Aigars og Kuzmins byrja vel með Lettlandi

Fréttir

Þú flettir milli frétta með örvalyklunum eða smellir á bláu örvarnar!


Aigars og landar hans byrja undankeppnina vel		9. janúar 2007 - ÁS skrifar Aigars og Kuzmins byrja vel með Lettlandi Aigars Lazdins og Alexey Kuzmins leikmenn Akureyrar Handboltafélags eru um þessar mundi að leika með landsliði Lettlands í undankeppni EM 2008. EM 2008 verður haldið í Noregi. Í undankeppninni er Lettland að leika gegn Georgíu, Rúmeníu og Búlgaríu. Hvert lið leikur 6 leiki, Lettland hefur nú leikið tvo leiki. Báðir leikirnir voru gegn landsliði Georgíu. Fyrst var leikið í Lettlandi og með mjög góðri spilamennsku náðu Lettar að sigra mjög örugglega 38-20 eftir að hafa verið 18-8 yfir í hálfleik. Kuzmins skoraði 1 mark í leiknum en Aigars náði ekki að setja mark sitt á leikinn. Liðin léku svo í Georgíu aðeins fjórum dögum seinna og þá voru Lettar í meiri vandræðum með Georgíumennina. Georgía var yfir 15-14 í hálfleik en með bættri spilamennsku náðu Lettar að tryggja sér sigurinn 29-32 á endanum. Kuzmins og Aigars náðu hvorugur að skora. Lettland mun svo spila gegn Búlgaríu í Búlgaríu á morgun. 14. janúar munu liðin svo mætast í Lettlandi. Búlgaría hefur einnig leikið tvo leiki í riðlinum. Liðið tapaði í báðum leikjunum gegn Rúmeníu. 38-24 í Rúmeníu og 24-30 í Búlgaríu. Heimasíðan sendir baráttukveðjur til félaganna fyrir leikina sem eru í vændum.
Fletta milli frétta	Til baka Senda á Facebook