörk og Ólafur Jóhann Magnússon með 43 mörk. Þar á eftir eru skytturnar Stefán Darri Þórsson með 38 stykki og Sveinn Þorgeirsson með 36 mörk. Einn af lykilmönnum Fram liðsins er síðan leikstjórnandinn, Sigfús Páll Sigfússon, sem hefur reynst mörgum erfiður í gegnum tíðina. Aðalmarkvörður Framara er Daninn Stephen Nielsen sem hefur átt mjög gott tímabil og með honum er Svavar Már Ólafsson.
Varla þarf að minna á að þjálfari Fram er Guðlaugur Arnarsson sem er okkur Akureyringum að góðu kunnur og skilaði góðu starfi með Akureyrarliðinu undanfarin ár. Einnig er rétt að rifja upp að hægri hornamaður Framara, hinn rétthenti Ólafur Jóhann Magnússon er uppalinn Akureyringur og varð Íslandsmeistari með 2. flokki Akureyrar vorið 2012.
Þrándur kominn framhjá Ólafi Jóhanni í fyrsta leiknum í haust
Akureyrarliðið hefur að sjálfsögðu fullan hug á að fylgja eftir sigrinum á ÍR í síðustu viku þannig að það stefnir allt í hörkuleik á fimmtudaginn. Að sjálfsögðu eru allir stuðningsmenn liðsins á höfuðborgarsvæðinu hvattir til að fjölmenna á leikinn og taka duglega á því með strákunum. Þeim sem komast ekki á leikinn er bent á að RÚV ætlar að sýna leikinn í beinni útsendingu á íþróttarásinni (RÚV Íþr) og hefst útsending klukkan 17:45 en leikurinn sjálfur klukkan 18:00.
Úrvalsdeild karla
Senda skilaboð
Vefur KA
Vefur Þór
Fréttaleit
Myndband frá leiknum 
Tölfræði leiksins 
Andri Yrkill Valsson tíðindamaður Morgunblaðsins ræddi við leikmennina Andra Snæ Stefánsson og Ólaf Jóhann Magnússon. Lengri útgáfa viðtalanna eru í myndskeiðunum á eftir. 
Senda á Facebook