Ásbjörn, Sveinbjörn og Hákon fengu silfur á Hela Cup
| | 29. desember 2006 - ÁS skrifar
U-19: 8 marka tap gegn Þjóðverjum í úrslitumLandslið Íslands skipað leikmönnum 19 ára og yngri tapaði í kvöld fyrir Þjóðverjum í úrslitaleik Hela Cup. Hela Cup er haldið í Þýskalandi og hefur Ísland aldrei áður komist í úrslitaleik mótsins en þetta er í 13. sinn sem Ísland tekur þátt á mótinu.
Varnarleikurinn sem Íslenska liðið hafði verið að spila svo vel á mótinu stóð því miður ekki eins vel í kvöld og í undanförnum leikjum og var staðan 19-14 fyrir Þýskaland í hálfleik. Lokatölur voru svo 32-24 fyrir Þýskaland, strákarnir eiga mikið hrós skilið fyrir spilamennsku sína á mótinu en þetta er besti árangur Íslands á Hela Cup frá upphafi.
Sveinbjörn Pétursson varði 12 bolta í markinu og Ásbjörn Friðriksson skoraði 2 mörk. Hákon Stefánsson náði ekki að setja mark sitt á leikinn.
Heimasíðan óskar Sveinbirni, Ásbirni, Hákoni og liðsfélögum þeirra hjartanlega til hamingju með árangurinn sem er glæsilegur. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu