Haukar unnu Akureyri í kvennaboltanum - Akureyri Handboltafélag

Warning: Undefined array key "frettanr" in /web/akhandadmin/public_html/index.php on line 15
Haukar unnu Akureyri í kvennaboltanum - Akureyri Handboltafélag


Fréttir - Leikir tímabilsins - Leikmenn - Stjórn - Saga og tölfræði - Höllin - Lagið - Myndir - Myndbönd - Tenglar
- Úrvalsdeild karla - Senda skilaboð - Vefur KA - Vefur Þór - Fréttaleit

Fyrri leiktímabil

Tímabilið 2006-07

Leikmenn meistarafl. karla

Leikmenn meistarafl. kvenna

Sjá tölfræði leiksins

		Haukar - Akureyri 27-22 (17-8)
		DHL deild kvenna
		Ásvellir
		7. mars 2007 klukkan: 19:00
		Dómarar: Helgi Rafn Hallsson og Sigurjón Þórðarson

Umfjöllun


Það gekk ekki hjá stelpunum		9. mars 2007 - SMS skrifar Haukar unnu Akureyri í kvennaboltanum Haukar tóku á móti Akureyri að Ásvöllum á miðvikudagskvöldið. Haukar byrjuðu mikið mikið betur og var eins og Akureyrarstelpur voru ekki vaknaðar og völtuðu Haukar yfir Akureyri í fyrri hálfleik og staðan var 17-8 í hálfleik, Haukum í vil. Engin í Akureyrarliðinu hafi verið að spila á fullum krafti og voru góðu sprettirnir mjög fáir. Einn leikmaður liðsins sagði í viðtali við fréttaritara að fyrrihálfleikurinn hefði verið einn daprasti í vetur. Jónatan Magnússon var ekki með í för þannig Jóhannes Bjarnason hefur greinilega messað vel yfir þeim í hálfleik enda komu þær sterkar til leiks í seinni hálfleik og gerðu sér lítið fyrir og unnu seinni hálfleikinn 14-10, en lokatölur urðu 27-22. Jóhannes þjálfari sagði í samtali við fréttaritara að þessi leikur hefði verið algjörlega kaflaskiptur, hálfleikarnir hefðu verið svart og hvítt. Hann lýsti yfir stolti yfir því hvernig stelpurnar komu til baka og sýndu gríðarlegan karakter að minnka forskotið svona. Hann sagði það að þrekæfingarnar væru greinilega að skila sínu. Þær sem spiluðu best á miðvikudaginn voru Ester Óskarsdóttir en hún skoraði 3 mörk. Ester var mjög dugleg að spila samherja sína uppi og finna glufur. Einnig var Auður Ómarsdóttir mjög góð fyrir utan í sókninni en hún skoraði 2 mörk en var líka dugleg að dæla boltum inn á línuna og fleira. Jóhannes sagði þó að erfitt væri að velja einhverja besta eftir þennan leik þar sem flestar hefðu átt góða spretti og einnig mjög slæma spretti. Sóknarfeilar voru of margir og kom það niður á okkar liði í dag. Haukar skoruðu 13 mörk úr hraðaupphlaupum en Akureyri aðeins 4. Markahæstar í liði Akureyrar í dag voru Þórsteina Sigurbjörnsdóttir með 8 mörk skoruð, og nokkur þeirra úr vítum. Næstar komu Guðrún Tryggvadóttir með 4, Ester Óskarsdóttir með 3, Jóhanna, Auður og Emma allar með 2 og síðan Lilja með 1 mark. Jarmila varði vel jafnt og þétt allan leikinn. Þær sem báru af í liði Hauka voru Hanna G. Stefánsdóttir með 8 mörk, Sandra Stojkovic og Harpa Melsted með 4 mörk.


Tengdar fréttir
Hvað gerist á morgun?		6. mars 2007 - SMS skrifar Haukar - Akureyri, upphitun Á morgun fer fram leikur kvennaliðs Akureyrar og Hauka að Ásvöllum í Hafnarfirði. Leikurinn hefst kl 19:00. Haukar hafa vissulega valdið vonbrigðum það sem liðið er af vetri. Þær hafa unnið 9 leiki, gert eitt jafntefli og tapað 6. Þær sitja í 4. sæti með 19 stig. Þær hafa aðeins fengið 3 stig úr síðustu 4 leikjum, en núna síðast gerðu þær jafntefli við Gróttu, 19-19. Hættulegust leikmenn Hauka eru Hanna G. Stefánsdóttir en hún er búin að vera mjög öflug í vetur og skora 100 mörk í 16 leikjum, Ramune Pekarskyte hefur hinsvegar skorað 116 mörk í 16 leikjum og svo síðast en ekki síst Sandra Stojkovic hefur skorað 80 mörk í 16 leikjum. Saman hafa þær stöllur skorað 296 mörk af 446 skoruðum mörkum Hauka í deildinni. Í liði Hauka er einnig varnartröllið Harpa Melsted sem er mikill reynslubolti. Hjá okkur er hin unga Ester Óskarsdóttir markahæst í vetur með 60 mörk í 15 leikjum, þar fylgja henni fast á hæla Erla Hleiður Tryggvadóttir og Þórsteina Sigurbjörnsdóttir báðar með 52 mörk skoruð í 16 leikjum. Þær systur Erla og Guðrún hafa báðar verið ákveðnar í vörninni í vetur og hefur Erla 9 sinnum þurft að fara útaf í 2 mínútur í 16 leikjum en Guðrún hinsvegar 15 sinnum í 16 leikjum. Þetta sýnir aðeins hvað vörn Akureyrar hefur farið vaxandi ásmegin. Aðeins einn leikmaður í DHL deild kvenna hefur látið reka sig oftar útaf en Guðrún og það er Anna Úrsúla Guðmundsdóttir í Gróttu og má hún eiga þann vafasama titil. En aftur að leiknum þá hafa þessi lið mæst tvisvar áður í vetur, í fyrstu umferð að Ásvöllum þar sem Haukar unnu stóran sigur 39-23 og svo aftur á Akureyri í 9 umferð þar sem Haukar unnu 27-21 eftir stórskemmtilegan leik þar sem Akureyri sýndi mjög góða takta á köflum Eins og áður sagði hefst leikurinn kl 19:00 annaðkvöld í Hafnarfirði og hvet ég alla Akureyringa nær og fjær að mæta og styðja við bakið á stelpunum okkar.

Umsjón og hönnun: Stefán Jóhannsson og Ágúst Stefánsson

web statistics