Hvernig væri að mæta á Greifann og mynda HM stemmningu?
| | 12. janúar 2007 - Akureyri Handboltafélag skrifarHM stofa Greifans og Akureyrar HandboltafélagsVeitingahúsið Greifinn og Akureyri Handboltafélag hafa tekið saman höndum um að opna sérstaka HM-stofu í veitingasalnum Stássinu á meðan heimsmeistaramótið í Þýskalandi stendur yfir. Mótið hefst eftir rúma viku eða 20. janúar.
Í Stássinu stendur fólki til boða að horfa á leiki Íslands á stórum sjónvarpsskjá, hlýða á handboltaspekinga spá í spilin fyrir leiki, í hálfleik og eftir leiki, og Greifinn býður upp á sérstakan HM-matseðil, einfaldan en sportlegan.
Ísland leikur í B-riðli, sem fram fer í Magdeburg.
Leikirnir í riðlakeppninni eru þessir:
Laugardagur 20. janúar Ísland - Ástralía 15.00
Sunnudagur 21. janúar Ísland - Úkraína 17.00
Mánudagur 22. janúar Ísland - Frakkland 19.00
Leikstaðir og tímar í milliriðli fara eftir gengi Íslands í B-riðlinum. Framhaldið verður því auglýst nánar síðar, en HM-stofan verður að sjálfsögðu opin alla keppnina - að minnsta kosti þegar Ísland leikur og þegar leikið verður um efstu sætin. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu