Magnús á Sjallamótinu
Mynd: Skapti Hallgrímsson
| | 29. september 2006 - SÁ skrifar
Magnús: Bjartara yfir þessu en menn þora að vonaStórskyttan Magnús Stefánsson hefur vaxið mjög sem leikmaður undanfarin í ár. Þetta tímabil fær hann stórt hlutverk hjá Akureyri og á að vera einn þeirra sem ber liðið uppi. Við töluðum við Magga í gærkvöldi og spurðum hann nokkurra spurninga.
SÁ: Magnús, þá fer þetta að byrja. Hvernig sérðu þetta?
Magnús: Þetta leggst bara betur og betur í mig eftir því sem líður á. Hópurinn er að verða þéttari og þetta er allt að slípast saman finnst mér.
SÁ: Hvernig finnst tíminn fram að fyrsta leik hafa verið?
Magnús: Mér finnst hann hafa gengið vonum framar. Ég bjóst ekki við því að það yrði svona auðvelt að steypa saman þessum hópum en þetta eru góðir strákar úr báðum liðum. Þannig að það hefur bjargast og menn hafa verið að taka vel á.
SÁ: Finnst þér þið á réttu róli í undirbúningi ykkar?
Magnús: Já, ég myndi segja það. Menn eru sprækir og í góðu ásigkomulagi og ég held við séum á réttum stað núna.
SÁ: Spáin, hvað finnst þér um 6. sætið?
Magnús: Ég veit það ekki. Ég reyni nú að spá sem minnst í þessu og einbeita mér bara að sjálfum mér og liðinu. Það kemur svo bara í ljós hvernig þetta endar þegar upp er staðið en ég held að það sé bjartara yfir þessu en menn þora að vona.
SÁ: Valsmenn á laugardaginn...
Magnús: Það leggst vel í mig. Byrja þetta á erfiðum leik. Ég er viss um að við eigum eftir að koma þeim á óvart en ég held ég segi bara sem minnst svo þeir fari ekki að lesa um það á heimasíðunni!
Við þökkum Magnúsi kærlega fyrir að gefa okkur af tíma sínum. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu