Það gekk ekki í fyrsta leik eftir áramót
| | 8. janúar 2007 - SMS skrifar
Kvennaliðið tapaði gegn FHÁ föstudagskvöldið lék Akureyri sinn fyrsta leik á árinu gegn FH en leikurinn fór fram í Kaplakrika í Hafnarfirði. Leikurinn gekk því miður ekki eins og skyldi og var þetta góður séns til að ná í fyrstu stig vetrarins þar sem FH liðið er í næst neðsta sæti deildarinnar. Svo fór að FH unnu sannfærandi sigur 26-19 eftir að hafa verið 13-9 yfir í hálfleik.
Í spjalli fréttaritara við einn leikmann Akureyrarliðsins þá sagði hún að það sem hefði verið að klikka í leiknum hefði verið að nýta færin betur, of mörg víti fóru forgörðum, hraðaupphlaup, línusendingar og skot af 6 metrunum voru einnig að klikka. Ef þessi smáatriði hefðu gengið upp sagði hún leikinn hafa þróast allt öðruvísi og hefði eins getað dottið okkar meginn. En það þýðir ekki að hengja haus heldur rífa sig upp fyrir næsta leik þegar þær fá Fram stelpur í heimsókn á þriðjudagskvöldið í KA heimilið. Þá verður reyndar þjálfari liðsins ekki með þær heldur nýr aðstoðarþjálfari sem er kunnugur KA mönnum og öðrum Akureyringum.
Markahæst í liði Akureyrar á föstudaginn var Guðrún Tryggvadóttir með 5 mörk, næstar þar á eftir komu Lilja Þórisdóttir og Ester Óskarsdóttir með 4 mörk hvor, Þórdís Sigurbjörnsdóttir og Erla Tryggvadóttir skoruðu 2 mörk og Jóhanna Tryggvadóttir og Emma Havin skoruðu 1. Sibba stóð vaktina í markinu allann tímann og stóð hún fyrir sínu.
Það vantaði Jarmilu og Auði Ómarsdóttir í leikinn en þær voru báðar fjarverandi. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu