Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Arnar Sveinbjörnsson spilaði sinn fyrsta meistaraflokksleik 19. ágúst 2006 - ÁS og SÁ skrifar Akureyri tapaði með 15 mörkum gegn Ajax Í gær spilaði lið Akureyrar Handboltafélags sinn fyrsta leik, en leikurinn fór fram í Kaupmannahöfn og var leikið gegn Ajax Heroes. Skelfileg byrjun varð liðinu að falli en lokatölur leiksins voru Ajax 35 Akureyri 20. Þessi 15 marka munur kom strax í fyrri hálfleik og var staðan í hálfleik einhver 15 mörk. Liðið náði að spila mun betur saman í síðari hálfleik og missti Ajax ekki lengra frá sér. Hinsvegar verður að taka það með í myndina að úrslit leiksins séu ekki það mikilvægasta heldur er það að liðið nái að spila sig saman og sjá hvar þarf að bæta sig. Þrátt fyrir skelfileg úrslit leiksins verður að taka það með í myndina að þetta var fyrsti leikur hjá nýju liði, þar sem leikmenn eru ekki búnir að læra kerfi. Liðið náði einfaldlega ekki að fúnkera saman. Aigars Lazdins var ekki á staðnum en hann átti að hitta liðið í Danmörku. Hinn nýi leikmaður Alexey Kuzmins spilaði sinn fyrsta leik þrátt fyrir að hafa ekki verið neitt með liðinu en hann hitti liðið úti. Vörn Akureyrar var að standa sig mjög vel á miðjunni en Ajax skoraði fjöldann allan af mörkum úr hornafærum. Í sókninni var mikið treyst á einstaklinga en það er einmitt vegna þess að liðið er ekki orðið nógu mikil liðsheild, enda tveim liðum skellt í eitt. Dómarar leiksins pirruðu leikmenn og þjálfara Akureyrar eitthvað í leiknum en það er auðvitað engin afsökun fyrir stóru tapi. Liðið mun breyta miklu fyrir leikinn á morgun sem verður gegn HIK, en liðið mun nýta þessa ferð til að spila sig saman. Í dag var enginn leikur á dagskrá heldur tók liðið tvær tveggja tíma æfingar og vonandi koma menn betur stemmdir og betur spilandi í leikinn á morgun. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson