Fagna menn innilega á morgun eða verður dagurinn algjör vonbrigði? Þeirri spurningu verður svarað í Fylkishöll og á Rúv klukkan 16:15 á morgun
| | 9. febrúar 2007 - SÁ skrifar
Alvaran að hefjast að nýju!Karlalið Akureyri Handboltafélags hefur leik aftur í DHL-Deildinni á morgun eftir gott frí. Andstæðingar okkar manna verða að þessu sinni Fylkir en leikurinn verður sýndur beint á Rúv klukkan 16:15 á morgun. Okkar menn voru komnir á fínt skrið fyrir jól og var liðið alveg að slípast saman. Sumir sögðu að þetta frí hefði komið á leiðinlegum tíma en Akureyri vann Fram frábærlega í seinasta leiknum fyrir áramót.
Spurningunni um hvort Akureyri mæti jafn stemmt í síðari hluta keppnistímabilsins verður svarað í Fylkishöllinni á morgun en andstæðingar okkar eru mun sterkari en þegar þeir mættu okkar mönnum fyrr í vetur. M.a. eru Heimir Árnason fyrrum leikmaður KA og Guðlaugar Arnarson, sem fór á lán til Gummersbach, komnir aftur til Fylkis og segir það allt sem segja þarf.
Það verður algjör toppleikur í beinni á Rúv á morgun eða eitthvað sem enginn Akureyringur má láta fram hjá sér fara eða bara allir handboltaunnendur í raun. Halda okkar menn áfram á leiðinni upp á við í þessum leik eða slökkva Fylkismenn lífið í Akureyri? Þeir sem hafa tök á að mæta á leikinn, mætið því ef einhvern tíman verður hart barist verður það í þessum leik. Aðrir verða að nýta sér útsýningu Rúv en leikurinn hefst 16:15. Þessi leikur skiptir nefnilega ótrúlega miklu máli upp á framhaldið því það að byrja vel eftir hlé getur hreinlega skipt öllu máli um það hvernig þetta tímabil þróast.
Áfram Akureyri |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu