Dómarar: Gísli Hlynur Jóhannsson og Hafsteinn Ingibergsson
Umfjöllun
Tengdar fréttir
Tíu mínútna kafli reyndist dýrkeyptur
9. mars 2015 - Akureyri handboltafélag skrifar
Viðtöl eftir leik Akureyrar og Vals í gær
Við höldum áfram að tína til viðtöl við þjálfara og leikmenn. Byrjum á Einari Sigtryggssyni, blaðamanni mbl.is sem ræddi við Atla Hilmarsson og Orra Frey Gíslason:
Atli Hilmarsson:Hann lokaði markinu
Atli Hilmarsson, þjálfari Akureyringa, var þokkalega sáttur með leik sinna manna þrátt fyrir sex marka tap þeirra gegn Valsmönnum í Olís-deild karla í dag. Leikurinn var mjög jafn lengstum en Valsmenn áttu góðan endasprett og unnu að lokum 20:26.
„Við vorum inni í leiknum alveg þar til í restina. Staðan var 18:18 og tólf mínútur eftir. Þá kom Stephen inn í markið hjá þeim og bara lokaði því. Við vorum að skapa færin, það vantaði ekki, en mörkin vantaði. Ég er virkilega ánægður með baráttuna í liðinu. Við vorum mikið út af í seinni hálfleik en héldum leiknum jöfnum.
Fyrri hálfleikurinn var ekki alveg nógu góður þar sem við gáfum Valsmönnum mörg ódýr mörk með því að missa boltann. Við náðum samt að vinna það til baka og eins og ég segi þá var þetta fínt í 48 mínútur. Eftir það klikka menn á færunum og Valur klárar leikinn. Við erum ekkert öruggir með neitt í deildinni enda eru fimm leikir eftir. Næsti leikur er gegn HK og hann er stórhættulegur. Við erum með marga menn í meiðslum og erum í miklu veseni. Menn gefa samt allt í þetta og ég verð að vera ánægður með það.“
Atla er svo sannarlega vorkunn þar sem helmingur liðsmanna er að glíma við allskyns mein. Ólíkt öðrum þjálfurum má afskrifa það með öllu að gamla stórskyttan taki fram skóna og verði til taks með liði sínu í næstu leikjum.
Það er ýmislegt sem þjálfarinn þarf að hyggja að á meðan leik stendur
Orri Freyr: Hefur ekkert með brotthvarf Óla að gera
Orri Freyr Gíslason var að vanda í hjarta Valsvarnarinnar. Þótti tíðindum sæta að Orri Freyr hékk inni á vellinum allan leikinn. Í tveimur fyrri viðureignum liðanna á Akureyri í vetur hafði hann fengið rautt spjald vegna þriggja brottrekstra. Í leiknum í dag voru brottrekstrarnir þegar orðnir tveir eftir 17 mínútur og stefndi því í þriðja rauða spjaldið hjá Orra Frey. Kappinn slakaði nú lítið á eftir það en náði að halda sér réttum megin við lögin til loka. Að sjálfsögðu þurfti að spyrja Orra Frey nánar út í þetta afrek sitt. „Ég missi mig alltaf eftir langa setu í rútu svo ég á það til að sleppa mér. Kannski er þetta líka bara út af því að mér líður alltaf svo vel úti á landi. Það er alltaf gaman að spila hér en síðast náði ég ekki að klára fyrri hálfleikinn og var fulltæpur í dag.
Við erum með 100% árangur gegn Akureyri í vetur og gengið hefur verið gott á þessu ári. Við ætlum bara að halda því áfram. Við misstum af bikarnum og viljum því taka næsta titil sem er í boði, að vinna deildina. Nú eru það Fram og Haukar í næstu tveimur leikjum og eftir þá sjáum við betur hvar við stöndum.“
Orri var einnig spurður um hamskipti liðsins en Valsmenn hafa hreinlega blómstrað eftir að Ólafur Stefánsson hvarf frá þjálfun liðsins. „Við vorum brokkgengir í fyrra en það var bara tímaspursmál hvenær þessi hópur myndi smella saman og hefur ekkert með brotthvarf Óla að gera. Nú erum við líka með meiri breidd og höfum fyllt skynsamlega inn í hópinn og þétt hann. Nú má segja að það séu tveir menn um hverja stöð,“ sagði varnarjaxlinn að lokum.
Orri Freyr féll í gólfið eftir viðskipti við Halldór Loga Árnason á línunni
Þá liggur leiðin til Birgis H. Stefánssonar á visir.is sem einnig ræddi við Atla Hilmarsson auk þess sem hann ræddi við Guðmund Hólmar Helgason svo og Óskar Bjarna, þjálfara Vals:
Atli Hilmarsson: Það vantaði smá trú
„Við erum dálítið mikið útaf á þessum kafla,“ sagði Atli Hilmarsson strax eftir leik þegar hann var spurður að því hvað gerðist eftir að staðan var 18-18 í leiknum.
„Stephen kemur svo einnig í markið og hreinlega lokar því. Við vorum að fá færi en að skjóta mjög illa og gerðum okkur erfitt fyrir að vera manni færri.“
20-26 hugsanlega ekki alveg rétt mynd af leiknum sem var jafn og spennandi að mestu. „Já, ég er nokkuð sammála því. Við vorum að spila heilt yfir nokkuð vel. Ég hefði viljað aðeins meiri hug og menn hefðu viljað þetta meira. Það vantaði aðeins smá trú á því að menn gætu þetta fannst mér en að 18-18 var þetta mjög fínt.“
Þið eruð í nokkuð þéttum pakka þarna fyrir miðri deild þar sem stigin skipta miklu máli. „Það er rétt, við þurfum að huga að því að ná í stig. Við erum ekki enn komnir í þessa úrslitakeppni, verðum að halda áfram að bæta okkar leik og koma okkur í stand fyrir úrslitakeppnina. Það eru fimm leikir enn eftir og okkar næsti leikur er útileikur gegn HK sem gæti virkað auðveldur á pappírum en við verðum að vera fullir einbeitningar ef við ætlum okkur að taka þann leik.“
Guðmundur Hólmar: Guðni liðsstjóri er búinn að bakka mig vel upp
„Ég er nokkuð sáttur bara,“ sagði Guðmundur Hólmar Helgason nokkuð kátur eftir leik með kjötkörfu í fanginu sem hann fékk í verðlaun fyrir það að vera maður leiksins með átta mörk skoruð. „Það er glæsilegt að koma hingað norður að taka tvö stig.“
Síðustu tveir leikir þessara liða hafa sigrast á seiglu undir lok leiks, er það planið? „Það er ekkert planið þannig lagað, við erum hugsanlega með aðeins meiri breidd og náum að notfæra okkur það þegar líður á leikinn og jafnvel draga aðeins af þeim. Það er mjög erfitt að koma hingað norður og taka tvö stig þannig að ég bara bara virkilega ánægður með að það hafi tekist í dag.“
Hvað með þína eigin frammistöðu, sáttur með hana? „Já, Guðni liðsstjóri er búinn að bakka mig vel upp og græja þetta vel fyrir okkur. Hann á svona sirka 50% af mínum leik í dag hann Guðni liðsstjóri, landsliðs-liðsstjóri.“
Guðmundur Hólmar var valinn maður Valsliðsins
Óskar Bjarni: Vorum eiginlega bestir hér í fyrstu umferð
„Við vorum samt eiginlega bestir í fyrstu umferðinni,“ sagði Óskar Bjarni Óskarsson þjálfari Vals þegar hann var spurður út í síðustu tvo sigra Valsmanna fyrir norðan sem hafa sigrast á seiglu og dugnaði.
„Við erum búnir að spila við þá þrisvar hér á þessum skemmtilega heimavelli og ég er mjög ánægður með það, stoltur af því að sigra þá þrisvar hér því það er ekki auðvelt. Við vorum ekki alveg nægilega góðir varnarlega í dag en sóknin steig upp í seinni hálfleik og vörnin small hér síðustu 15-20 mínúturnar og Stephen góður undir lokin.“
Í síðasta leik þessara liða fékk Orri Freyr Gíslason rautt fyrir þrár brottvísanir og var kominn með tvær eftir um korter í þessum leik, fór smá hrollur um þið á bekknum? „Já, ég verð að viðurkenna að ég bjóst alveg við því og var farinn að hugsa það að hann væri að fara að fá þrisvar tvær. En við höfum lent aðeins í skakkaföllum síðan við hittumst síðast, Kári, Alexander og Atli hafa verið að koma aðeins meira inn í varnarleikinn og við erum því komnir með meiri breidd eins og er.“
Óskar Bjarni kíkir í fræðibækurnar
Á vefnum sport.is eru viðtöl við Sverre Andreas Jakobsson og Óskar Bjarnason, það er nokkuð ljóst að það er Siguróli Magni Sigurðsson sem tekur viðtölin:
Sverre: Þetta er saga vetrarins
Sverre Jakobsson, spilandi aðstoðarþjálfari Akureyrina, var skiljanlega svekktur með tapið gegn Val í dag. Hann ræddi við okkar mann fyrir norðan eftir leikinn „Þetta var hörkuleikur í tæpar 50 mínútur en þeir sigldu fram úr í lokin. Það mátti sjá ákveðna framför hjá okkur en við erum sárir og svekktir með tap á heimavelli,“ sagði Sverre eftir leikinn. Aðspurður um hvort liðið ætlaði sér ekki að reyna að klifra upp töfluna í lokaleikjunum stóð ekki á svari. „Ég get bara svarað þessu með einu stóru Já-i. Það eru fimm hörkuleikir eftir og engin leikur verður auðveldur. Við stefnum á að ná sem bestu sæti fyrir úrslitakeppnina. Þegar þangað er komið er svo spurning um að toppa á réttum tíma.“
Sverre hefur tekið hvolpa tvo, Kára Kristján og Guðmund Hólmar
Óskar Bjarni: Nú, það er bara þannig
Óskar Bjarni Óskarsson, þjálfari Vals, var ánægður með sigur sinna manna gegn Akureyringum í kvöld. Hann ræddi við Sport.is eftir leikinn.
„Þetta eru frábær tvö stig. Þetta er einn skemmtilegasti heimavöllurinn að spila á svo ég er mjög ánægður.“ sagði Óskar Bjarni eftir leikinn. Aðspurður um framhaldið á mótinu sagði Óskar:„Ég er ekki alveg klár á því hvað það eru margir leikir eftir. Ég hef ekki spáð almennilega í það. Ég veit bara að ég mæti Fram á fimmtudag.“
Þegar honum var svo tjáð í viðtalinu að búið væri að loka Holtavörðuheiðinni og Valsmenn ættu langt ferðalag fyrir höndum varð Óskar hissa. „Það er bara þannig. Það er alltaf verið að loka eitthvað á okkur hérna.“
Sverre var í KA liðinu 1995 og leikur með Akureyri í dag
6. mars 2015 - Akureyri handboltafélag skrifar
Barátta KA og Vals 1995 (myndband)
Í þættinum Handboltalið Íslands frá því í gær var sagt frá baráttu Vals og KA tímabilið 1994-1995. Liðin börðust í Bikarúrslitaleiknum sem og í úrslitunum um Íslandsmeistaratitilinn. Við hvetjum alla til að kíkja á innslagið úr þættinum og minnum á að Valsmenn mæta norður á sunnudaginn og leika gegn Akureyri klukkan 17:00!
Meistaraflokkur Akureyrar fær Val á sunnudaginn
4. mars 2015 - Akureyri handboltafélag skrifar
Mikil handboltahelgi framundan
Það er óhætt að segja að handboltinn verði fyrirferðamikill á Akureyri um komandi helgi. Meistaraflokkur Akureyrar tekur á móti Valsmönnum á sunnudaginn klukkan 17:00 en sá leikur var upphaflega settur á mánudagskvöldið. Valsmenn sitja sem kunnugt er í efsta sæti Olís deildarinnar og slógu Akureyri út úr bikarkeppninni fyrir nákvæmlega mánuði síðan.
Strákarnir í 2. flokki Akureyrar eiga einnig heimaleik á sunnudaginn en þeir mæta Fjölni í Íþróttahöllinni klukkan 11:15 á sunnudaginn. Þar má reikna með hörkuleik, Akureyri vann útileik gegn Fjölni um síðustu helgi, 27-31 og þurfa nauðsynlega á sigri að halda í toppbaráttu deildarinnar.
Í 1. deild karla eiga Hamrarnir heimaleik gegn Fjölni á laugardaginn. Sá leikur er klukkan 14:00 í KA heimilinu. Hamrarnir eru í baráttu um að komast í umspil um sæti í úrvalsdeildinni og munu örugglega gefa allt í þennan leik.
Hjá 3. flokki karla koma Víkingar í heimsókn og leika þrjá leiki, tvo við KA og einn við Þór. Á föstudaginn klukkan 20:30 og á sunnudaginn klukkan 12:30 spilar KA við Víking og eru báðir leikirnir í KA heimilinu. Þór og Víkingur eigast við í Íþróttahúsi Síðuskóla klukkan 14:30 á laugardaginn.
Ekki er allt upptalið því einnig verður leikið í 4. flokki karla. Á laugardaginn klukkan 13:30 mætast eldra ár Þór og Haukar í Íþróttahúsi Síðuskóla. Seinna á laugardaginn eða klukkan 16:00 mætast yngra ár KA og Hauka í KA heimilinu.
Meistaraflokkur kvenna hjá KA/Þór og 3. flokkur KA/Þór halda til Vestmannaeyja og leika þar á sunnudaginn (skv. nýjustu fréttum voru leikirnir færðir vegna veðurútlits frá laugardegi á sunnudag). Klukkan 10:00 mætast ÍBV og KA/Þór í 3. flokki kvenna og klukkan 13:30 mætast sömu liði í meistaraflokki kvenna.
Hér höfum við yfirlit yfir heimaleikjaplan helgarinnar í tímaröð:
Úrvalsdeild karla
Senda skilaboð
Vefur KA
Vefur Þór
Fréttaleit
Ljósmyndir frá leiknum
Tölfræði leiksins 
Þá liggur leiðin til Birgis H. Stefánssonar á visir.is sem einnig ræddi við Atla Hilmarsson auk þess sem hann ræddi við Guðmund Hólmar Helgason svo og Óskar Bjarna, þjálfara Vals:
Á vefnum sport.is eru viðtöl við Sverre Andreas Jakobsson og Óskar Bjarnason, það er nokkuð ljóst að það er Siguróli Magni Sigurðsson sem tekur viðtölin:
Senda á Facebook