Kynningarfundur Akureyrar haldin í gær (myndir)

Í gærkvöldi var haldin kynningarfundur fyrir nýtt handboltalið á Akureyri, Akureyri Handboltafélag. Þar voru leikmenn kynntir, búningar og margt fleira. Skrifað var undir samninga við aðalstyrktaraðila liðsins í vetur en þeir verða Bónus og Goði. Aðalbúningur liðsins verður hvítur en hann er hægt að sjá á mynd hér fyrir neðan. Ný heimasíða var sem kunnugt er opnuð og margt áhugavert að gerast.

Hannes Karlsson formaður Akureyrar hélt smá ræðu. Hann talaði um að unnið hefði verið undir afar jákvæðum formerkjum við þessa samvinnu KA og Þór að reka saman handknattleiksdeild. Þá vildi hann meina að aðilarnir sem að þessu hafa komið hafi náð einstaklega vel saman. Um Akureyri í framtíðinni og handbolta hafði Hannes þetta að segja:
"Miklar væntingar eru gerðar til liðanna í framtíðinni og hefur markið verið sett hátt. Markmiðið með þessari samvinnu er að koma upp einu öflugasta handboltaliði landsins, liði allra Akureyringa. Einnig að bæta verulega rekstur og ná fram aukinni hagræðingu, ásamt því að ná fram aukinni fjölmiðla umræðu sem hefur stórlega á vantað um handknattleiksíþróttina og lyfta henni aftur á þann stall sem hún á heima.

Sævar Árnason annar þjálfara Akureyri tók svo til máls og talaði um undirbúningstímabilið. Hann talaði um Danmerkurferðina og Sjallamótið og að liðið hefði verið að leika þokkalega þar. Sævar sagði svo að greinilegar framfarir á liðinu hefðu sést í leikjunum þremur um seinustu helgi. "Það eru 25% af liðunum sem falla. Þannig að það verður gríðarlega hörð keppni í vetur og greinilegt að liðin eru mjög hrædd við þetta keppnisfyrirkomulag því öll liðin eru búin að styrkja sig gríðarlega og komin með menn heim úr atvinnumennsku og annað. Ég held að við megum eiga von á sterkustu og mest spennandi og skemmtilegustu deild í karlaboltanum í mörg mörg ár.

Hvað okkar styrkleika varðar þá hefur verið stígandi í þessu hjá okkur. Við erum með breiðan og góðan mannskap. Við ætlum svo sannarlega að vera með í baráttunni. Við sáum það í leikjunum í gærkvöldi að það getur allt gerst í þessu og það munu allir koma til með að vinna alla. Þetta verður spurning um hugarfar og hvernig menn mæta í leikina."

Myndir af fundinum, teknar af Þóri Ólafi Tryggvasyni:

Goði og Bónus skrifa undir styrktarsamning við lið Akureyrar


Aðalbúningur karlaliðsins er hvítur en aðalbúningur kvennaliðsins er dökkblár


Sævar og Rúnar þjálfarar karlaliðs Akureyrar


2. flokkur karla


Meistaraflokkur karla


Goran Gusic og Alexey Kuzmins




Haddur og Einvarður þjálfarar kvennaliðs Akureyrar


Meistaraflokkur kvenna


Kristján Þór Júlíusson bæjarstjóri opnar nýja heimasíðu Akureyrar Handboltafélags




Stjórn Akureyrar Handboltafélags ásamt Kristjáni bæjarstjóra