Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Atli og liðsfélagar hans unnu góðan sigur í dag 20. janúar 2007 - ÁS skrifar  2. flokkur: Góður útisigur á Haukum 2. flokkur karla hjá Akureyri Handboltafélagi lék í dag á Ásvöllum gegn Haukum. Fyrir leikinn voru liðin í fyrstu tveim sætunum í Norður Riðli en Akureyri þó með gott forskot á Hauka. Leikurinn í dag var köflóttur hjá okkar mönnum en á endanum unnu þeir góðan sigur, 27-30. Strákarnir léku á köflum vel en þar á milli var spilamennskan ekki merkileg. Þegar 10 mínútur voru eftir af fyrri hálfleik leiddu Haukar með 5 mörkum og hafði Akureyri ekki verið að leika sinn besta bolta. Strákarnir hinsvegar löguðu stöðuna undir lok hálfleiksins og var staðan 16-15 fyrir Hauka í hálfleik. Þeir héldu svo áfram að leika vel í upphafi síðari hálfleiks og náðu snemma 4 marka forystu. Sú forysta hélst út leikinn, það var þó mikil spenna í leiknum enda geta hlutirnir gerst fljótt í handboltanum. Strákarnir héldu haus út leikinn og kláruðu dæmið 27-30. Þessi sigur er mjög mikilvægur, strákarnir eru því enn með fullt hús stiga eftir 6 leiki í Norður Riðli. Á morgun fer liðið í Digranes og mætir HK. HK verður með sitt sterkasta lið á morgun og má búast við hörkuleik. Staðan í Norður Riðli eftir leikinn 1. Akureyri 6 leikir 12 stig 2. Haukar 8 leikir 8 stig 3. HK 7 leikir 7 stig 4. Grótta 6 leikir 3 stig 5. Stjarnan 5 leikir 2 stig Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson