Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Hvað gerist gegn Fram á miðvikudaginn? 4. desember 2006 - ÁS skrifar  2 dagar í leik: Leið liðanna í leikinn Á miðvikudaginn verður leikinn einhver stærsti leikur tímabilsins í KA-Heimilinu. Akureyri mun þá taka á móti Íslandsmeisturum Fram klukkan 19:15 í 8-liða úrslitum SS-Bikarsins. Liðið sem vinnur kemst áfram í undanúrslit og er því einungis einum leik frá úrslitaleiknum sjálfum. Við skulum kíkja aðeins á leið Akureyrar og Fram í leikinn. 32-liða úrslit Framarar voru eina liðið í keppninni sem fengu að sitja hjá í 32-liða úrslitum. Akureyri þurfti að fara til Selfoss og vann þar öruggan sigur. Staðan var 16-19 fyrir Akureyri í hálfleik en liðið lék betur í seinni hálfleik og vann að lokum 30-41 sigur. 16-liða úrslit Framarar fengu heimaleik gegn Fylki og var leikurinn virkilega spennandi. Fylkir leiddi 14-16 í hálfleik, Íslandsmeistarar Fram sýndu hinsvegar frábæra spilamennsku í síðari hálfleik og unnu að lokum 34-31 sigur. Akureyri átti að fara suður til að spila við ÍR2 en fékk leikinn að lokum norður og var leikið í KA-Heimilinu. Akureyri vann öruggan sigur en leikurinn var lítið fyrir augað og spilamennskan ekkert til að hrópa húrra fyrir. Það hinsvegar skiptir engu og liðið komst áfram. Nú þegar hafa topplið Vals og HK fallið úr leik og einnig Fylkir en þau lið leika í DHL-Deildinni. Einu DHL-Deildar liðin sem mætast í 8-liða úrslitum eru einmitt Akureyri og Fram. Ef Akureyri tekst að slá út Fram verða mörg stórlið dottin útúr Bikarkeppninni. Akureyri Handboltafélag ætlar sér alla leið í SS-Bikarnum í ár og þarf á öllum þeim stuðning sem í boði er á miðvikudaginn. Framarar eru stórlið og þar þurfa allir að leggja sitt af mörkum til að sigur náist. Leikurinn á miðvikudaginn verður án vafa frábær skemmtun og þetta er einn af stærstu leikjum tímabilsins. Akureyri - Fram, KA-Heimilið 6. desember klukkan 19:15 Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson