Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Elmar stóð sig afar vel í dag 6. janúar 2007 - ÁS skrifar  2. flokkur: 6 marka heimasigur á Haukum 2. flokkur Akureyrar lék gegn Haukum í KA-Heimilinu fyrr í dag og með góðum leik þá sigruðu strákarnir Hauka sannfærandi 30-24. Liðin mætast aftur í KA-Heimilinu á morgun en leikirnir eru liður í Norður-riðli deildarkeppninnar í 2. flokki. Strákarnir hófu leikinn ekki nægjanlega vel, þó var jafnt til að byrja með og staðan 3-3. Haukar náðu þá góðum kafla og komust í 3-7. Akureyri minnkaði í 6-7 en Haukar héldu forystunni næstu mínútur. Það var svo þegar um 10 mínútur voru eftir af fyrri hálfleik að Akureyri náði forystunni og náði góðri forystu. Haukar skoruðu síðasta mark hálfleiksins og hálfleiksstaðan var 14-12 fyrir Akureyri. Í seinni hálfleik náði Akureyri afar góðri forystu og Haukar voru aldrei líklegir til að koma sér aftur í leikinn. Á endanum sigraði Akureyri 30-24, en Elmar Kristjánsson markvörður lék ótrúlega í leiknum og var maðurinn sem skóp sigurinn í dag. Allir leikmenn liðsins stóðu fyrir sínu en Haukar eru með fínt lið. Andri Snær Stefánsson var markahæstur með 7 mörk og Guðmundur Hermannsson skoraði 6 mörk. Liðin mætast svo aftur á morgun klukkan 12:00. Eftir leikinn eru liðin jöfn að stigum á toppi Norður-riðils. Akureyri hefur 8 stig eftir 4 leiki en Haukar hafa leikið 6 leiki. Með sigri á morgun nær Akureyri mjög góðu forskoti í riðlinum og því gríðarlega mikilvægt að sigra. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson