Öruggur sigur á HK í fyrsta leik - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Öruggur sigur á HK í fyrsta leik - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2014-15

Leikmenn meistarafl. karla

Ljósmyndir frá leiknum

Textalýsing frá leiknum

Tölfræði leiksins

		HK - Akureyri 21-25 (9-13)
		Olís deild karla
		Digranes
		Fim 18. sept 2014 klukkan: 19:30
		Dómarar: Bjarki Bóasson og Gunnar Óli Gústafsson. Eftirlit Þorlákur Kjartansson

Umfjöllun


Tomas byrjaði með látum í markinu		19. september 2014 - Akureyri handboltafélag skrifar Öruggur sigur á HK í fyrsta leik HK og Akureyri mættust í gærkvöldi í sínum fyrsta leik í Olís-deildinni. Bæði lið mættu nokkuð breytt til leiks frá því í fyrravor og því var spenna í loftinu að sjá hvernig liðin litu út. Guðni Már Kristinsson sem kom til HK frá ÍR var allt í öllu hjá heimamönnum. Eftir 10 mínútna leik var jafnt, 3-3 og hafði Guðni Már skorað öll mörk heimamanna. Hér skildu leiðir og Akureyri tók leikinn í sínar hendur. Munurinn varð mestur átta mörk, 4-12 en HK klóraði í bakkann og náði að minnka muninn niður í fjögur mörk fyrir hálfleik, 9-13. Akureyrarliðið lék afar vel, jafnt í vörn sem sókn og Tomas Olason í banastuði í markinu. Sverre og Ingimundur fóru fyrir varnarleiknum Akureyri hóf seinni hálfleikinn af krafti, skoruðu fyrstu þrjú mörkin og hélt öruggri forystu sem líkt og í fyrri hálfleik varð mest átta mörk 13-21 og 14-22 þegar tólf mínútur voru til leiksloka. Á lokamínútunum leystist leikurinn upp og töluvert um mistök á báða bóga, eða jafnvel alla bóga því dómarar leiksins gerðu einnig töluvert af mistökum sem Akureyrarliðið var ekki sátt við. Slepptu augljósu víti, vafasamir brottrekstrar svo eitthvað sé nefnt. Á lokasekúndum leiksins var mikil dramatík, brotið var á Kristjáni Orra í hraðaupphlaupi en ekkert dæmt en í staðinn skoraði HK úr hraðaupphlaupi og í leiðinni fékk Brynjar Hólm Grétarsson beint rautt spjald. Brynjar Hólm kom heldur betur við sögu í leiknum Sigur Akureyrar var síst of stór, varnarleikurinn sterkur og margt fínt í sóknarleiknum, eitthvað vantaði reyndar upp á einbeitinguna því að aragrúi dauðafæra fór forgörðum, jafnt úr hraðaupphlaupum sem af línunni, en allir sáttir við góð tvö stig í hús. Tomas Olason átti stórleik í markinu. Myndir: visir.is Mörk Akureyrar: Kristján Orri Jóhannsson 7, Brynjar Hólm Grétarsson 5, Elías Már Halldórsson 3, Þrándur Gíslason 3, Heiðar Þór Aðalsteinsson 2, Ingimundur Ingimundarson 2, Andri Snær Stefánsson 1, Halldór Logi Árnason 1, Sigþór Árni Heimisson 1. Tomas Olason var frábær í markinu, varði 19 skot og þar af 1 vítakast og verðskuldar að vera útnefndur maður leiksins. Mörk HK: Guðni Már Kristinsson 8, Óðinn Þór Ríkharðsson 3, Leó Snær Pétursson 3, Tryggvi Þór Tryggvason 2, Þorkell Magnússon 2, Þorgrímur Smári Ólafsson 2, Aron Gauti Óskarsson 1. Lárus Helgi Ólafsson stóð í marki HK manna og átti góðan leik.


Tengdar fréttir
Heimir þokkalega sáttur		19. september 2014 - Akureyri handboltafélag skrifar Viðtöl við Heimi og Bjarka, eftir leikinn í gær Á sport.is fundum við þessi viðtöl Þorsteins Hauks Harðarsonar við Heimi Örn Árnason, þjálfara Akureyrar og Bjarka Sigurðsson sem tók við HK liðinu fyrir þetta tímabil. Heimir Örn: Þetta var skítsæmilegt Heimir Örn Árnason, þjálfari Akureyringa, sagði að liðið hefði getað gert eitt og annað betur þrátt fyrir sigur gegn HK í kvöld. Bjarki Sigurðsson: Sóknin brást okkur í dag Bjarki Sigurðsson, þjálfari HK, gat séð eitt og annað jákvætt í leik sinna manna þrátt fyrir tap.


Akureyri byrjar baráttuna á útivelli		18. september 2014 - Akureyri handboltafélag skrifar Olís-deildin byrjar í dag, útileikur gegn HK Nú er loksins komið að því að handboltavertíðin hefjist fyrir alvöru. Akureyrarliðið mætir HK í fyrsta leik í Digranesi klukkan 19:30 í dag. Það bíða allir spenntir eftir að sjá hvernig Akureyrarliðið kemur undan sumri en sem kunnugt er þá hafa orðið töluverðar breytingar á liðinu frá því í vor. Við gerum ráð fyrir að verða með beina textalýsingu á leiknum hér á heimasíðunni. Það er svo stutt í næsta leik, sem er einnig útileikur gegn Haukum í Hafnarfirði strax á sunnudaginn. En fyrsti heimaleikurinn er næstkomandi fimmtudag gegn Stjörnunni.

Til baka Senda á Facebook

Umsjón og hönnun: Stefán Jóhannsson og Ágúst Stefánsson

web statistics