Valdi og Rúnar fara áfram í bikarkeppninni
| | 18. október 2006 - SÁ skrifar
Akureyri áfram í bikarnumLið Akureyrar var rétt í þessu að komast áfram í 32-liða úrslitum SS-Bikarsins en liðið fór á Selfoss að leika við heimamenn. Akureyri vann leikinn 41-30 eftir að hafa leitt 19-16 í hálfleik.
Akureyri komst strax yfir gegn ungu liði Selfoss en allir leikmenn liðsins að þremur undanskildum eru í Unglingaflokki og 2. flokki. Þessir ungu strákar þeirra léku mjög vel nær allan leikinn og lofuðu afar góðu fyrir framtíðina en Selfoss er með eitt öflugasta yngri flokka starf á landinu. Þeir eiga samkvæmt okkar heimildum mikið lof skilið fyrir framgöngu sína þennan daginn.
Akureyri leiddi ýmist með 3-4 mörkum lengst af í fyrri hálfleik en þegar ein og hálf mínúta var eftir af hálfleiknum minnkaði Selfoss í 16-18 og fá tækifæri á að minnka muninn enn frekar í næstu sókn. Akureyri skoraði svo seinasta mark hálfleiksins og staðan 16-19.
Framan af seinni hálfleik komst Akureyri ekki lengra frá ungum Selfyssingum en 3-4 mörk en staðan var 23-26 fyrir Akureyri þegar rúmar 13 mínútur voru liðnar af seinni hálfleik. Þá fer Akureyri að hlaða á mörkum og var eins og Selfyssingar væru hættir á köflum. Lokatölur voru svo 11 marka sigur Akureyrar, 41-30.
Akureyri er því komið áfram í 16-liða úrslit SS-Bikarsins og spurning hvort mikið og merkilegt bikarævintýri sé að hefjast hjá Akureyrarliðinu.
Markmenn: Sveinbjörn 7 varin skot, 17 mörk á sig og Arnar með 12 varin, 13 mörk á sig.
Mörk: Nikolaj Jankovic 9, Hörður Fannar Sigþórsson 6, Goran Gusic 6, Andri Snær Stefánsson 5, Ásbjörn Friðriksson 5, Heiðar Þór Aðalsteinsson 3, Magnús Stefánsson 3, Þorvaldur Þorvaldsson 2 og Aigars Lazdins 2.
Við hvetjum fólk til að skoða Beina Lýsingu frá leiknum |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu