Tap gegn Íslandsmeisturum ÍBV - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Tap gegn Íslandsmeisturum ÍBV - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2014-15

Leikmenn meistarafl. karla

Tölfræði leiksins

		ÍBV - Akureyri 28-20 (14-7)
		Olís deild karla
		Vestmannaeyjar
		Lau 6. desember 2014 klukkan: 15:00
		Dómarar: Magnús Kári Jónsson og Ómar Ingi Sverrisson

Umfjöllun


Tomas lokaði markinu seinni hluta fyrri hálfleiks		7. desember 2014 - Akureyri handboltafélag skrifar Tap gegn Íslandsmeisturum ÍBV Akureyri sótti ekki gull í greipar Eyjamanna í gær þegar liðin mættust í Olís-deildinni. ÍBV tók leikinn í sínar hendur strax frá upphafi og gekk Akureyringum bölvanlega að brjóta vörn þeirra á bak aftur. Sóknarmenn heimamenna létu ekki sitt eftir liggja og skoruðu tvö mörk fyrir hvert mark Akureyringa þannig að staðan í hálfleik var 14-7 fyrir ÍBV. Tomas Olason átti erfitt uppdráttar framan af hálfleiknum en hrökk heldur betur í gang seinni hlutann og bjargaði því að staðan var ekki enn verri. Tomas varði ein tíu skot á lokakafla hálfleiksins, þar á meðal vítakast. Sama var uppi á teningunum í seinni hálfleik og Vestmanneyingar náðu mest tólf marka forystu, 27-15. Þá kom Bjarki Símonarson í markið og átti glæsilega innkomu. Akureyri klóraði í bakkann með fimm mörkum í röð en því miður kom sá kafli of seint. ÍBV skoraði lokamark leiksins sem lauk með átta marka sigri, 28-20. Ljósi punkturinn í leiknum voru góðir sprettir markvarðanna en annars fór flest úrskeiðis. Tvívegis misti liðið mann af velli vegna mistaka við innáskiptingar sem var kannski lýsandi fyrir vandræðaganginn. Mörk Akureyrar: Kristján Orri Jóhannsson 7 (4 úr vítum), Heimir Örn Árnason 3, Þrándur Gíslason 3, Elías Már Halldórsson 2, Halldór Logi Árnason 2, Bergvin Þór Gíslason, Heiðar Þór Aðalsteinsson og Jón Heiðar Sigurðsson 1 mark hver. Tomas Olason stóð lengst af í markinu og varði 16 skot, þar af eitt vítakast. Bjarki Símonarson stóð í markinu lokahluta leiksins og varði 8 skot. Framundan er bikarleikur gegn Fjölni næstkomandi þriðjudagskvöld og síðan langþráður heimaleikur laugardaginn 13. desember gegn Fram.


Tengdar fréttir
Textalýsingar í boði		6. desember 2014 - Akureyri handboltafélag skrifar ÍBV - Akureyri í textalýsingu á Visir og Mbl Því miður höfum við ekki tök á að vera með okkar eigin textalýsingu frá Vestmannaeyjum í dag en bendum hér á textalýsingu visir.is sem opnast hér í sérstökum glugga. Einnig er mbl.is með textalýsingu frá leiknum, sjá hér.


Það verður mikið undir í Eyjum		5. desember 2014 - Akureyri handboltafélag skrifar Akureyri mætir til Vestmannaeyja á laugardaginn Það er óhætt að segja að það sé mikilvægur leikur sem bíður Akureyrar liðsins á morgun, laugardag þegar liðið heldur til Vestmannaeyja. Liðin mættust í gríðarlegum baráttuleik hér í Höllinni fyrr í haust þar sem lukkan varð á bandi Vestmannaeyinga sem fóru með eins marks sigur, 32-33 eftir mikla spennu. Leikurinn hefst klukkan 15:00 á laugardaginn, trúlega verðum við að treysta á textalýsingar visir.is og mbl.is frá leiknum, ekki er vitað til að beinar sjónvarpsútsendingar verði frá leiknum.


Jón Heiðar snýr aftur!		1. desember 2014 - Akureyri handboltafélag skrifar Jón Heiðar kallaður til baka úr láni - með gegn ÍBV Mikil meiðsli hafa hrjáð leikmannahóp Akureyrar Handboltafélags að undanförnu. Nú hefur verið brugðið á það ráð að kalla Jón Heiðar Sigurðsson til baka úr láni en Jón Heiðar hefur verið að spila með liði Hamranna í 1. deildinni að undanförnu. Það er ljóst að fyrsti leikur Jóns Heiðars með Akureyri eftir lánsdvölina verður gegn Íslandsmeisturum ÍBV í Vestmannaeyjum næstkomandi laugardag og verður gaman að sjá drenginn aftur í svörtu Akureyrartreyjunni. Velkominn aftur Jón Heiðar! Þess má geta að Jón Heiðar var búinn að spila glimrandi vel fyrir Hamrana þennan stutta tíma sem hann fékk með liðinu en hann lék 4 leiki fyrir liðið og skoraði í þeim 27 mörk, geri aðrir betur!

Til baka Senda á Facebook

Umsjón og hönnun: Stefán Jóhannsson og Ágúst Stefánsson

web statistics