Arnór Atla og Halldór Jóhann að gera það gott úti

Tusem Essen, lið Halldórs Jóhanns Sigfússonar, hefur verið að spila marga leiki á undirbúningstímabilinu og hefur Dóri verið að standa sig afar vel. Arnór Atlason hefur svo verið að spila með sínu nýja liði FCK Kopenhagen.

Dönunum lýst mjög vel á Arnór en á heimasíðu liðsins er sagt að sóknarleikur liðsins sé miklu öflugri með Arnór og að liðið muni ná mun betri árangri á komandi tímabili heldur en á því síðasta.
Arnór skoraði 11 mörk í 34-23 sigri liðsins á Ystad IF. Miklar vonir eru bundnar við lið FCK Kopenhagen í ár og á næstu árum en stefnt er á stóra hluti bæði í Danmörku og í Evrópukeppnum. Það verður virkilega gaman að sjá hvernig Arnór finnur sig í danska boltanum í ár en ég er handviss um það að Arnór verður einn af bestu mönnum deildarinnar.

Halldór Jóhann Sigfússon hefur verið að leika mikið fyrir Tusem Essen, en Dóri nefbrotnaði undir lok síðasta tímabils og missti af síðustu fjórum leikjum liðsins. Essen spilaði gegn TBV Lemgo á dögunum og eftir að jafnt hefði verið í hálfleik 16-16 þá vann Lemgo verulega tæpan sigur 33-30. Dóri skoraði 6 mörk í leiknum og var næst markahæsti maður liðsins.
Þá spilaði Essen gegn Slóvenska liðinu Gorenje Valenje og endaði leiknum með jafntefli 26-26, Dóri gerði tvö mörk í leiknum.
Þá vann Essen verulega góðan sigur á Düsseldorf 27-22 og gerði Dóri þrjú mörk í leiknum.

Miðvikudaginn 16. ágúst tekur Essen á móti Alfreði Gíslasyni og félögum í Gummersbach. Mikil eftirvænting er í kringum lið Essen fyrir leiknum en Guðjón Valur gerði garðinn frægan með Essen áður en hann hélt til Gummersbach.


Tusem Essen 2006-2007 (smellið á myndina til að sjá hana stærri)